जनहितचे धरणे अन् तत्काळ शेतकऱ्यांच्या बँक खात्यावर पैसे

सोलापूर ः मोहोळ तालुक्यातील ऑक्टोबर - नोव्हेंबर २०१९ मध्ये अवकाळी पावसामुळे पिकांचे व बागांचे नुकसान झाले. त्याची भरपाई मिळाली नाही. सातत्याने पाठपुरावा करुनही दखल घेतली जात नव्हती. त्यामुळे जनहित शेतकरी संघटनेने शुक्रवारी (ता.३) तहसीलसामोर धरणे आंदोलन करताच, शेतकऱ्यांच्या खात्यावर पैसे जमा करण्यात आले.
 Immediate detention of `janhit` Money in farmers' bank accounts
Immediate detention of `janhit` Money in farmers' bank accounts

सोलापूर  ः मोहोळ तालुक्यातील ऑक्टोबर - नोव्हेंबर २०१९ मध्ये अवकाळी पावसामुळे पिकांचे व बागांचे नुकसान झाले. त्याची भरपाई मिळाली नाही. सातत्याने पाठपुरावा करुनही दखल घेतली जात नव्हती. त्यामुळे जनहित शेतकरी संघटनेने शुक्रवारी (ता.३) तहसीलसामोर धरणे आंदोलन करताच, शेतकऱ्यांच्या खात्यावर पैसे जमा करण्यात आले. 

संघटनेचे संस्थापक प्रभाकर देशमुख यांच्या नेतृत्वाखाली हे आंदोलन झाले. मोहोळ तालुक्यातील कोन्हेरीतील ५९ शेतकरी, पाटकूलचे १८९ शेतकरी, तसेच तालुक्यातील इतर काही गावांच्या शेतकऱ्यांना नुकसान भरपाई अजूनही मिळालेली नाही. त्याबाबत देशमुख यांनी निवेदनाद्वारे मागणी केली. 

मोहोळ तहसिल कार्यालयासमोर ११ ते ५ या पाळत जमावबंदीचा व सोशल डिस्टन्सिंगचा नियम पाळत एक दिवसाचे धरणे आंदोलन केले. या आंदोलनाची दखल घेत सायंकाळी शेतकऱ्यांच्या खात्यावर संबंधित बँकेने पैसे जमा केले.

या आंदोलनात विकास जाधव, चंद्रकांत निकम, नानासाहेब मोरे, सरपंच महेश धुमाळ, सरपंच शिवाजी पासले, जिलानी शेख, नितीन जरग, दत्तात्रय चौधरी, दिपक जरग, अशोक शेळके, अरुण सातपुते, परमेंश्वर माने आदीसह कार्यकर्ते उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com