agriculture news in marathi, incomplete work of Irrigation | Agrowon

उपवितरिकांच्या अपूर्ण कामांचा शेतकऱ्यांना भुर्दंड

टीम अॅग्रोवन
शनिवार, 18 नोव्हेंबर 2017

जळगाव : वाघूर प्रकल्पाच्या पाटचारीतून पाणी सोडले आहे, पण उपवितरिकांचे काम अनेक भागांत अपूर्ण असल्याने मुख्य चारीतून पाणी उचलण्यासाठी जनित्राचा वापर करावा लागत आहे. त्यामुळे भुसावळ तालुक्‍यातील गोजोरे, बेलव्हाय व वराडसीम या गावांतील शेतकऱ्यांना त्यासाठी प्रतिदिन किमान ५०० रुपयांच्या इंधनाचा भुर्दंड बसत आहे.

जळगाव : वाघूर प्रकल्पाच्या पाटचारीतून पाणी सोडले आहे, पण उपवितरिकांचे काम अनेक भागांत अपूर्ण असल्याने मुख्य चारीतून पाणी उचलण्यासाठी जनित्राचा वापर करावा लागत आहे. त्यामुळे भुसावळ तालुक्‍यातील गोजोरे, बेलव्हाय व वराडसीम या गावांतील शेतकऱ्यांना त्यासाठी प्रतिदिन किमान ५०० रुपयांच्या इंधनाचा भुर्दंड बसत आहे.

वाघूर प्रकल्पाच्या पाटचाऱ्यांचे काम अनेक भागांत अपूर्ण आहे. मुख्य पाट व शिवारात चाऱ्यांचे काम केले आहे. परंतु शेतांमध्ये पाणी पोचण्यासाठी आवश्‍यक उपवितरिका तयार केलेल्या नाहीत. मागील वर्षी काही शेतांमध्ये उपवितरिका केल्या; परंतु त्या उन्हाळ्यात तयार केल्या. त्यांची चाचणी घेतली नव्हती.

यंदा चाचणी घेण्यासाठी पाणी सोडले आहे. पण हे पाणी अडखळत पोचत असल्याचे शेतकऱ्यांचे म्हणणे आहे. वाघूर प्रकल्प हा भुसावळ तालुक्‍यातील बेलव्हाय, गोजोरे, वराडसीम भागांतील शेतकऱ्यांनाही लाभदायी ठरणार आहे. परंतु या प्रकल्पाच्या शेतापर्यंत पाणी पोचविणाऱ्या वितरिका तयार झालेल्या नाहीत. मुख्य चाऱ्या आहेत. त्यात सध्या पाणी सोडले आहे. ते पाणी वाहून जात असून, शेतकऱ्यांच्या उपयोगात येत नसल्याची स्थिती आहे.

जनित्राद्वारे उपसा
वाहत्या पाण्याचा उपयोग आपल्या शेताला व्हावा म्हणून शेतकरी चारीवर जनित्र लावून पाण्याचा उपसा करीत आहेत. त्यासाठी जनित्राला प्रतिदिन ५०० ते ६०० रुपयांचे डिझेल लागते. डिझेलवर जादा खर्च लागेल म्हणून शेतकऱ्यांनी कमी पाण्यात येणाऱ्या हरभरा व दादर (ज्वारी) पिकाची पेरणी केली आहे. या भागातील जमीन मुरमाड, हलक्‍या प्रकारातील आहे. अनेक शेतकऱ्यांनी परतीच्या पावसानंतर दिवाळीपूर्वीच हरभरा व दादरची पेरणी केली होती. पेरणीला जवळपास एक महिना झाल्याने आता सिंचनाची गरज आहे. त्यामुळे शेतकरी जनित्राद्वारे चारीतून पाणी उपसून ते शेतापर्यंत नेत आहेत. हरभऱ्याला आणखी एक पाणी द्यावे लागेल, असे शेतकऱ्यांनी सांगितले.

टचाऱ्या केल्या, पण शेतात पाणी येण्यासाठीच्या उपवितरिका केलेल्या नाहीत. त्यामुळे चारीतून पाणी उचलण्यासाठी जनित्राचा वापर करीत आहे. किमान ५०० रुपये खर्च रोज इंधनासाठी लागतो.
- रमेश जगन्नाथ महाजन,
शेतकरी, गोजोरे (ता. भुसावळ, जि. जळगाव)

सध्या चाचणीसाठी पाटातून पाणी सोडले आहे. ते कधी बंद होईल ते सांगता येत नाही. ते वाया जाण्यापेक्षा आम्ही जनित्र लावून पाणी उपसून ते पिकांना देत आहोत. त्यासाठी खर्च लागतोय, पण रब्बीतरी हातात येईल, म्हणून ही धडपड करावी लागतेय.
- नारायण शंकर राणे,
शेतकरी, गोजोरे, जि. जळगाव

 

 


इतर बातम्या
दहा हजाराची लाच स्वीकारणारा हुलजंतीचा...सोलापूर ः खरेदी केलेल्या जमीन दस्तावर दाखल...
`जतमध्ये मूग, उडीद खरेदी केंद्र सुरू...सांगली :जिल्ह्यात मूग व उडीद हमीभावाने खरेदी...
सांगलीत २८ टक्क्यांवरच ऊस लागवडसांगली :  जिल्ह्यात गेल्या आठवड्यापूर्वी...
खानदेशातील बाजारात उडदाच्या आवकेत घटजळगाव : खानदेशातील प्रमुख बाजार समित्यांमध्ये...
नाशिकमध्ये खासदारांच्या घरासमोर  'राख...नाशिक : केंद्र सरकारच्या वाणिज्य मंत्रालयाने...
नगर जिल्ह्यात कांदा बियाणे गरज,...नगर ः जिल्ह्यात दरवर्षी सुमारे एक लाख...
अकोटमध्ये अतिवृष्टीने कपाशी पाण्याखालीअकोला ः आजवर झालेल्या सततच्या पावसाने अकोट...
खरीप धान्योत्पादन १४४ दशलक्ष टनांवर नवी दिल्ली ः कोरोना पुणे मुंबई बातमी ...
बुलडाण्यातील नुकसानीचे पंचनामे करून...बुलडाणा : पावसामुळे नुकसान झालेल्या क्षेत्राचे...
सातगाव पठारावर नुकसानग्रस्त बटाट्याचे...पुणे :‘‘लांबलेला मॉन्सून, सततचा कोसळणारा वादळी...
गाव पातळीवरील बैठका, सभा तात्पुरती...अकोला ः कोवीड १९ च्या वाढत्या प्रभावामुळे गाव...
नोकर भरतीची वयोमर्यादा वाढवाः...चंद्रपूर : कोरोना संकटामुळे या वर्षात नोकरीकरता...
लातूर, उस्मानाबादेत एक लाख ४१ हजार...उस्मानाबाद / लातूर : लातूर व उस्मानाबाद...
ऊसतोड कामगार मंडळाची रचना, धोरण लवकरचः...मुंबई : ऊसतोड कामगारांचे विविध प्रश्न व समस्यांवर...
औरंगाबाद, जालन्यात पावसाचा जोर कायमऔरंगाबाद : बीड, लातूर, उस्मानाबाद, परभणी, नांदेड...
मध्य महाराष्ट्र, मराठवाड्यात हलक्या...पुणे ः राज्यातील पावसाचा जोर कमी झाला आहे. पुढील...
‘पोकरा’मधून फळबाग, वनशेती, बांबू, तुती...औरंगाबाद: नानाजी देशमुख कृषी संजीवनी...
मजुरांना कष्टाचे तरी पैसे मिळावेत नगर ः राज्यातील साखर कारखान्यांची तब्बल ८० हजार...
पावसाळ्यापूर्वीच कापूस खरेदीचे नियोजन अमरावती : गेल्या हंगामात पावसामुळे कापसाचे नुकसान...
मॉन्सूनचा परतीचा प्रवास लांबला पुणे : देशभरात गेले तीन ते चार महिने समाधानकारक...