अकोला ः गेल्या तीन दिवसांत अकोल्यातील कोरोनाबाधीतांची संख्या जोमाने वाढत चालली आहे. मंगळवारी (ता. पाच) सकाळी ११ जणांचे अहवाल पॉझिटिव्ह आल्याने आता अकोल्यातील कोरोनाबाधितांचा आकडा ७५ झाला आहे.
सोमवारी जिल्ह्यात ६४ अहवाल कोरोना पॉझिटिव्ह आलेले आहेत. आत्तापर्यंत सात जणांचा मृत्यू झालेला आहे. मंगळवारी ११ पॉझिटिव्ह आल्याने बाधितांची संख्या ७५ झाली. सध्या ५५ जणांवर प्रत्यक्ष उपचार सुरू आहेत. मंगळवारी ३२ अहवाल आले. त्यातील २१ जणांचे निगेटीव्ह आले. पॉझिटिव्ह आढळलेल्या रुग्णांपैकी चार जण मोहम्मद अली रोड भागातील आहेत. तर उर्वरितांपैकी दोन जण बैदपुरा भागातील असून उर्वरित पाच हे अनुक्रमे गुलजारपुरा, खंगनपुरा, कृषी नगर, ताजनगर व बार्शीटाकळी तालुक्यातील पिंजर येथील रहिवासी आहेत.
ग्रामीण भागात शिरकाव कोरोना बाधितांची संख्या सर्वाधिक अकोला महानगर पालिका क्षेत्रापुरती मर्यादीत होती. मात्र, सोमवारी (ता. ४) बाळापूर तालुक्यातील अंत्री मलकापूर आणि मंगळवारी पिंजर येथे रुग्ण आढळून आले. या दोन्ही गावांत रुग्ण आल्याने तातडीने प्रशासनाने तेथे परिसर सील करून आरोग्यविषयक उपाययोजनांची अंमलबजावणी हातात घेतली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.