नागपूर जिल्ह्यात रब्बीच्या क्षेत्रात वाढ

नागपूर जिल्ह्यात रब्बीच्या क्षेत्रात वाढ
नागपूर जिल्ह्यात रब्बीच्या क्षेत्रात वाढ

नागपूर : मॉन्सूनोत्तर पावसाने खरीप पिकाचे चांगलेच नुकसान केले. मात्र, हा पाऊस रब्बी हंगामाला पोषक ठरणारा आहे. जिल्ह्यात रब्बीच्या लागवड क्षेत्रात वाढीचा अंदाज कृषी विभागाकडून वर्तविण्यात आला. आजवर जिल्ह्यात रब्बीची नियोजित क्षेत्राच्या ९६ टक्‍क्‍यांवर पेरणी झाली.  गत चार वर्षांपासून जिल्ह्यात पावसाने सरासरी गाठली नव्हती. त्याचा थेट परिणाम रब्बी पेरणी क्षेत्रावर झाला होता. यंदा मात्र पावसाने अखेरच्या क्षणी सरासरी पार केल्याने जमिनीत ओलावा कायम आहे. त्याचा फायदा रब्बी पिकांना झाला आहे. जिल्ह्यात रब्बी हंगामामध्ये गहू, हरभरा, ज्वारी, मका, मिरची, भाजीपाला आदी प्रमुख पिके घेतली जातात. रब्बीचे जिल्ह्यात सर्वसाधारण क्षेत्र हे १ लाख ७३ हजार ५४७ हेक्‍टर इतके आहे. गतवर्षी जिल्ह्यात रब्बीमध्ये सर्वसाधारण क्षेत्राच्या ८६ टक्के म्हणजे १ लाख ४८ हजार ३२७ हेक्‍टरवर पेरणी झाली होती. यंदा कृषी विभागाने रब्बीसाठी सर्वसाधारण क्षेत्रापेक्षा २ हजार ४५३ हेक्‍टर अधिकचे म्हणजेच १ लाख ७६ हजार हेक्‍टरचे पेरणीचे नियोजन केले आहे. यंदा रब्बी हंगामात गव्हाचे ७५ हजार हेक्‍टर क्षेत्र आहे. तर आजवर गव्हाची जिल्ह्यात ७७ हजार २२० हेक्‍टरवर म्हणजेच नियोजित क्षेत्राच्या २ हजार हेक्‍टरवर अधिक पेरणी झाली आहे. हरभऱ्याचे ८५ हजार हेक्‍टरवर लागवड क्षेत्र असून, आजवर ७९ हजार ९० हेक्‍टरवर पेरणी पूर्ण झाली आहे. त्या खालोखाल लाखोळीचे २ हजार हेक्‍टरवर आहे. मका १ हजार हेक्‍टर, जवस ५०० हेक्‍टर, तीळ १०० हेक्‍टर, सूर्यफूल १ हजार हेक्‍टर, मोहरी ३०० हेक्‍टर, मिरची २ हजार हेक्‍टर व भाजीपाला ८ हजार हेक्‍टरवर नियोजन आहे. यापैकी आज घडीला १ लाख ७४ हजार हेक्‍टरवर म्हणजेच ९६ टक्‍क्‍यांवर पेरण्या पूर्ण झाल्या आहेत.  पीकनिहाय झालेली पेरणी (हेक्‍टरमध्ये)  गहू ७७२२०, हरभरा ७९०९०, ज्वारी ६८०, मका ८१८, मोहरी १०३, मिरची २४, भाजीपाला ७८२०.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com