कोल्हापूर : येथील बाजार समितीत वांगी, टोमॅटो, ओल्या मिरचीच्या आवकेत वाढ झाली. वांग्यांना दहा किलोस शंभर ते साडेतीनशे रुपये इतका दर मिळाला. टोमॅटोची तीन ते साडेतीन हजार कॅरेट इतकी आवक कोल्हापूरच्या पूर्व भागाबरोबरच सांगली जिल्ह्यातून झाली.
टोमॅटोस दहा किलोस १०० ते २५० रुपये दर होता. टोमॅटोची आवक या सप्ताहात काही प्रमाणात वाढली. ओल्या मिरचीस दहा किलोस २०० ते ३५० रुपये इतका दर मिळाला. घेवड्याच्या आवकेत घट कायम राहिली. घेवड्यास दहा किलोस ४५० ते ५०० रुपये इतका दर होता.
गवारीची वाढलेली आवक या सप्ताहातही कायम राहिली. गवारीस दहा किलोस ३०० ते ५०० रुपये इतका दर होता. भेंडीची आवक ही वाढलेली होती. भेंडीला दहा किलोस १०० ते २५० रुपये इतका दर मिळाला. भेंडीची दररोज ९०० ते १००० करंड्या आवक झाली. दोडका, काकडीची वाढलेली आवक या सप्ताहात कायम होती.
दोडक्यास दहा किलोस १५० ते ४००, काकडीस दहा किलोस १०० ते २०० रुपये इतका दर होता. पालेभाज्यांमध्ये कोथिंबिरीची आवक वाढली. कोथिंबीरिस शेकडा पाचशे ते एक हजार रुपये इतका दर मिळाला. ओल्या भुईमूग शेंगांही बाजार समितीत दाखल होत असून त्यांना दहा किलोस २०० ते ३५० रुपये इतका दर होता.
शेवगा शेंगेची दररोज चारशे ते पाचशे पोती आवक झाली. त्यांना दहा किलोस २०० ते ४५० रुपये इतका दर होता. फळांमध्ये डाळिंबांची दररोज २०० ते ३०० कॅरेट इतकी आवक होती. त्यांना किलोस १५ ते २५ रुपये इतका दर होता.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.