Agriculture news in marathi, Incoming decline in banana Madhya pradesh; Improvement in Khandesh | Agrowon

केळीच्या मध्य प्रदेशातील आवकेत घट; खानदेशात दरात सुधारणा
टीम अॅग्रोवन
मंगळवार, 10 सप्टेंबर 2019

जळगाव : मध्य प्रदेशातील बऱ्हाणपूर येथील बाजारातील केळीची आवक कमी झाली आहे. त्यामुळे दरात चांगली सुधारणा झाली आहे. यामुळे खानदेशात रावेर व जळगाव भागांत नवती केळीचे दर अनुक्रमे १३६० व १३०० रुपये प्रतिक्विंटलपर्यंत पोचले आहेत. दरात मध्यंतरी सुरू झालेली पडझडही थांबली आहे. 

जळगाव : मध्य प्रदेशातील बऱ्हाणपूर येथील बाजारातील केळीची आवक कमी झाली आहे. त्यामुळे दरात चांगली सुधारणा झाली आहे. यामुळे खानदेशात रावेर व जळगाव भागांत नवती केळीचे दर अनुक्रमे १३६० व १३०० रुपये प्रतिक्विंटलपर्यंत पोचले आहेत. दरात मध्यंतरी सुरू झालेली पडझडही थांबली आहे. 

उत्तरेकडील श्रावणमास संपल्यानंतर मागील महिन्यातच दरात काहीशी घसरण होऊन १३०० रुपये प्रतिक्विंटलपर्यंत दर खाली आले होते. परंतु मध्य प्रदेशातील केळीची आवक कमी झाली आहे. तेथील बऱ्हाणपूर येथील बाजारात मागील पंधरवड्यात प्रतिदिन २५० ट्रक (एक ट्रक १५ मेट्रिक टन क्षमता) एवढी आवक राहिली. तेथे रोज किमान ३०० ट्रक केळीची मागणी आहे. शिवाय मध्य प्रदेशातील बऱ्हाणपूर व लगतच्या भागात फारशी केळी काढणीवर नाही. 

जळगाव जिल्ह्यातील रावेर, मुक्ताईनगर येथील अनेक शेतकरी अधिक दरांसाठी तेथे केळी पाठवीत आहेत. यामुळे तेथे केळीची आवक २५० ट्रक एवढी टिकून आहे. आवक हवी तशी नसल्याने तेथे केळीला मागील आठवड्यात कमाल १७५० रुपये प्रतिक्विंटल, तर किमान ८७५ रुपये प्रतिक्विंटलचे दर मिळाले. कमी दर्जाच्या केळीलाही तेथे उठाव आहे. सध्या जळगाव, चोपडा, पाचोरा, जामनेर या भागांत फारशी केळी काढणीवर नाही. नवती व पिलबाग केळी यावल, रावेर, मुक्ताईनगर या भागातच कमी अधिक प्रमाणात आहे. 

जळगाव जिल्ह्यात प्रतिदिन ३०० ट्रक केळीची आवक मागील आठवड्यात झाली. फैजपूर (ता. यावल) व सावदा (ता. रावेर) येथील एजंट, खरेदीदारांकडून उत्तरेकडील मोठ्या व्यापाऱ्यांनी केळीची बऱ्यापैकी मागणी केली आहे. दर्जेदार केळीला उत्तरेकडे मागणी आहे. यामुळे नवती केळीच्या दरात मागील आठवड्यात क्विंटलमागे सुमारे ३० रुपयांची सुधारणा झाली. सध्या रावेरातील घामोडी, ऐनपूर, निंबोल, केऱ्हाळे, निंभोरा, रसलपूर, चिनावल या भागात, मुक्ताईनगरमधील अंतुर्ली, नायगाव, चांगदेव व तापी काठावरील इतर गावांमध्ये केळीची काढणी सुरू आहे. 

यावलमध्ये केळीची फारशी आवक नाही. कारण उन्हाळ्यात यावलमधील न्हावी, हंबर्डी व मोर प्रकल्प भागातील गावांमध्ये दुष्काळाचा मोठा फटका नवती बागांना बसला होता. या भागातील निसवणीवरील ३० ते ३५ टक्के केळी पीक मोडण्याची वेळ आली होती. परिणामी आवक वाढलेली नाही. पुढेही फारशी आवक वाढणार नाही. दर टिकून राहतील, असा अंदाज जाणकारांनी व्यक्त केला.

इतर बाजारभाव बातम्या
औरंगाबादमध्ये कांदा १५०० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
परभणीत शेवगा ३५०० ते ५००० रुपये...परभणी : येथील पाथरी रस्त्यावरील फळे भाजीपाला...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
परभणीत काकडी प्रतिक्विंटल ३०० ते ६००...परभणी ः येथील पाथरी रस्त्यावरील फळे भाजीपाला...
नाशिकमध्ये गवार २५०० ते ४५०० रूपये...नाशिक : येथील कृषी उत्पन्न बाजार समितीमध्ये...
जळगावात डाळिंब २१०० ते ४८०० रुपये...जळगाव : कृषी उत्पन्न बाजार समितीत मंगळवारी (ता....
केळीच्या मध्य प्रदेशातील आवकेत घट;...जळगाव : मध्य प्रदेशातील बऱ्हाणपूर येथील बाजारातील...
सोलापुरात वांगी, गवार, भेंडीच्या दरांत...सोलापूर : सोलापूर कृषी उत्पन्न बाजार...
औरंगाबादमध्ये लिंबू २५०० ते ४५०० रुपये...औरंगाबाद : येथील कृषी उत्पन्न बाजार...
कोल्हापुरात नवीन गुळाला साडेतीन ते सहा...कोल्हापूर : कृषी उत्पन्न बाजार समितीच्या शाहू...
राज्यात घेवडा प्रतिक्विंटल ८०० ते ५५००...सोलापुरात प्रतिक्विंटलला सर्वाधिक ४५०० रुपये...
नाशिकमध्ये वांगी १३०० ते ३००० रुपये...नाशिक : येथील कृषी उत्पन्न बाजार समितीमध्ये...