agriculture news in marathi Increase in area under gram crop in Akola district | Page 2 ||| Agrowon

अकोला जिल्ह्यात हरभरा पिकाखालील क्षेत्रात वाढ

टीम अॅग्रोवन
शुक्रवार, 18 डिसेंबर 2020

अकोला : जिल्ह्यात यंदाच्या रब्बी हंगामातील लागवड अंतिम टप्प्यात आली आहे. आतापर्यंत  एक लाख ४ हजार हेक्टरवर लागवड झाली आहे.

अकोला : जिल्ह्यात यंदाच्या रब्बी हंगामातील लागवड अंतिम टप्प्यात आली आहे. आतापर्यंत  एक लाख ४ हजार हेक्टरवर लागवड झाली आहे. सरासरीच्या ९० टक्क्यांवर लागवड पोचली आहे. यंदा हरभऱ्याची सरासरीच्या अधिक पेरणी झाली आहे. 

जिल्ह्यात हरभऱ्याचे ७० हजार ६०० हेक्टर क्षेत्र आहे. आजवर त्याची ८२ हजार ६८८ हेक्टरवर पेरणी झाली आहे.  प्रामुख्याने तालुकानिहाय विचार करता खारपाण पट्‍ट्यात अकोट तालुक्यात  १५८२०, तेल्हारा १२७७५, बाळापूर ९५८५, पातूर ३७२०, अकोला १८२७६, बार्शीटाकळी ६५४०, मूर्तिजापूर १५९७२ क्षेत्रावर लागवड झाली आहे. अकोला तालुक्यात हरभऱ्याची लागवड जिल्ह्यात सर्वाधिक आहे. 

यंदा रब्बी ज्वारीचे क्षेत्रही वाढल्याचे दिसून येते. प्रामुख्याने अकोटमध्ये ३०० हेक्टरवर पेरणी झाली. याशिवाय उर्वरित सर्व तालुके मिळून ही लागवड ६५० हेक्टरवर पोचली. रब्बीत सिंचनासाठी प्रकल्पातून पाणी पुरवठा होत आहे. त्यामुळे गव्हाची लागवडसुद्धा बऱ्यापैकी झाल्याचे दिसून येते. यात प्रामुख्याने पातूर तालुक्यात ४७००, अकोल्यात ३०५७, बार्शीटाकळी ३५१५, मूर्तीजापूरमध्ये २१०६, बाळापूरमध्ये १८२४, तेल्हारा तालुक्यात १११०, अकोट तालुक्यात ८५९ हेक्‍टरवर गव्हाची लागवड झाली.

जिल्ह्यात गव्हाचे ३८२९० हेक्टर क्षेत्र आहे. मात्र, प्रत्यक्षातील लागवड १७२५१ हेक्टरवर म्हणजेच ५० टक्क्यांच्या आत आहे. हरभऱ्याचे सर्वाधिक ७१ हजार ८०० हेक्टर पेरणी क्षेत्र  आहे. इतर रब्बी पिकांची केवळ ६४० हेक्टरवर पेरणी झाली आहे. यंदा खरिपात सर्वच पिकांपासून शेतकऱ्यांना नुकसान झेलावे लागले आहे.

वातावरणात  अनपेक्षित बदल झाल्याचा फटका बसला. सोयाबीन, मूग, उडीद, ज्वारी, ही सर्वच पिके हातातून गेली. हक्काचे मानले जाणारे कपाशीचे पीकही आतबट्ट्याचा खेळ ठरला. ही उणीव भरून काढण्यासाठी  शेतकऱ्यांनी रब्बी पिकांवर भर दिला आहे. 


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...