Agriculture news in Marathi, Immediately add farm electricity; Otherwise the movement | Page 2 ||| Agrowon

शेतीपंपाची वीज तातडीने जोडा; अन्यथा आंदोलन 
टीम अॅग्रोवन
सोमवार, 7 ऑक्टोबर 2019

कोल्हापूर ः महापुरामुळे बाधित झालेल्या शेतीपंपाची वीजजोडणी जिल्हाधिकारी यांच्या आदेशानुसार येत्या १५ आॅक्‍टोबरपूर्वी जोडून द्यावी; अन्यथा भर दिवाळीसणात महावितरण मुख्यालयाच्या दारात आंदोलन करण्यात येईल, असा इशारा इरिगेशन फेडरेशनचे अध्यक्ष विक्रांत पाटील-किणीकर यांनी निवेदनाद्वारे दिला.  महावितरणचे अधीक्षक अभियंता ए. एच. कावळे याना निवेदन देण्यात आले. 

कोल्हापूर ः महापुरामुळे बाधित झालेल्या शेतीपंपाची वीजजोडणी जिल्हाधिकारी यांच्या आदेशानुसार येत्या १५ आॅक्‍टोबरपूर्वी जोडून द्यावी; अन्यथा भर दिवाळीसणात महावितरण मुख्यालयाच्या दारात आंदोलन करण्यात येईल, असा इशारा इरिगेशन फेडरेशनचे अध्यक्ष विक्रांत पाटील-किणीकर यांनी निवेदनाद्वारे दिला.  महावितरणचे अधीक्षक अभियंता ए. एच. कावळे याना निवेदन देण्यात आले. 

या वेळी इरिगेशन फेडरेशनच्या शिष्ठमंडळाने अभियंता श्री. कावळे यांच्याशी विविध मुद्यांवर चर्चा केली. कोल्हापूर, सांगली, सातारा जिल्ह्यात अतिवृष्टीमुळे महापुराचे संकट ओढावले. या काळात पाणीपुरवठा संस्था व शेतकऱ्यांच्या वैयक्तिक शेतीपंपाच्या वीजपुरवठा साधनात; तसेच वीज मीटरमध्ये पुराचे पाणी गेले. गाळ अडकला त्यामुळे शेतीपंपाचा वीजपुरवठा खंडित झाला. महापूर ओसरला त्याला दोन महिने होत आले तरीही वीजपुरवठा सुरळीत होऊ शकलेला नाही. 

त्यामुळे शेतीला पाणीपुरवठ्याचा प्रश्‍न निर्माण झाला आहे. अशा स्थितीत महापुरात हानी पोचलेले वीजपुरवठा पूरक साहित्य, वीज मीटर, इतर साहित्यांची महावितरणने जोडणी करून शेतीपंपाचा वीजपुरवठा येत्या १५ आॅक्‍टोबरपर्यंत सूरू करावा, अशी मागणी इरिगेशन फेडरेशनची आहे. 

महापुरामुळे जवळपास १४६० ट्रन्सफाॅर्मर खराब झाले. त्यासाठी लागणाऱ्या ऑइलचा तुटवडा होता, असे सांगण्यात येत होते. मात्र, असे दहा हजार लिटर ऑइल नुकतेच महावितरणला उपलब्ध झाले असून त्याआधारे ट्रान्सफार्मर दुरुस्त केले जातील, असेही अभियंत्यांनी सांगितले. याशिवाय मीटर रीडिंगमध्ये वारंवार घोळ होतात, वीजबिले चुकीची किंवा वाढीव येतात, ही बाब विचारात घेऊन संबंधित गावातील बेरोजगार तरुणांना रीडिंग घेण्याचे बिले देण्याचे ठेका द्यावा, अशा मागण्याही इरिगेशन फेडरेशनच्या शिष्ठमंडळाने केल्या.

तसेच शेतीपंपाचा वीजपुरवठा तातडीने सुरू करावा; अन्यथा आंदोलनाचा इशाराही दिला, अशी माहिती श्री. पाटील किणीकर यांनी दिली. या शिष्ठमंडळात कार्याध्यक्ष चंद्रकांत पाटील, आर. के. पाटील, गुणाजी जाधव आदी उपस्थित होते.

वीजबिलांत करणार दुरुस्ती
याशिवाय अनेक वीज मीटर बंद आहेत, त्यातील वीजवापराचा अंदाज घेऊन त्या अंदाजावर आधारित वीजबिले पाठविली आहेत. त्या वीजबिलांची दुरुस्ती करून द्यावी, अशी मागणी शिष्ठमंडळाने केली. ही मागणी महावितरणने मान्य केली असून अशी बिले संबंधित विभागीय कार्यालयात दुरुस्त देण्यात येतील, असे अभियंत्यांनी सांगितले.

इतर ताज्या घडामोडी
नांदेड, परभणी, हिंगोली जिल्ह्यांत...नांदेड  : विधानसभा निवडणुकीसाठी नांदेड,...
मनमाड बाजार समितीमध्ये नवीन मका विक्री...नाशिक : नांदगाव तालुक्यात मका काढणीला सुरवात झाली...
खरीप मळण्यांना पावसाचा फटकाकोल्हापूर : गेल्या काही दिवसांपासून जिल्ह्यात...
शेतकरीकन्या मंजूषा पगारची भारतीय बेसबॉल...नाशिक : मालेगाव तालुक्यातील विराणे येथील शेतकरी...
खानदेशात ज्वारीची दिवाळीपूर्वी कापणी...जळगाव ः शासनाकडून भरडधान्य म्हणजेच ज्वारी, मका...
व्यापाऱ्यांकडून मुगाची कमी भावाने खरेदीनांदुरा, जि. बुलडाणा : पावसाने उघडीप दिल्याने...
‘पंदेकृवि’मध्ये जागतिक कापूस दिन साजराअकोला ः डॉ. पंजाबराव देशमुख कृषी विद्यापीठात...
को-मार्केटिंगची पायाभरणी करणारा माजी...पुणे : "राज्यातील शेतकऱ्यांना को-मार्केटिंगच्या...
ग्रामपंचायत केंद्रचालकांचे मानधन...पुणे : राज्यातील हजारो ग्रामपंचायतींमधील...
मूल्यवर्धनासह पीकनिहाय गुंतवणुकीची गरज...ग्रामीण अर्थव्यवस्था कृषी क्षेत्रावर अवलंबून आहे...
ग्रामीण भागातील सांडपाण्याचे व्यवस्थापन शहर वा गाव कोणतंही असो, सांडपाणी व्यवस्थापनाचे...
कोकण, पश्‍चिम महाराष्ट्रात पावसाची शक्‍...महाराष्ट्राच्या पश्‍चिम किनारपट्टीवरील हवेचा दाब...
बार्शीटाकळी तहसील कार्यालयात पीकविमा...अकोला  ः खरीप हंगामात राबविल्या जात असलेल्या...
ताप, अंगदुखीवर चुंच उपयुक्त स्थानिक नाव      चुंच,...
गुलाबी बोंड अळीच्या नियंत्रणासाठी ...सध्या कापूस पीक हे फुलोरा ते बोंडे लागण्याच्या...
खानदेशात उडदाचे एकरी एक क्विंटलपर्यंत...जळगाव ः खानदेशातील शेतकऱ्यांसाठी उडदाचे पीक यंदा...
समुद्रात जाणारे पाणी वळवून वाद मिटवणारः...नगर : नगर-नाशिक जिल्ह्यामध्ये पाण्यासाठी...
वाया जाणाऱ्या उष्णतेपासून विद्युत ऊर्जा...कारचा एक्झॉस्ट पाइप, औद्योगिक प्रक्रियामध्ये...
पुणे जिल्ह्यात वादळी पावसाचा दणका सुरूचपुणे : पुणे जिल्ह्याच्या विविध भागांत...
नाशिक जिल्ह्यातील वागदर्डी धरण चार...नाशिक : मागील महिन्यापासून होत असलेल्या पावसामुळे...