खेळांमध्ये उल्लेखनीय यश मिळविल्यास कर्मचाऱ्यांना बढती : राज्यमंत्री सदाभाऊ खोत

राज्यस्तरीय क्रिडा स्पर्धेचे उदघाटन
राज्यस्तरीय क्रिडा स्पर्धेचे उदघाटन

कोल्हापूर   : कृषी कर्मचाऱ्यांनी खेळांमध्ये उल्लखेनीय यश मिळविल्यास त्यांना खात्यात बढती देण्याबाबत आपण विचार करीत आहोत. आयुक्तालयाने याबाबतचा प्रस्ताव तयार करून द्यावा. त्याला तातडीने मंजुरी देऊ, असे आश्‍वासन कृषी राज्यमंत्री सदाभाऊ खोत यांनी दिले. 

येथे सुरू असलेल्या कृषी विभागाच्या राज्यस्तरीय क्रीडा व कला महोत्सवाचे उद्‌घाटन श्री. खोत यांच्या हस्ते शनिवारी (ता. १२) झाले. त्या वेळी ते बोलत होते. कर्मचाऱ्यांच्या पदोन्नतीचे काम प्रगतिपथावर असून, लवकरच हे काम पूर्ण करण्याचे आश्‍वासन त्यांनी दिले. आयुक्त सच्चिंद्र प्रताप सिंह यांच्या उपस्थितीत आकाशात फुगे सोडून स्पर्धेचे उद्‌घाटन झाले. कृषी विभागातील कर्मचाऱ्यांनी मातीशी असलेले आपले नाते कायम ठेवावे. या स्पर्धेच्या निमित्ताने अधिकारी व कर्मचारी यांच्यातील नाते अधिक दृढ व्हावे, अशी अपेक्षा श्री. सिंह यांनी व्यक्त केली.

विजयकुमार इंगळे यांनी कृषी कर्मचारी कल्याण समिती स्थापण्याबाबत प्रयत्न करण्यात येणार असल्याचे सांगितले. जेणेकरून याचा लाभ विभागाच्या कुटुंबीयांना होऊ शकेल.  कृषिमंत्री चंद्रकांत पाटील यांनी कृषी विभागाला कोणताही निधी कमी पडू देणार नाही. ‘जिथे कमी तिथे आम्ही’ ही भूमिका असेल असे शुभेच्छा संदेशात सांगितल्याची माहिती विभागीय अधीक्षक कृषी अधिकारी उमेश पाटील यांनी दिली. 

या वेळी कुस्ती क्षेत्रातील शिवछत्रपती पुरस्कार विजेते राम सारंग, राष्ट्रीय कबड्डी खेळाडू तुषार पाटील, कृषी संचालक प्रल्हाद पोकळे, आदींची भाषणे झाली.  विभागीय कृषी सहसंचालक दशरथ तांबाळे यांनी प्रास्ताविक केले. राज्याच्या सर्व जिल्ह्यांतून आलेल्या संघांनी आपापल्या भागातील सांस्कृतिक कला दाखवत शानदार संचलन करून उपस्थितांची मने जिंकली.  

महोत्सवामध्ये  ३४ जिल्ह्यांतील व आयुक्त स्तरावरील सुमारे दोन हजार खेळाडू सहभागी झाले आहेत. आज (रविवारी) स्पर्धांचा अखेरचा दिवस असून, सायंकाळी स्पर्धेची सांगता होणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com