Agriculture news in Marathi Increase in summer onion imports in Andarsul sub-market | Agrowon

अंदरसूल उपबाजारात उन्हाळ कांदा आवकेत वाढ

टीम अॅग्रोवन
बुधवार, 8 जुलै 2020

अंदरसूल (ता. येवला) उपबाजार आवारात कांदा आवक मोठ्या प्रमाणात वाढली आहे. मजूर टंचाई असल्याने नियोजन बिघडले. तर दरात थोडी घसरण होत असल्याचे पाहायला मिळाले.

नाशिक : वैजापूर (जि. औरंगाबाद) येथील बाजार समितीतील कांदा व्यापाऱ्याला कोरोनाचा संसर्ग झाल्याने वैजापूर कृषी उत्पन्न बाजार समितीचे कामकाज २९ जून ते ८ जुलै दरम्यान म्हणून बंद ठेवण्यात आले आहे. त्यामुळे या बाजार समितीच्या कार्यक्षेत्रातील शेतकऱ्यांना कांदा विक्रीसाठी इतरत्र जावे लागत आहे. अंदरसूल (ता. येवला) उपबाजार आवार जवळ असल्याने येथे आवक वाढली. मजूर टंचाई असल्याने नियोजन बिघडले. तर दरात थोडी घसरण होत असल्याचे पाहायला मिळाले.

वैजापूर बाजार समितीमध्ये सरासरी ७ हजार क्विंटल आवक होत असते. मात्र, आवारात एका कांदा व्यापाऱ्याला कोरोनाचा संसर्ग झाल्याने हमाल, मापारी यांच्या मागणीनुसार बाजार समितीचे कामकाज बंद करण्यात आले आहे. परिणामी, येवला कृषी उत्पन्न बाजार समितीच्या अंदरसूल उपबाजारामध्ये ही आवक वळाली आहे. या ठिकाणी १५ च्या आसपास व्यापारी कार्यरत आहेत. तर दैनंदिन होणारी आवक ही ४००० क्विंटलच्या आसपास असते.

वैजापूर तालुक्यातील काही शेतकरी नगर जिल्ह्यातील घोडेगाव बाजारास दर चांगले असल्याने पसंदी देतात. मात्र, गोणी पद्धतीने लिलाव असल्याने ते गणित जमत नसल्याने खुल्या पद्धतीने लिलावसाठी अंदरसूल येथे पसंदी देत आहेत.

वैजापूर बाजार बंद झाल्याने गत सप्ताहात शुक्रवारी (ता. ३) १५४०४ क्विंटल इतकी आवक झाल्याने नियोजनात गोंधळ निर्माण झाला. जुलैच्या सुरुवातीला आषाढी एकादशी (ता. १), गुरुवार (ता. २) आठवडे बाजार व रविवारी (ता. ५) बाजार समितीचे कामकाज बंद होते. त्यामुळे आवक वाढल्याने वाहनांच्या रांगा लागल्याचे पाहायला मिळाले.

आवकेची स्थिती
तारीख आवक किमान कमाल सरासरी
२७ जून ४३२० २०० ८२६ ७००
२९ जून ९५८५ २०० ८०० ७००
३० जून ६१७८ २०० ८३७ ७२५
३ जुलै १५४०४ २०० ८१७ ७०१
४ जुलै ५५६५ २०० ७६९ ६५०
६ जुलै ११८३४ २०० ७७६ ६५०

वैजापूर (जि. औरंगाबाद) बाजार व कोपरगाव (जि. नगर) बाजार समिती व शिरसगाव उपबाजार बंद असल्याने पर्यायी अंदरसुल येथे आवक वाढत आहे. मजूर कमी असल्याने अडचणी आल्या.
- सचिन पैठणकर, कांदा व्यापारी, अंदरसूल उपबाजार

शेजारील बाजार समित्यांचे काम चालू बंद होत आहे. त्यामुळे बाजार समित्यांचे कामकाज बिघडते. शासनाने बाजार सुरळीत राहावा यासाठी प्रयत्न करावे.
- मकरंद सोनवणे, सभापती, अंदरसूल बाजार समिती


इतर ताज्या घडामोडी
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...
नांदेड जिल्ह्यातील एक लाख ९२ हजार...नांदेड  ः यंदा जिल्ह्यातील २ लाख ६८ हजार...
ओसंडून वाहतोय आडोळ प्रकल्पशिरपूरजैन, जि. वाशीम ः दमदार पावसामुळे येथील आडोळ...
काटेपूर्णा प्रकल्प तुडुंब, पाणी साठ्यात...अकोला ः यंदाच्या मोसमात आत्तापर्यंत वेगवेगळ्या...
अकोला जिल्ह्यात युरिया खताचा वापर वाढलाअकोला ः जिल्ह्यामध्ये मागील वर्षाच्या तुलनेत...
राधानगरी धरणाचे दोन दरवाजे खुलेचकोल्हापूर : जिल्ह्याच्या पश्‍चिमेकडील...
नाशिक शहरात बैलपोळा साहित्याच्या...नाशिक : गेल्या वर्षांपासून शेतीमालाचे नुकसान व...
मालेगाव तालुक्यात भाजीपाल्यासह खरीप...नाशिक : मालेगाव तालुक्यातील पश्चिम भागात झालेल्या...
येलदरीच्या दोन दरवाजातून विसर्गपरभणी : बुलडणा जिल्ह्यातील खडकपूर्णा धरणातील...
सांगली जिल्ह्यात पावसाचा जोर ओसरलासांगली ः जिल्ह्यात पावसाचा जोर कमी झाला आहे....
नाशिकमध्ये ढोबळी मिरची प्रतिक्विंटल...नाशिक  : येथील कृषी उत्पन्न बाजार समितीमध्ये...