Agriculture news in marathi Increase the number of centers for buying cotton: Guardian Minister Gulabrao Patil | Agrowon

कापूस खरेदीसाठी केंद्रांची संख्या वाढवा : पालकमंत्री गुलाबराव पाटील

टीम अॅग्रोवन
शनिवार, 30 मे 2020

जळगावात कापूस खरेदी केंद्रांची संख्या वाढली पाहिजे. पालकमंत्र्यांनी सूचना देवूनही जिल्हा प्रशासनाने खरेदी केंद्र किंवा कारखान्याची संख्या वाढविलेली नाही. यामुळे खरेदीबाबत ताण येत आहे. शेतकऱ्यांचे नुकसान होण्याची शक्‍यता आहे. 
- कैलास चौधरी, सभापती, बाजार समिती, जळगाव. 

जळगाव : शासकीय कापूस खरेदीला गती देण्यासाठी प्रशासनाला खरेदी केंद्रांची संख्या वाढविण्याचे आदेश शासनासह पालकमंत्री गुलाबराव पाटील यांनी दिले आहेत. परंतु, खरेदी केंद्रांची संख्या फक्त पारोळा तालुक्‍यातच वाढली आहे. इतरत्र ही संख्या वाढत नसल्याने कापूस खरेदीसंबंधी यंत्रणेवर ताण येत आहे. 

भडगाव येथेही केंद्र लॉकडाउनमुळे बंद होते. हे केंद्र सुरू झाले आहे. यावल येथे खरेदी केंद्र नाही. यामुळे जळगाव येथील केंद्रांवर खरेदीचा ताण येत आहे. त्यातच एका केंद्रात रोज फक्त २० वाहनांमधील कापसाची तोलाई केली जात आहे. यामुळे कापूस खरेदीची गती वाढत नसल्याची स्थिती आहे. जिल्ह्यात पणन महासंघाची भडगाव, पारोळा, धरणगाव, अमळनेर व एरंडोल येथे खरेदी सुरू आहे. 

कापूस महामंडळातर्फे (सीसीआय) जळगाव, भुसावळ, जामनेर, पहूर (ता.जामनेर), शेंदूर्णी (ता.जामनेर), बोदवड, पाचोरा, चोपडा व रावेरात खरेदी केंद्र आहेत. यात प्रत्येक तालुक्‍यात किमान चार ते तीन कारखान्यांमध्ये कापसाची खरेदी सुरू होणे अपेक्षित आहे. परंतु, सध्या फक्त पणन महासंघाचे पारोळा व धरणगाव येथे दोन कारखाने खरेदीसाठी कार्यरत आहेत. तर, ‘सीसीआय’तर्फे जामनेर तालुक्‍यात तीन आणि जळगावात दोनच कारखाने खरेदीसाठी कार्यरत आहेत. 

यावल येथे खरेदी केंद्रच नसल्याने तेथील शेतकऱ्यांना रावेर, भुसावळ, जळगाव येथे कापूस विक्रीसाठी यावे लागत आहे. तर, धरणगाव येथील जळगाव तालुक्‍यालगतचे काही शेतकरी जळगाव येथे कापूस विक्रीसाठी येत आहेत. खरेदीची मर्यादा कायम आहे. रोज किमान २ हजार वाहनांमधील कापसाची तोलाई जिल्ह्यात ‘सीसीआय’ व पणन महासंघाच्या केंद्रांमध्ये होणे अपेक्षित आहे. परंतु रोज ७०० ते ८०० वाहनांमधील कापसाचीच तोलाई होत आहे. 

पावसाळा तोंडावर आहे. शेतकऱ्यांना निधीची गरज आहे. कापूस घरातच राहीला तर शेतकरी खरीप कसा उभा करतील? असा प्रश्‍न आहे. या स्थितीत पालकमंत्री पाटील यांनी २२ मे रोजी जिल्हाधिकारी व कापूस खरेदी यंत्रणांचे सर्व अधिकारी, जॉब वर्कर्स यांच्यासोबत बैठक घेतली होती. त्यात कापूस खरेदीसाठी कारखान्यांची किंवा केंद्रांची संख्या वाढविण्याची सूचना दिली होती. जिल्हा उपनिबंधक, जिल्हाधिकाऱ्यांवर ही जबाबदारी आहे. परंतु, खरेदीसाठी कारखान्याची संख्या फक्त पारोळ्यातच वाढली. पावसाळा सुरू झाल्यानंतरही कापसाची खरेदी अशीच सुरू राहील, अशी स्थिती आहे. 

 


इतर ताज्या घडामोडी
पुणे शहरालगतच्या रुग्णालयांमधील ८०...पुणे  : शहरालगतच्या गावांमध्ये कोरोनाबाधित...
कोल्हापुरात आज घरगुती वीज बिलांची होळी ...कोल्हापूर  : दिल्ली सरकारने शंभर...
शेळ्या, मेंढ्यांचे बाजार सुरु करण्याची...नगर  ः सध्या आषाढ महिना सुरु असून या...
गोसेखुर्द प्रकल्प पूर्ण करण्यासाठी...भंडारा   : गोसेखुर्द प्रकल्प २०२३...
खासगी दूध संघांनी दुधाला २५ रुपये दर...नगर ः दुधाला दर मिळत नसल्याने दुग्धोत्पादन अडचणीत...
नांदेड जिल्ह्यात ९२ टक्के क्षेत्रावर...नांदेड ः यावर्षीच्या (२०२०) खरीप हंगामात नांदेड...
नगर जिल्ह्यात युरियाची टंचाई कायम नगर  ः खरीप पिके जोमात असून आता पिकांना...
नगर जिल्ह्यात युरिया टंचाई कायमनगर ः खरीप पिके जोमात असून आता पिकांना युरिया...
पुणे विभागात खरिपाचा सव्वासात लाख...पुणे ः जूनच्या सुरुवातील पुणे विभागातील अनेक...
आमगाव खडकी गावाने सहायता निधीला मदत देत...वर्धा  ः गावातील मार्गावरुन जाणाऱ्या...
लासलगाव बाजार समितीत आजपासून शेतमालाचे...नाशिक : लासलगाव कृषी उत्पन्न बाजार समिती आवारात...
औरंगाबादेत २४ लाख क्विंटल कापूस खरेदीऔरंगाबाद : जिल्ह्यात कापूस पणन महासंघ (सीसीआय),...
नांदेड, परभणी, हिंगोलीत हरभऱ्याची...नांदेड ः किमान आधारभूत किंमत खरेदी योजनेअंतर्गत...
गुजरातमधील अवैध एचटीबीटी उत्पादनाला...नागपूर ः बीटी नंतर एचटीबीटी (तणनाशक सहनशील)...
खाजगी दुध संघांनी दूधाला २५ रुपये दर ...नगर  ः दुधाला दर मिळत नसल्याने दुग्धोत्पादक...
कोल्हापुरात आज घरगुती वीज बिलांची होळीकोल्हापूर : दिल्ली सरकारने शंभर युनिटपर्यंतचे वीज...
पुणे विभागात खरिपाची सात लाख ३४ हजार...पुणे   ः जूनच्या सुरूवातील पुणे...
पुण्यात सर्वच भाजीपाल्याच्या दरात...पुणे ः गुलटेकडी येथील पुणे कृषी उत्पन्न बाजार...
अन्नधान्यासह हाताला काम मिळणे गरजेचे ः...नाशिक : आपली अर्थव्यवस्था अत्यंत नाजूक...
तापमान वाढीची प्रक्रिया रोखण्यासाठी...ओस्लो (नॉर्वे) येथील ‘सेंटर फॉर इंटरनॅशनल...