Agriculture news in marathi Inconvenience of flood affected farmers due to lack of internet | Page 2 ||| Agrowon

रत्नागिरी : पूरबाधित शेतकऱ्यांची इंटरनेटअभावी गैरसोय

टीम अॅग्रोवन
बुधवार, 28 जुलै 2021

रत्नागिरी जिल्ह्यातील नदी किनारी भागात पुरामुळे भातशेतीचे मोठे नुकसान झाले आहे. चिपळूण, खेड, गुहागरसह रत्नागिरीतील गावांमध्ये इंटरनेट नसल्याने नुकसान झालेल्या बाधितांचा संपर्क होत नाही.

रत्नागिरी : जिल्ह्यातील नदी किनारी भागात पुरामुळे भातशेतीचे मोठे नुकसान झाले आहे. चिपळूण, खेड, गुहागरसह रत्नागिरीतील गावांमध्ये इंटरनेट नसल्याने नुकसान झालेल्या बाधितांचा संपर्क होत नाही.

त्यांच्यासाठी इफ्को-टोकियो विमा कंपनीच्या प्रतिनिधींनी ऑफलाइन सुविधा दिली आहे. रत्नागिरीत वेगळे कार्यालय नाही; मात्र जिल्हा कृषी अधीक्षक कार्यालयात विमा प्रतिनिधींसाठी वेगळा कक्ष सुरू करून देण्यात आला आहे.
मुसळधार पावसामुळे खेड, चिपळूण, संगमेश्‍वर, गुहागर, रत्नागिरी तालुक्यातील ग्रामीण भागात नदी किनारी असलेली भातशेती वाहून गेल्यामुळे मोठे नुकसान झाले आहे. प्राथमिक अंदाजानुसार एक हजार हेक्टर भातशेती वाहिली आहे.

जिल्ह्यात यंदा पीकविमा योजनेंतर्गत ३ हजार ६०० शेतकऱ्यांनी ७ हजार हेक्टर क्षेत्रावरील विमा उतरवला आहे. नदी किनारी भाग वगळता अन्य ठिकाणी शेतीची स्थिती चांगली आहे. पावसाचा सर्वाधिक फटका चिपळूण तालुक्याला बसला आहे. सह्याद्रीच्या खोऱ्यात वसलेल्या गावांमध्ये अजूनही रेंजचा पत्ता नाही. काही गावांचा संपर्कच तुटलेला आहे. या परिस्थितीमध्ये तेथील बाधित शेतकऱ्यांचा संपर्क होऊ शकत नाही. रस्ते, पूल खचल्यामुळे तालुक्यातील मुख्य कार्यालयाशींही संपर्क करता येत नाही. तेथील शेतकऱ्यांच्या नुकसानीचे पंचनामे वेळेत करणे हे विमा प्रतिनिधींसाठी आव्हानच ठरणार आहे. पूर ओसरला असला तरीही संपर्क यंत्रणा कोलमडलेलीच आहे.

रत्नागिरी जिल्ह्यात पीकविमा कार्यालय स्वतंत्र नाही. जिल्हा कृषी अधीक्षक कार्यालयात वेगळा कक्ष उभारण्यात आला आहे. नऊ तालुक्यांत प्रत्येकी एक प्रतिनिधी नेमण्यात आला आहे. इंटरनेट नसल्यामुळे विमा प्रतिनिधींशी संवाद साधणे शक्य झालेले नाही.

प्रतिक्रिया
जिल्ह्यातील ४५ शेतकऱ्यांनी आतापर्यंत विमा परतव्यासाठी प्रस्ताव दाखल केला आहे. इंटरनेट नसलेल्या भागातील शेतकऱ्यांसाठी ऑफलाइन सुविधा ठेवली आहे. अर्ज भरल्यानंतर त्वरित घटनास्थळी जाऊन पंचनामे करण्याचे काम आमचे प्रतिनिधी करणार आहेत.
-प्रवीण रेवणे, विमा प्रतिनिधी, इफ्को-टोकियो 

प्रतिक्रिया
मुसळधार पावसामुळे भातशेतीचे नुकसान झाले आहे. यंदा विमा उतरवला होता. या बाबत ऑनलाइन अर्ज केल्यानंतर विमा प्रतिनिधी पंचनाम्यासाठी आले होते. निकषानुसार नुकसान झालेल्या शेतीची भरपाई मिळेल, असे त्यांनी सांगितले.

- राजाराम जयराम चव्हाण, हरचिरी, रत्नागिरी


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...