Agriculture news in Marathi, Increase in vegetable prices in Sindhudurg | Agrowon

सिंधुदुर्गात भाजीपाल्याच्या दरात वाढ

टीम अॅग्रोवन
मंगळवार, 13 ऑगस्ट 2019

सिंधुदुर्ग ः जिल्ह्यातील पूरस्थिती नियंत्रणात आल्यानंतर बेळगाव परिसरातून किरकोळ भाजी विक्रेते जिल्ह्यात दाखल झाले. परंतु, त्यांच्याकडील भाजीपाल्याचे दर मात्र सर्वसामान्य ग्राहकांना न परवडणारे आहेत. सर्वच भाज्या साधारणपणे १०० रुपये प्रतिकिलोप्रमाणे विकल्या जात आहेत. असे असले तरी भाजी खरेदीसाठी ग्राहकांची झुंबड उडताना दिसत आहे.

सिंधुदुर्ग ः जिल्ह्यातील पूरस्थिती नियंत्रणात आल्यानंतर बेळगाव परिसरातून किरकोळ भाजी विक्रेते जिल्ह्यात दाखल झाले. परंतु, त्यांच्याकडील भाजीपाल्याचे दर मात्र सर्वसामान्य ग्राहकांना न परवडणारे आहेत. सर्वच भाज्या साधारणपणे १०० रुपये प्रतिकिलोप्रमाणे विकल्या जात आहेत. असे असले तरी भाजी खरेदीसाठी ग्राहकांची झुंबड उडताना दिसत आहे.

जिल्ह्यात पाच दिवस सतत अतिवृष्टी झाली. या शिवाय जिल्ह्यात भाजीपाला येणाऱ्या कोल्हापूर, सांगली, बेळगाव या तीनही जिल्ह्यांमध्ये पुराने थैमान घातले. त्यामुळे तीनही जिल्ह्यांतून येणारा भाजीपाला गेल्या सात आठ दिवसांपासून बंद आहे. ऐन श्रावणात भाजीपाला नसल्यामुळे नागरिकांची मोठी कोंडी झाली आहे. कोल्हापूर आणि सांगलीतील जनजीवन अजूनही विस्कळित असल्यामुळे तेथून जिल्ह्यात भाजीपाला येण्यासाठी आणखी काही दिवस लागण्याची शक्यता आहे. परंतु, दोन दिवसांपासून बेळगाव जिल्ह्यातून सिंधुदुर्गात किरकोळ स्वरूपात छोट्या टेम्पोमधून काही निवडक भाज्या विक्रीसाठी येऊ लागल्या आहेत.

यामध्ये विशेषतः मिरची, टोमॅटो, बटाटा, ढोबळी मिरची, भेंडी, गवार आणि कोबी, कोथिंबिरीचा समावेश आहे. भाजीपाल्याचा टेम्पो आल्याचे समजताच ग्राहकांनी भाजी खरेदी करण्यासाठी एकच गर्दी केली. परंतु, भाजीचे दर ऐकल्यानंतर सर्वसामान्य ग्राहकांच्या तोंडचे पाणीच पळाले. मिरची-१४० रुपये, टॉमेटो, भेंडी, गवार, ढोबळी मिरची सर्व -१०० रुपये, कोथिंबीर पेंडी- ६० ते ८० रुपये, बटाटा-६० रुपये असे भाजीपाल्याचे दर होते. परंतु, तरीही ग्राहकांनी जेथे जेथे भाजीचे टेम्पो गेले तेथे तासाभरात रिकामे केले. 

ऐन श्रावणात भाजीपाल्यांची कोंडी झाल्यामुळे नागरिक मोठ्या अडचणीत सापडले आहेत. दरम्यान किराणा दुकानांमधील बटाटा संपला असून त्याचा दर आणखी वाढण्याची शक्यता आहे. कोल्हापूर आणि सांगली जिल्ह्यांतील पूरस्थिती नियत्रंणात येत नाही तोपर्यंत जिल्ह्यात भाजीपाल्याची मोठी अडचण निर्माण होणार आहे.


इतर ताज्या घडामोडी
तूर पिकावरील किडींचे व्यवस्थापन करावे ः...बुलडाणा  : तूर पिकावर शेंगा पोखरणाऱ्या...
...अखेर जायकवाडीतून रब्बी सिंचनासाठी...औरंगाबाद : जायकवाडी प्रकल्पावरून कालव्या‌द्वारे...
अकरा महिन्यांनंतर पिकांची नुकसानभरपाईपुणे ः पिकांची नुकसानभरपाई मिळत नसल्याचे अनुभव...
सांगलीत आडसाली उसाला महापुराचा फटकासांगली : जुलै आणि ऑगस्ट महिन्यात आलेल्या...
औरंगाबाद, जालना, बीड जिल्ह्यात एक लाख...बीड : यंदाच्या रब्बीत औरंगाबाद, जालना व बीड या...
परभणी येथे दूध संकलनातील घट सुरूचपरभणी : शासकीय दूध योजनेतंर्गंत परभणी येथील दुग्ध...
सातारा : ‘शेतकरी सन्मान’चा निधी मिळालाच...सातारा ः पंतप्रधान शेतकरी सन्मान योजनेच्या...
नांदेड, परभणी, हिंगोलीत निर्बंधमुक्ती...नांदेड, परभणी, हिंगोली ः शेतकरी संघटनेतर्फे शरद...
सोलापूर जिल्ह्यात मुख्यमंत्री...सोलापूर : राज्यात शासकीय नोकऱ्यांचे प्रमाण कमी...
घरात बसणार नाही, राज्यभर दौरा काढणार ः...परळी, जि. बीड : ‘‘बंड केले नसते तर देशाला...
खातेदारांच्या नोंदीसाठी ‘ई-हक्क’ प्रणालीनगर ः वारस नोंद, बोजा, गहाणखत, बोजा कमी करणे, ई-...
सर्वसामान्य, तरुण पिढीशी माझी बांधीलकी...मुंबई ः आपली बांधीलकी सर्वसामान्य माणसाशी,...
पीकविमा योजनेत कंपनी आणि शेतकऱ्यांमध्ये...अकोला ः गेल्या काही वर्षांत प्रत्येक हंगामातील...
शेतकऱ्यांना अपेक्षित राज्य कारभार करेन...शिवनेरी, जि. पुणे : शिवरायांच्या महाराष्ट्राचा...
निर्यातक्षम द्राक्षनोंदणीला मुदतवाढनाशिक : युरोपियन देशांना द्राक्ष निर्यातीकरिता ''...
हळद पिकातील व्यवस्थापनसध्या हळद लागवड होऊन सुमारे सात महिन्यांचा...
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
जुन्या बागेमध्ये घडाच्या विकासाकडे लक्ष...द्राक्ष बागेमध्ये सध्या वातावरण चांगले असले, तरी...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...