Agriculture news in Marathi Impact of 'October Heat' in the state | Agrowon

राज्यात ‘ऑक्टोबर हीट’चा प्रभाव

टीम अॅग्रोवन
शुक्रवार, 22 ऑक्टोबर 2021

राज्याच्या तापमानात चढ-उतार सुरूच आहेत. स्वच्छ सूर्यप्रकाशामुळे दिवसाच्या कमाल तापमानात वाढ झाल्याने काही ठिकाणी ‘ऑक्टोबर हीट’चा प्रभाव जाणवत आहे.

पुणे : राज्याच्या तापमानात चढ-उतार सुरूच आहेत. स्वच्छ सूर्यप्रकाशामुळे दिवसाच्या कमाल तापमानात वाढ झाल्याने काही ठिकाणी ‘ऑक्टोबर हीट’चा प्रभाव जाणवत आहे. तर रात्रीच्या किमान तापमानात मात्र हळूहळू घट होत आहे. आज (ता. २२) कोकणात तुरळक ठिकाणी हलक्या पावसाची शक्यता आहे. उर्वरित राज्यात मुख्यत: कोरड्या हवामानाचा अंदाज हवामान विभागाने वर्तविला आहे.

उत्तर प्रदेश आणि परिसरावर चक्राकार वाऱ्यांची स्थिती असून, त्यापासून उत्तर गुजरातपर्यंत दक्षिणोत्तर हवेचा कमी दाबाचा पट्टा सक्रिय आहे. तसेच कोमोरीन परिसरावरही चक्राकार वाऱ्यांची स्थिती असून, त्यापासून पूर्व मध्य अरबी समुद्रापर्यंत हवेचा कमी दाबाचा पट्टा सक्रिय आहे. त्यामुळे कोकणात दोन दिवस तुरळक ठिकाणी पावसाचा अंदाज आहे.राज्याच्या कमाल आणि कमान तापमानात चढ-उतार होत आहे. गुरुवारी (ता. २१) सकाळपर्यंतच्या २४ तासांमध्ये ब्रह्मपुरी येथे उच्चांकी कमाल ३५ अंश सेल्सिअस तापमानाची नोंद झाली. काही ठिकाणी तापमान ३३ अंशांपार गेल्याने उन्हाचा चटका तापदायक ठरत आहे. तर अनेक ठिकाणी किमान तापमानाचा पारा २० अंशांच्या खाली आला असल्याने पहाटे गारठा जाणवत आहे. महाबळेश्‍वर येथे राज्यातील नीचांकी १४.८ अंश सेल्सिअस तापमानाची नोंद झाली आहे.

मॉन्सूनच्या परतीसाठी पोषक हवामान
नैर्ऋत्य मोसमी वाऱ्यांनी (मॉन्सून) १४ ऑक्टोबर रोजी महाराष्ट्राचा निरोप घेतला आहे. देशाच्या उर्वरित भागातून मॉन्सून परतण्यास पोषक हवामान झाले आहे. उद्यापर्यंत (ता. २३) गोवा, ईशान्य आणि पूर्व भारतासह देशाच्या आणखी काही भागातून मॉन्सून परतण्याचे संकेत आहेत. तर मंगळवारपर्यंत (ता. २६) मॉन्सून देशाचा निरोप घेणार असून, दक्षिण भारतात ईशान्य मोसमी वारे सक्रिय होण्याची शक्यता हवामान विभागाने वर्तविली आहे.

गुरुवारी (ता. २१) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) :
पुणे ३२.६ (१७), नगर ३२.८ (२०.१), जळगाव - (१७.६), कोल्हापूर ३२.८ (२०.७), महाबळेश्वर २६.१ (१४.८), मालेगाव ३२.८ (२२), नाशिक ३२.० (१६.१), सांगली ३३.८ (१९.८), सातारा ३२.५(१८.५), सोलापूर ३४.४ (१७.४), सांताक्रूझ ३३.८ (२२.४), अलिबाग ३२ (२२.८), डहाणू ३२.१ (२४.३), रत्नागिरी ३२.४ (२३.२), औरंगाबाद ३१.८ (१६.२), नांदेड -(१८), उस्मानाबाद - (१८.४), परभणी ३२.८ (१८.९), अकोला ३२.८ (१९.६), अमरावती ३२.६ (१६.८), ब्रह्मपुरी ३५ (१८.६), बुलडाणा ३०.५ (१८), चंद्रपूर ३२.६ (२२.४), गडचिरोली ३२.४ (२२), गोंदिया ३३.२ (१९.६), नागपूर ३३.६ (१७.७), वर्धा ३२.८ (१९), वाशीम ३० (२०), यवतमाळ ३१ (१८).
 


इतर अॅग्रो विशेष
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...
पावसाला पोषक हवामानामुळे किमान तापमानात...पुणे : पावसाने उघडीप दिल्यानंतर राज्याच्या किमान...
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...
सत्तावीस हजार सहकारी संस्थांच्या ...पुणे ः राज्यातील कृषी पतसंस्था, बहुउद्देशीय...
‘बेरीज् एक्सलन्स सेंटर’ उभारणीसाठी ...सातारा ः स्ट्रॅाबेरी मातृ रोपांवरील आयात शुल्क...
शेतकरी उत्पन्न दुपटीच्या बैठकीला २३... नवी दिल्ली ः संसदेच्या कृषी विषयक स्थायी...
दिवाळी सुटीनंतरच्या बेदाणा  सौद्यात...सांगली ः दिवाळीच्या सुटीनंतर सांगली कृषी उत्पन्न...
स्टॉक लिमिटला नकार;  सोयाबीन बाजाराला...पुणे ः राज्य सरकारने सोयाबीनवर स्टॉक लिमिट लावणार...
भाजीपाला,पूरक उद्योगातून महिलांची आघाडीमिरजोळी(ता.चिपळूण,जि.रत्नागिरी) गावातील उपक्रमशील...
तुर्कांबाद खराडीत करारावर बटाटा...औरंगाबाद : जिल्ह्यातील गंगापूर तालुक्‍यातील...
शेतकऱ्यांनो एकरकमी भरा अर्धेच वीजबिल ः...नगर : राज्यातील शेतकऱ्यांना दिलासा देण्याचे धोरण...
राज्याच्या किमान तापमानात घट पुणे : राज्यात पावसाने उघडीप दिल्यानंतर आकाश...
शेतकऱ्यांनी बांबू लागवडीकडे वळावे -...लातूर ः आज देशात गहू, तांदूळ, मका आणि साखर अधिकची...
शिंदीच्या झाडांचे आता जिओ टॅगिंग  नीरा...नागपूर ः राज्य शासनाने नीरा देणाऱ्या शिंदीच्या...