खानदेशात लाल कांद्याची आवक रखडली

जळगाव : खानदेशातील प्रमुख बाजारांमध्ये कांद्याचे लिलाव सुरू आहेत. आवक कमी असली, तरी दरांवर दबाव वाढत आहे.
The incoming of red onions stalled
The incoming of red onions stalled

जळगाव : खानदेशातील प्रमुख बाजारांमध्ये कांद्याचे लिलाव सुरू आहेत. आवक कमी असली, तरी दरांवर दबाव वाढत आहे. 

कोरोनाची वाढती समस्या, लॉकडाऊनची तयारी, बंद झालेले मोठे हॉटेल्स व इतर कारणांमुळे कांद्याचा उठाव कमी झाल्याची बतावणी बाजारात सुरू झाली आहे. गेल्या महिन्यात कांद्याची जळगाव बाजार समितीत प्रतिदिन सरासरी ४५० क्विंटल आवक झाली होती. परंतु, दर टिकून होते. त्या वेळेस व्यापारी ते व्यापारी, असे व्यवहार होत होते.

शेतकऱ्यांकडून कांद्याची आवक होत नव्हती. यामुळे दर पाडले नाहीत, असा दावा आता शेतकरी करीत आहेत. कांद्याचा काढणी हंगाम खानदेशात लांबला आहे. परंतु, या आठवड्यात अनेक भागात नव्या कांद्याची काढणी सुरू होईल. 

गेल्या पंधरवड्यात चाळीसगाव, धुळे, जळगाव येथील बाजारात मिळून रोज दोन ते अडीच हजार क्विंटल लाल कांद्यांची आवक होत होती. सध्या खानदेशात सर्वत्र मिळून प्रतिदिन दीड हजार क्विंटलवर आली आहे. कमी दर्जाच्या कांद्याला १५०० ते २००० रुपये प्रतिक्विंटलचे दर आहेत. तर, दर्जेदार कांद्याला कमाल पाच ते साडेपाच हजार रुपये प्रतिक्विंटलचे दर आहेत. दर्जेदार कांद्याच्या दरात क्विंटलमागे २०० ते २५० रुपयांची घसरण सध्या दिसत आहे.

शेतकऱ्यांकडून आवक रखडत सुरू आहे.  जळगाव जिल्ह्यात चाळीसगाव, जळगाव, धुळ्यातील धुळे येथे लिलाव रोज होत आहेत. चाळीसगाव येथे लिलावांना मध्यंतरी प्रतिसाद मिळाला. सुमारे ६०० क्विंटल कांद्याची आवक रोज तेथे झाली. या आठवड्यात प्रतिदिन ४०० क्विंटल आवक झाली.

शेतकरी चिंतेत

लाल कांद्याची अधिकची आवक आहे. नवीन कांद्याची काढणी सर्वत्र सुरू झालेली नाही. ती झाल्यानंतर दर आणखी कमी होतील, असे चित्र आहे. कारण आतापासून दर पाडण्यास सुरुवात झाली आहे. यामुळे शेतकरी काढणी सुरू होण्यापूर्वीच चिंतेत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com