नुकसानग्रस्त पिकांचे तात्काळ पंचनामे करा : पाटील

आळसंद, जि. सांगली: ‘‘परतीच्या पावसाने खानापूर तालुक्यातील शेतकऱ्यांचे मोठ्या प्रमाणात नुकसान झाले. नुकसानग्रस्त पिकांचे तातडीने पंचनामे करावेत’’, असे आदेश पालकमंत्री जयंत पाटील यांनी प्रशासनाला दिले.
Immediate panchnama of damaged crops: Patil
Immediate panchnama of damaged crops: Patil

आळसंद, जि. सांगली : ‘‘परतीच्या पावसाने खानापूर तालुक्यातील शेतकऱ्यांचे मोठ्या प्रमाणात नुकसान झाले. नुकसानग्रस्त पिकांचे तातडीने पंचनामे करावेत’’, असे आदेश पालकमंत्री जयंत पाटील यांनी प्रशासनाला दिले. 

कार्वे ( ता.खानापूर ) येथे परतीच्या पावसाने नुकसान झालेल्या पिकांची पाहणी करण्यासाठी पाटील आले होते. त्यावेळी त्यांनी शेतकऱ्यांच्या संवाद साधला. माजी आमदार सदाशिवराव पाटील, तहसीलदार ऋषिकेत शेळके, राष्ट्रवादीचे जिल्हाध्यक्ष अविनाश पाटील, कार्याध्यक्ष अॅड. बाबासाहेब मुळीक उपस्थित होते. 

पाटील म्हणाले, ‘‘शेतकऱ्यांचे मोठ्या प्रमाणात पिकांचे नुकसान झाले आहे. त्यांनी खचून न जाता ठामपणे उभे राहावे. शासन शेतकऱ्यांच्या सदैव पाठीशी आहे. तालुका प्रशासनाने प्रत्यक्ष शेतकऱ्यांच्या बांधावर जाऊन पंचनामे करावेत. पंचनाम्यापासून कुणीही वंचित राहू नये. याची दक्षता घ्यावी.’’ 

शेळके म्हणाले, ‘‘पावसाने नुकसान झालेल्या पिकांचे कृषि विभाग व महसूल विभागाने संयुक्त पंचनामे करण्याचे काम सुरू आहे. सुमारे ४०० हेक्टर क्षेत्रावर नजर अदांज नुकसान झाले आहे.’’  

पाटील यांनी सोपान जाधव, गणेश पाटील, विनोद पाटील, विजय जाधव यांच्या नुकसानग्रस्त पिकांची पाहणी केली. 

सुशांत देवकर, राष्ट्रवादीचे तालुकाध्यक्ष किसन जानकर, मंडल कृषी अधिकारी कदम, कृषि पर्यवेक्षक एस.ए. कुंभार,  मंडल अधिकारी ए. एस. पाटोळे, तलाठी धनश्री कदम, अक्षय जाधव, बाबासाहेब जाधव, विक्रम जाधव यांच्यासह शेतकरी उपस्थित होते.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com