Agriculture news in marathi To improve saline soils District Bank Initiatives | Agrowon

क्षारपड जमिनी सुधारण्यासाठी सातारा जिल्हा बँकेच्या पुढाकार 

टीम अॅग्रोवन
मंगळवार, 2 मार्च 2021

सातारा जिल्ह्यातील नदीकाठी क्षारपड जमिनी पिकायोग्य नसल्याने त्या जमिनी शेतकऱ्यांसमोर मोठी समस्या बनल्या आहेत. त्या या शेतकऱ्यांना दिलासा देण्यासाठी जिल्हा मध्यवर्ती सहकारी बॅंकेने पुढाकार घेतला आहे.

सातारा : जिल्ह्यातील नदीकाठी क्षारपड जमिनी पिकायोग्य नसल्याने त्या जमिनी शेतकऱ्यांसमोर मोठी समस्या बनल्या आहेत. त्यामुळे जमीन असून, शेती करता येत नाही. या शेतकऱ्यांना दिलासा देण्यासाठी सातारा जिल्हा मध्यवर्ती सहकारी बॅंकेने पुढाकार घेतला आहे.

बॅंकेने या जमिनी वहिवाटखाली आणण्यासाठी विशेष कर्ज योजना कार्यान्वित केली आहे. या योजनेतून क्षारपड जमिनी सुधारण्यासाठी कर्ज सुविधा उपलब्ध करून देण्यात आली आहे. या योजनेमुळे क्षारपड जमिनीला आता नवसंजीवनी मिळणार असून, शेतकऱ्यांना पुन्हा शेतमाल पिकवता येणार आहे. 

राज्यात काळ्या जमिनीचे क्षेत्र जास्त आहे. भारी काळ्या जमिनीची निचरा क्षमता कमी असते. भुपुष्ठापासून कमी खोलीवर असणारा अभेद थर, पिकांसाठी पाण्याचा अतिवापर, खारवट पाण्याचा शेतीसाठी वापर, कॅनॉल, तलाव, धरणे यांच्या पाणी पाझरणे आदी कारणाने काळ्या जमिनीमध्ये क्षारांचे व पाण्याचे प्रमाण दिवसेंदिवस वाढत जाऊन सुपीक जमिनी नापिक होताना दिसत आहेत. हे क्षेत्र दिवसेंदिवस वाढत आहे.

जिल्ह्यात कालव्यातील सुटणाऱ्या पाण्यामुळे शेतीत बारमाही पीक पद्धत प्रचलित आहे. या कालव्या लगतच्या शेतीचे अस्तित्व धोक्‍यात आले आहे. पाण्याच्या अतिरिक्त वापरामुळे जमिनी क्षारपड बनल्या आहेत. या जमिनी हाताखाली आणण्याचे काम शेतकऱ्यांना अतिशय कष्टप्रद आहे.

शेतीत निचरा प्रणाली राबविण्यासाठी आर्थिक बाजू सक्षम नसल्याने त्या जमिनी नापिक बनल्या आहेत. परिणामी गेली कित्येक वर्षांपासून त्या पडीक आहेत. या शेतजमिनी असून, खोळंबा अशी शेतकऱ्यांची अवस्था झाली आहे. यावर उपाय म्हणून निचरा प्रणालीचा अवलंब करून काही शेतकऱ्यांनी जमिनी हाताखाली आणल्या आहेत. परंतु, सर्वच शेतकऱ्यांना हा प्रयोग शक्‍य नसल्याने शेती पडून राहात आहे. ही समस्या ओळखून सातारा जिल्हा मध्यवर्ती सहकारी बँकेने क्षारपड जमीन सुधारणा कर्ज धोरण योजना सुरू केली आहे. या कर्ज योजनेच्या धोरणात शेतकरी २० गुंठे व जास्ती जास्त पाच एकरपर्यंत पात्र असणार आहे. एकरी ८० हजार रुपये अथवा अंदाजपत्रकाच्या ९५ टक्के यापैकी कमी असलेल्या रक्कमेचा कर्जपुरवठा केला जाणार आहे.

कर्जाच्या परतफेडीचा कालावधी सात वर्षे असून, निकषाप्रमाणे व्याजदर ठेवत सात समान हप्त्यात परतफेड करावी लागेल. लाभ घेणाऱ्या शेतकऱ्यांच्या शेतात निचरा प्रणाली राबवताना त्याचा आउटलेट दूरपर्यंत असल्यास लागणारा जादा खर्च शेतकऱ्यांनी स्वतः द्यावयाचा आहे. या योजनेमुळे शेतकऱ्यांच्या आर्थिक विकासाला हातभार लागणार आहे. 

कऱ्हाड तालुक्यातील गावांना भेटी 
क्षारपड शेतजमिनीचे कऱ्हाड तालुक्यात प्रमाण जास्त असल्याने या तालुक्यातील सहा गावांना नुकतीच जिल्हा बॅंकेच्या प्रशासन व वित्त विभागाचे सरव्यवस्थापक आर. एस. गाढवे, हायटेक विभागाचे उपव्यवस्थापक संदीप शिंदे, जिल्हा बॅंकेचे विकास अधिकारी अभिजित भोसले व येथील शाखाप्रमुख के. ए. जगताप, रोहित घोरपडे यांनी क्षारपड क्षेत्राची पाहणी केली आहे.शेतकऱ्यांच्या मागणीचा अहवाल वरिष्ठांकडे दिल्यानंतर तत्काळ अंमलबजावणी झाल्याने क्षारपड जमीन सुधारणा धोरण राबवल्यामुळे शेतकरी वर्गात समाधान आहे. 


इतर बातम्या
राज्यात अद्याप वीस लाख टन ऊस शिल्लक कोल्हापूर : राज्यातील ऊस उत्पादक पट्यातील साखर...
बाजार समित्या बंद ठेवू नका पुणे ः कोरोना टाळेबंदीत शेतीमाल वितरण सुरळीत...
राज्यात चिकन, अंड्यांच्या दरात सुधारणा नगर ः कोरोना व्हायरस संसर्गाच्या पार्श्‍वभूमीवर...
नांदेडमध्ये ४२ हजार ६४९ क्विंटल हरभरा...नांदेड : जिल्ह्यात किमान हमी दरानुसार सुरू...
व्हर्च्युअल क्लासरूममुळे कृषी शिक्षणाची...नगर ः व्हर्च्युअल क्लासरूम आणि अॅग्री-दीक्षा वेब...
साखर वाहतुकीसाठी क्विंटलला १०० रुपये...कोल्हापूर : पूर्वेकडील राज्यांनी वाहतूक खर्चात...
कमाल तापमान वाढण्यास सुरुवात पुणे : राज्याच्या अनेक भागांत आकाश कोरडे झाले आहे...
‘एमआरपी’नुसारच खतांची खरेदी करावी सोलापूर ः यंदाच्या खरीप हंगामाच्या पार्श्‍वभूमीवर...
खरीप हंगामासाठी ११४० कोटी रुपये पीककर्ज...अकोला : अकोला जिल्ह्यात या खरीप हंगामासाठी ११४०...
सटाणा बाजार समिती आवाराबाहेर अवैध...नाशिक : सटाणा कृषी उत्पन्न बाजार समितीमध्ये काही...
नाशिक जिल्ह्यात विहिरींनी गाठला तळ नाशिक : जिल्ह्यात गत मॉन्सूनमध्ये अनेक भागांत...
भोकरखेडात चार वर्षांपासून शेतकरी वीज...वाशीम : शेतात वीज जोडणी घेऊन सिंचन करता येईल....
टेंभू योजनेचे पाणी सोडले; ‘बंदिस्त पाइप...आटपाडी, जि. सांगली : आटपाडी तालुक्‍यात टेंभू...
प्रत्येक गावाचा होणार कृषी विस्तार...जालना : कृषी विभागाच्या वतीने खरीप हंगामाचे...
तमाशा कलावंतांसाठी सरसावले मदतीचे हात नगर ः : कोरोना व्हायरसच्या संसर्गामुळे टाळेबंदी...
पंढरपूर विधानसभा पोटनिवडणुकीत चुरस सोलापूर ः पंढरपूर-मंगळवेढा विधानसभा...
कांदा बाजारावर ‘कोरोना’चा परिणाम नगर : कोरोना व्हायरसची बाधा वाढत असल्याचा बाजार...
महाराष्ट्राला रेमडिसिव्हिर देण्यास ‘...मुंबई : केंद्र सरकारकडून रेमडिसिव्हिर निर्यातीवर...
देशात यंदा सर्वसाधारण पाऊस;...पुणे : देशभरात यंदा मॉन्सूनचा सर्वसाधारण पाऊस...
नांदेड जिल्हा बँकेच्या अध्यक्षपदी वसंत...नांदेड : नांदेड जिल्हा मध्यवर्ती सहकारी बँकेच्या...