खानदेशात केळीच्या दरात सुधारणा 

खानदेशात केळीच्या किमान दरात सुधारणा झाली असून, कमी दर्जाच्या केळीचे दर ५०० ते ६०० रुपये, असे आहेत. मध्यंतरी किमान दर ३०० ते ४०० रुपये, असे होते.
 खानदेशात केळीच्या दरात सुधारणा Improvement of banana prices in Khandesh
 खानदेशात केळीच्या दरात सुधारणा Improvement of banana prices in Khandesh

जळगाव : खानदेशात केळीच्या किमान दरात सुधारणा झाली असून, कमी दर्जाच्या केळीचे दर ५०० ते ६०० रुपये, असे आहेत. मध्यंतरी किमान दर ३०० ते ४०० रुपये, असे होते. यातच कांदेबाग केळीची काढणी १०० टक्के पूर्ण झाली आहे. यामुळे चोपडा, जळगाव भागात नवती केळीचे दर जाहीर करावेत, अशी मागणी शेतकरी कृती समितीचे एस. बी. पाटील, रवींद्र निकम आदींनी केली आहे. 

चोपडा, जळगाव व लगतच्या भागात कांदेबाग केळी अधिक असते. परंतु या केळीची काढणी गेल्या महिन्यातच पूर्ण झाली आहे. सध्या आगाप लागवडीच्या नवती केळी बागांमध्ये काढणी सुरू आहे. चोपडा, जळगाव भागात दर्जेदार नवती केळी आहे. अनेक शेतकऱ्यांनी उतिसंवर्धित रोपांची लागवड केली. फर्टीगेशन तंत्र अवलंबले. परंतु या शेतकऱ्यांच्या केळीची काढणी कांदेबाग केळीच्या दरातच केली जात आहे.

मकर संक्रांतीनंतर चोपडा, जळगाव भागातील केळीची नवती केळी दरात काढणी करण्याची मागणी शेतकरी कृती समिती व इतर शेतकऱ्यांनी केली होती. परंतु या मागणीची दखल प्रशासन, व्यापारी, दर जाहीर करणाऱ्या यंत्रणेने घेतलेली नाही. बाजार समित्या केळीचे दर जाहीर करतात. सध्या रावेर भागात नवती केळीला १ हजार ९० रुपये प्रतिक्विंटलचा दर आहे. तर पिलबाग केळीला १००० रुपये प्रतिक्विंटलचा दर आहे. या दरात चोपडा, जळगाव भागातही काढणी करावी व कटती बंद करण्याचा मुद्दाही शेतकऱ्यांनी उपस्थित केला आहे. यातच किमान केळी दरात सुधारणा झाल्याने त्याचा लाभ काही शेतकऱ्यांना होणार आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com