agriculture news in Marathi immediate licence for transport of agricultural produce Maharashtra | Agrowon

शेतमाल वाहतुकीसाठी मिळणार तत्काळ परवाना 

टीम अॅग्रोवन
शुक्रवार, 27 मार्च 2020

कोरोनाच्या पार्श्वभूमीवर शहरांमध्ये भाजीपाला, फळे, दूध आदी अत्यावश्यक मालाच्या वाहतुकीसाठी शेतकरी गट आणि शेतकऱ्यांना परवाना देण्यास प्रादेशिक परिवहन कार्यालयाने (आरटीओ) सुरुवात केली आहे.

पुणे ः कोरोनाच्या पार्श्वभूमीवर शहरांमध्ये भाजीपाला, फळे, दूध आदी अत्यावश्यक मालाच्या वाहतुकीसाठी शेतकरी गट आणि शेतकऱ्यांना परवाना देण्यास प्रादेशिक परिवहन कार्यालयाने (आरटीओ) सुरुवात केली आहे. ऑनलाइन व ऑफलाईन अर्ज करण्याची सुविधा उपलब्ध केली असून शेतकऱ्यांनी संबंधित ‘आरटीओ’ कार्यालयाशी संपर्क साधून परवाना घ्यावा, असे आवाहन करण्यात आले आहे. 

संचारबंदीमुळे वाहनधारकांना ‘आरटीओ’ कार्यालयात येणे शक्य होत नाही. त्यामुळे परिवहन मंत्री यांच्या अध्यक्षतेखाली बुधवारी (ता.२५) झालेल्या बैठकीत अत्यावश्यक सेवा व वस्तू यांची वाहतूक करणाऱ्या मालवाहू वाहनांना प्रमाणपत्र देण्याबाबत सूचना देण्यात आल्या होत्या. त्यानुसार या परिवहन आयुक्त कार्यालयाने सर्व क्षेत्रीय कार्यालयांना कळविले आहे. 

‘आरटीओ’ कार्यालयातील गर्दी टाळण्यासाठी तसेच अत्यावश्यक सेवा व वस्तूंची वाहतूक करणाऱ्या वाहनधारकांना सोयीचे व्हावे, म्हणून प्रत्येक प्रादेशिक परिवहन अधिकारी व उप प्रादेशिक परिवहन अधिकारी ‘आरटीओ’ यांनी त्यांच्या कार्यालयाच्या ई-मेलवर अर्ज स्वीकारावेत. असे अर्ज प्राप्त झाल्यानंतर अर्जात नमूद वाहनास तत्काळ प्रमाणपत्र जारी करावे व त्याची नोंद स्वतंत्र नोंद वहीत ठेवावी. जारी केलेले प्रमाणपत्र अर्ज करणाऱ्या वाहनधारकाच्या ई-मेलवर स्कॅन करून पाठवावे. प्रमाणपत्रावर ‘सेकंड कॉपी सेंट फ्रॉम ऑफिस ई-मेल’ अशी टीप टाकावी. 

वाहनधारकांनी परिवहन कार्यालयाच्या ई-मेल आयडी किंवा व्हाट्सअॅपद्वारे अर्ज करावा. या संदर्भात शासन 
अधिसूचना २५ मार्च २०२० रोजी सुधारीत सूचना निर्गमित केलेल्या आहेत. सूचनांतील मुद्दा क्रमांक नऊमध्ये अत्यावश्यक सेवा व वस्तू यांची वाहतूक करणाऱ्या वाहनांना सदर बंदीतून वगळण्यात आले आहे. तसेच मुद्दा क्रमांक २२ मध्ये अत्यावश्यक सेवा देणाऱ्या संस्थांनी स्वतःच असे स्टिकर आपल्या वाहनांवर लावण्याच्या सूचना आहेत.

तथापि जे वाहनधारक परिवहन विभागाच्या प्रमाणपत्रांची मागणी करतील त्यांना rto.०१-mh@gov.in किंवा संबंधित परिवहन कार्यालयाने दिलेल्या ई-मेलवर अर्ज करून परिवहन विभागाचे प्रमाणपत्र जारी करावे, अशा सूचना उप परिवहन आयुक्तालयाच्या प्रशासन विभागाने दिल्या आहेत. 

पुणे जिल्ह्यासाठी संपर्क 
पुणे जिल्ह्यातील शेतकरी व शेतकरी गट, वाहतूक संघटनांनी वाहतुकीसाठी पुणे, बारामती, पिंपरी चिंचवड या विभागाशी संपर्क साधावा. त्यासाठी पुणे विभागातील नागरिकांनी mh१२@mahatranscom.in, बारामती विभागातील नागरिकांनी mh१२@mahatranscom.in, तर पिंपरी चिंचवड विभागातील नागरिकांनी mh१४@mahatranscom.in या ईमेलवर अर्ज करावेत. अर्ज करताना गाडीचे फिटनेस प्रमाणपत्र, इन्शुरन्स पावती, टॅक्स पावती व विमा पावती जोडणे आवश्यक आहे. बारामती विभागात ऑनलाइन १८ तर ऑफलाईन ८ असे एकूण २६ अर्ज दाखल झाले होते. या सर्वांना प्रमाणपत्र तत्काळ दिले असून तीन अर्ज रद्द झाल्याची माहिती बारामती उपप्रादेशिक परिवहन कार्यालयाचे विनायक साखरे यांनी दिली. 
 


इतर अॅग्रो विशेष
शेतकरी कंपन्यांचाही ‘ई-नाम’मध्ये समावेश नवी दिल्ली: केंद्रीय कृषीमंत्री नरेंद्रसिंह तोमर...
राज्यात उन्हाचा चटका वाढला पुणे: एप्रिल महिना सुरू होताच राज्यात उन्हाच्या...
पिंपळगाव बसवंत बाजार समितीत ३० हजार...नाशिक: कोरोनाच्या पार्श्वभूमीवर मजुरटंचाई...
कोल्हापुरात तीस हजार ऊस तोडणी कामगार...कोल्हापूर: जिल्ह्यातील सुमारे तीस हजार ऊस तोडणी...
औरंगाबादमध्ये २९ टन मालाची थेट विक्रीकोरोनाच्या पार्श्‍वभूमीवर औरंगाबाद शहरात 'शेतकरी...
कोरोनामुळे कृषी पर्यटन व्यवसाय अडचणीत सातारा : कोरोनाच्या संसर्गामुळे दिवसेंदिवस बळी...
संकटावेळी तरी पंतप्रधानांनी गंभीर...मुंबई : देशात कोरोना विषाणूने थैमान घातले असून...
‘कोरोना विरोधात जाणिवेसाठी रविवारी...पुणे : ‘‘कोरोना विरोधात उभारलेल्या लढ्याची...
कोरोनाच्या निदानासाठीच्या ‘मायलॅब'ला...पुणे ः देशातील कोरोनाच्या प्रत्येक रुग्णाच्या...
कांदा विक्रीसाठी ‘पणन’चे प्रयत्नपुणे: कोरोना लॉकडाऊनमध्ये शेतमालाची पुरवठा साखळी...
दूध संकलनास टाळाटाळ करणाऱ्यांवर कारवाई...वर्धा ः  दूध संकलनास टाळाटाळ करणाऱ्या दूध...
पालघर, डहाणू, तलासरी तालुक्यात भूकंपाचे...मुंबई: पालघर जिल्ह्यात गेल्या दोन वर्षांपासून...
मोसंबी मागणीअभावी बागेतचऔरंगाबाद: परिपक्व झालेल्या मोसंबीच्या मृग...
लॉकडाऊनमुळे ‘निविष्टा’ कंपन्यांची उधारी...पुणे: लॉकडाऊनमुळे राज्यातील खते, बियाणे व कीडनाशक...
तीन दिवसांत एक हजार वीस टन द्राक्ष ...पुणे ः कोरोना विषाणूमुळे राज्यातील द्राक्ष...
विदर्भ, मराठवाड्यात पुर्वमोसमी पावसाचा...पुणे : राज्यात उन्हाचा चटका चांगलाच वाढल्याने...
हरभरा खरेदीच्या नोंदणीसाठी मुदतवाढमुंबई: किमान आधारभूत किंमत योजनेअंतर्गत हमी...
हापूसच्या निर्यातीसाठी युद्धपातळीवर...मुंबई: कोरोना विषाणूचा प्रादुर्भाव रोखण्यासाठी...
लॉकडाऊन संपल्यानंतर राज्यांनी गर्दी...मुंबई : लॉकडाऊन संपविल्यानंतर १५ एप्रिलला लगेच...
रासायनिक खतांचा काळाबाजार होईल; गाफील...पुणे: “देशात रासायनिक खतांचा मुबलक साठा आहे....