नाशिक : महिन्याच्या पहिल्या पंधरवड्यात थंडी वाढली. द्राक्षात थोडा आंबटपणा होता. त्यामुळे स्थानिक व परराज्यीय बाजारात द्राक्षांची मागणी मंदावली. मात्र आता वाढलेल्या उन्हामुळे द्राक्षात गोडी येत असून बाजारात मागणी वाढली आहे. दरातही सुधारणा होत असल्याचे चित्र आहे.
वाढलेल्या थंडीमुळे द्राक्षांची दिल्ली, गुजरात, पंजाब, हरियाना, राजस्थानातील मागणी मंदावली होती. यांसह स्थानिक बाजारपेठेतही परिणाम झाला होता. मात्र आता थंडी कमी झाली आहे. उत्पादक थॉमसन, माणिकचमन, आरके यांसह कलर व्हरायटीमध्ये शरद सीडलेस, क्रीमसन, जम्बो जातींची द्राक्षे काढणीसाठी येत आहेत. वाढत्या तापमानामुळे ग्राहकांची मागणी वाढत असून व्यापाऱ्यांची मनमानी थांबणार आहे.
गेल्या महिन्याभरात द्राक्ष उत्पादकांनी मोठा फटका सहन केला. मात्र मार्च महिन्याच्या पहिल्या आठवड्यापासून भाव सुधारतील, असा अंदाज आहे. त्यामुळे शेतकरी सध्या बाजारभावाबाबत सावधगिरीने पाऊले टाकत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.