पाच लाखांपर्यंतच्या उत्पन्नाला करसवलत

नवी दिल्ली : हंगामी केंद्रीय अर्थमंत्री पीयूष गोयल यांनी शुक्रवारी (ता. १) अर्थसंकल्प सादर केला. या अर्थसंकल्पात येणाऱ्या लोकसभेच्या निवडणुका डोळ्यासमोर ठेवून मध्यमवर्गाला खूश करण्यासाठी करमुक्त उत्पन्नाच्या मर्यादेत पाच लाख रुपयांपर्यंतच्या उत्पन्नाला करसवलत (रिबेट) जाहीर केली आहे. शिवाय '८० सी'अंर्तगत दीड लाख रुपयांपर्यंत करावर सवलत मिळते. म्हणजेच आता एकूण ६.५ लाखांच्या उत्पन्नावर कोणताही कर भरावा लागणार नाही.   शेतकरी आणि मध्यमवर्ग या दोघांवर भर असलेल्या मोदी सरकारने यंदाच्या हंगामी अर्थसंकल्पात दोन्ही घटकांना समाधानी करण्याचा प्रयत्न केला आहे. आगामी लोकसभा निवडणुकीच्या पार्श्वभूमीवर मोदी सरकारने ही महत्त्वाची घोषणा केली आहे. नोकरदारांसाठी जिव्हाळ्याच्या असलेल्या प्राप्तिकराबाबत मोदी सरकारकडून मोठा दिलासा देण्यात आला आहे. ज्येष्ठ नागरिकांना व्याजातून मिळणाऱ्या चाळीस हजार रुपयांच्या उत्पन्नासाठी टीडीएस भरावा लागणार नाही. आता गोयल यांनी केलेल्या नवीन घोषणेनुसार मध्यमवर्गीय, नोकरदार, निवृत्तिवेतनधारक यांना मोठा दिलासा आहे.  अर्थसंकल्प प्रत्येक घटकाला जोडणारा : गोयल एनडीए सरकारचा अर्थसंकल्प प्रत्येक घटकाला सर्वांगीण विकासाशी जोडणारा असून 'प्रधानमंत्री किसान योजने'सारखी शेतकऱ्यांना आर्थिक मदतीची मोठी योजना यापूर्वी कधीही आली नाही, असा दावा अर्थमंत्री पीयूष गोयल यांनी केला. तसेच पाच लाखांहून अधिक उत्पन्नधारकांना प्राप्तिकरातील सवलतीची घोषणा मुख्य अर्थसंकल्पात केली जाऊ शकते, असे मधाचे बोटही त्यांनी मतदारांना लावले. अर्थसंकल्पातील ठळक तरतुदी रेल्वे

मनोरंजन क्षेत्र

लघू आणि मध्यम उद्योग, व्यापारी

डिजिटल व्हिलेजेस (गावे)

इतर घोषणा

वित्तीय योजना

प्रत्यक्ष कर प्रस्ताव

गरीब आणि मागासवर्ग

प्रतिक्रिया सर्वसमावेशक अर्थसंकल्पः अमित शहा मोदी सरकार म्हणजे देशातील गरीब, शेतकरी व युवकांची स्वप्ने आणि आकांक्षांना समर्पित सरकार असल्याचे अर्थसंकल्पामुळे पुन्हा एकदा अधोरेखित झाले आहे. शेतकऱ्यांसाठी घेतलेले निर्णय मैलाचा दगड ठरतील. या सर्वसमावेशक अर्थसंकल्पाबद्दल मी पंतप्रधान नरेंद्र मोदी व त्यांच्या सरकारचे अभिनंदन करतो. प्रत्येक घटकाला लाभः नितिन गडकरी 'सबका साथ सबका विकास' या आपल्या धोरणानुसार या अर्थसंकल्पात समाजातील प्रत्येक घटकाला लाभ पोचविण्याचा प्रयत्न केला आहे. पंतप्रधान नरेंद्र मोदी, अरुण जेटली आणि पीयूष गोयल यांचे मी अभिनंदन करतो. फसवा अर्थसंकल्पः अण्णा हजारे घोषणाबाज सरकारचे हा फसवा अर्थसंकल्प आहे. आम्ही साठ वर्षांवरील शेतकऱ्यांना दरमहा पाच हजार पेन्शन मागत आहोत आणि सरकारने पाचशे रुपये देण्याची घोषणा केली आहे. शेतकऱ्यांची ही चेष्टा असून, केलेल्या घोषणांचेही प्रत्यक्षात काही हाती लागणार नाही, असे वाटते. अर्थसंकल्प निराशादायकः ममता बॅनर्जी अर्थसंकल्प निराशादायक आहे. या अर्थसंकल्पाला काहीच किंमत नाही. हा हंगामी अर्थसंकल्प कोण अंमलात आणेल? निवडणुकीपूर्वी मतांसाठी केलेला हा हिशेब आहे. मतांसाठी मांडलेला हिशेब ः पी. चिदंबरम हा हिशेबी अर्थसंकल्प नसून मतांसाठी मांडलेला हिशेब आहे, असे या अर्थसंकल्पाचे एकाच ओळीत वर्णन करता येईल. शेतकरी गाशा गुंडाळायला लावतीलः अखिलेश यादव भाजप सरकारने पाच वर्षांत ५-५ किलो मिळून खतांच्या गोण्यांमधून जे मिळाले आहे, त्याच्यातून आता सहा हजार रुपये मिळवत वर्षभरात परत करणार आहे. सरकारला शेतकरी गाशा गुंडाळायला लावतील.