नगरमध्ये डाळिंबाच्या दरात सुधारणा

​ नगर ः नगर येथील दादा पाटील शेळके कृषी उत्पन्न बाजार समितीत गेल्या आठवडाभरात डाळिंबांच्या दरात सुधारणा झाली.
Improvement of pomegranate prices in the Nagar
Improvement of pomegranate prices in the Nagar

नगर ः नगर येथील दादा पाटील शेळके कृषी उत्पन्न बाजार समितीत गेल्या आठवडाभरात डाळिंबांच्या दरात सुधारणा झाली. आवकेत घट झाल्याने चांगल्या प्रतीच्या डाळिंबाला प्रतिक्विंटलप्रमाणे चार हजार रूपयांची वाढ झाली. येथे डाळिंबाला प्रतिक्विंटल २ ते १४ हजारांचा दर मिळत आहे. भुसार व भाजीपाल्याची आवक स्थिर आहे. दरात मात्र चढ-उतार होत आहे. 

 मोसंबीची २ ते ३ क्विंटलची आवक झाली. संत्र्यांची ७ क्विंटलची आवक होऊन ५०० ते २ हजार पाचशे, सिताफळाची ४ क्विंटलची आवक होऊन १ हजार ते ४ हजार रुपयांचा दर मिळाला. बोराची आवकही सुरु झाली आहे. दर दिवसाला १० ते १२ क्विटंल आवक होत आहे. ४०० ते १ हजार रुपयांचा दर मिळाला. भाजीपाल्यात टोमॅटोची दर दिवसाला ५० ते ६० क्विंटलची आवक आहे. १ हजार ८०० ते २ हजार ५०० रुपयांचा दर मिळाला. वांग्यांची २५ ते २७ क्विंटलची आवक झाली. 

फ्लॉवरची ५० ते ५५ क्विंटलची आवक होऊन ५०० ते १ हजार रुपये दर मिळाला. कोबीची ४० ते ५० क्विंटलची आवक होऊन ७०० ते १ हजार, काकडीची २५ ते ३० क्विंटलची आवक होऊन ४०० ते १ हजार, गवारची ५ ते १० क्विंटलची आवक होऊन ४ हजार ते ६ हजारांचा दर मिळाला. दोडक्याची २५ ते ३० क्विंटलची आवक झाली.

हिरव्या मिरचीची ३२ ते ३५ क्विंटलची आवक झाली. शेवग्याची ६ ते ८ क्विंटलची आवक होऊन ४ हजार ते ६ हजार, आल्याची १५ ते २५ क्विंटलची आवक होऊन २ हजार ते ३ हजार ५०० रुपये दर मिळाला. 

शिमला मिरचीला १ हजार ते १५०० रूपये

आल्याच्या दरात गेल्या महिनाभराच्या तुलनेत काहिशी घरसण झाली. शिमला मिरचीची २३ ते ३० क्विंटलची आवक होऊन १ हजार ते १ हजार ५०० रुपयांचा दर मिळाला. मेथी, कोथिंबीर, पालक, करडी भाजी, शेपूचीही आवक बऱ्यापैकी होती. मात्र, दरात काहीशी तेजी होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com