कर्जमाफीच्या लाभार्थ्यांना तत्काळ पीक कर्जवाटप करा ः मुगळीकर

परभणी : कर्जमुक्ती योजनाअंतर्गत कर्जमाफीच्या लाभार्थी शेतकऱ्यांना तत्काळ पीक कर्जवाटप करावे. जून महिना संपण्यापूर्वी पीक कर्जवाटपाचे उद्दिष्ट पूर्ण करावे’’, असे निर्देश जिल्हाधिकारी दीपक मुगळीकर यांनी दिले.
 Immediate to the beneficiaries of the loan waiver Distribute crop loans: Mughlikar
Immediate to the beneficiaries of the loan waiver Distribute crop loans: Mughlikar

परभणी : ‘‘छत्रपती शिवाजी महाराज शेतकरी सन्मान योजना आणि महात्मा जोतीराव फुले शेतकरी कर्जमुक्ती योजनाअंतर्गत कर्जमाफीच्या लाभार्थी शेतकऱ्यांना तत्काळ पीक कर्जवाटप करावे. जून महिना संपण्यापूर्वी पीक कर्जवाटपाचे उद्दिष्ट पूर्ण करावे’’, असे निर्देश जिल्हाधिकारी दीपक मुगळीकर यांनी दिले. 

यंदाच्या खरीप हंगामात जिल्ह्यातील बॅंकांना दिलेल्या उद्दिष्टानुसार जिल्हा बॅंक वगळता अन्य बॅंकांचे पीक कर्जवाटपाचे प्रमाण अत्यल्प असल्याची बाब निदर्शनास आली आहे. पीक कर्जवाटपास गती देण्यासाठी बॅंकांना सूचना केल्या आहेत. त्यात १ लाख ६० हजार रुपयांपर्यंतच्या पीककर्जासाठी इतर बॅंकांचे बेबाकी प्रमाणपत्र घेण्याची आवश्यकता नाही. त्याऐवजी शेतकऱ्याचे स्वंयघोषणापत्र घ्यावे. नवीन शेतकऱ्यांना तत्काळ पीक कर्जवाटप करावे. महात्मा जोतीराव फुले शेतकरी कर्जमुक्ती योजनेमधील एनपीए असेलेल्या खात्यांना शासनाने हेअर कट अकारला आहे. उर्वरित रक्कम बँकांनी सोसावयाची आहे. 

कर्जखाते बेबाक करावयाचे आहे. उर्वरित रक्कम संबधित शेतकऱ्यांना भरणा करण्यास सांगू नये. पीककर्ज मागणीसाठी www.parbhani.gov.in या वेबसाईट वरील अर्ज नमुना डाऊनलोड करुन आवश्यक त्या कागदपत्रासह ग्रामपंचायत कार्यालयात जमा करावा. कोरोनाच्या पार्श्वभूमीवर गावनिहाय नेमलेल्या नोडल अधिकाऱ्यांनी संबंधित गावातील शेतकऱ्यांनी आवश्यक कागदपत्रांसह कर्ज मागणी अर्ज तत्काळ स्विकारावे. सर्व बॅँकांनी सुलभ पीक कर्जवाटप अभियानाअंतर्गंत शाखेतील ग्राहकांना एसएमएस पाठवून संपूर्ण कागदपत्रासह कर्ज मागणी अर्ज ग्रांमपंचायत कार्यालयात जमा करण्याच्या सूचना द्याव्या. 

गावनिहाय, शाखानिहाय अर्ज घेताना केसीसी कार्ड न मिळालेल्या शेतकऱ्याकंडून त्यासाठीचे अर्ज भरुन घेऊन तत्काळ केसीसी कार्ड वाटप करावे. सर्व पीएम किसान लाभार्थ्यांना केसीसीचे कार्ड वाटप करावे. पात्र शेतकऱ्यांना पीककर्जासोबतच पशु-पालन, कुक्कुटपालन, दुग्धव्यवसाय, शेळी-मेंढी पालन, मत्स्यपालन आदीसाठी कर्जवाटप करावे, अशा सूचना मुगळीकर आणि जिल्हा उपनिबंधक (सहकारी संस्था) मंगेश सुरवसे यांनी केल्या.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com