Agriculture news in marathi, Increase in water level of Godavari | Agrowon

गोदावरीच्या पाणीपातळीत  वाढ

टीम अॅग्रोवन
शुक्रवार, 24 सप्टेंबर 2021

नाशिक : गेल्या दोन दिवसांपासून जिल्ह्याच्या पश्चिम भागातील धरणांच्या पाणलोट क्षेत्रात पावसाने जोरदार हजेरी लावली. त्यामुळे पाणीसाठ्यात वाढ झाली. त्यामुळे धरणांतून विसर्ग करण्यात आला. त्यामुळे गोदावरीची पाणीपातळी वाढली.

नाशिक : गेल्या दोन दिवसांपासून जिल्ह्याच्या पश्चिम भागातील धरणांच्या पाणलोट क्षेत्रात पावसाने जोरदार हजेरी लावली. त्यामुळे पाणीसाठ्यात वाढ झाली. त्यामुळे धरणांतून विसर्ग करण्यात आला. त्यामुळे गोदावरीची पाणीपातळी वाढली. परिणामी, नांदूर मध्यमेश्वर बंधाऱ्यातून बुधवारी (ता.२२) दुपारी ४ वाजेनंतर ३२ हजार क्यूसेक्सचा विसर्ग सोडण्यात आला. पाऊस कमी झाल्यानंतर हा विसर्ग कमी करण्यात आला. 

मंगळवार (ता. २१) पासून गंगापूर धरण समुहाच्या पाणलोट क्षेत्रात जोरदार पाऊस झाला. त्यामुळे बुधवारी (ता.२२) गंगापूर धरणातून टप्प्याटप्प्याने ९ हजारे क्यूसेकपर्यंत विसर्ग गोदावरीत सोडण्यात आला. त्यामुळे नाशिक शहरातील पंचवटी परिसरात रामसेतूच्या कमानीपर्यंत पुराचे पाणी पोचले. त्यानंतर खबरदारी म्हणून प्रशासनाने हा पूल नागरिकांसाठी बंद केला होता. तर येथील व्यावसायिकांना टपऱ्या, साहित्य वाहून नेण्यासाठी लगबग केली होती. पाणीपातळी वाढत गेल्यानंतर दुतोंड्या मारुतीच्या छातीपर्यंत पाणी पोचले. त्यामुळे महापालिकेसह पोलिसांनी सुरक्षिततेसाठी सतर्कतेचा इशारा देत गस्त घातली. 

पावसाच्या दमदार पुनरागमनामुळे जिल्ह्यातील एकूण २४ प्रकल्पांत धरणसाठा ८३ टक्क्यांवर पोचला आहे. त्यापैकी गंगापूर धरण समूहातील गंगापूर, आळंदी, वाघाड, दारणा, भावली, वालदेवी, हरणबारी, केळझर, नाग्यासाक्या व माणिकपुंज ही धरणे १०० भरली आहेत.

तर कश्यपी, गौतमी गोदावरी, पालखेड, कडवा, चणकापूर, पुनद ही धरणे जवळपास भरल्या सारखीच आहेत. मनमाड शहराला पाणीपुरवठा करणाऱ्या वागदर्डी धरणाच्या पाणलोट क्षेत्रात दमदार पाऊस झाला. त्यामुळे धरणात मुबलक पाणीसाठा उपलब्ध झाला आहे. सध्या पाणीपातळी १०० दशलक्ष घनफूट झाली आहे.

गंगापूर, दारणा, कडवा धरणात पाणी वाढले 

जिल्ह्यातील पश्चिम पट्ट्यात धरणांच्या पाणलोट क्षेत्रात झालेल्या मुसळधार पावसामुळे गंगापूर दारणा, कडवा धरणात पाणीपातळी वाढत आहे. त्यामुळे मोठ्या प्रमाणात विसर्ग सोडण्यात आला आहे. पूरस्थितीचा संभाव्य धोका लक्षात घेता बुधवारी (ता.२२) दुपारी ४ वाजेनंतर ३२ हजार ६९२ क्युसेक वेगाने विसर्ग सोडण्यात आला आहे. पावसाचा जोर कमी झाल्याने गुरुवारी (ता.२३) दुपारी १ वाजता विसर्ग १२६२० क्यूसेक इतका सुरू आहे. 

या धरणांतून विसर्ग सुरू (क्यूसेक)

धरण विसर्ग
गंगापूर ३३१८
आळंदी १५०
पालखेड ४३२
वाघाड ५९५
दारणा २७०८
भावली २९०
वालदेवी १८३
कडवा ४२४
चणकापूर २२०
हरणबारी १३४
नाग्यासाक्या ६२६

 


इतर बातम्या
अन्नधान्य भाववाढीच्या चर्चा निराधारपुणे : सध्या अन्नधान्य महागाईच्या चर्चांना ऊत आला...
राज्यात थंडीची चाहूलपुणे : नैऋत्य मोसमी वारे (मॉन्सून)...
इंधन दरवाढ, महागाई दिसत नाही, कांद्याची...नाशिक : एकीकडे इंधन खर्च, निविष्ठांचे वाढते दर,...
पावसामुळे द्राक्ष हंगामात अडचणी वाढल्यानाशिक : सप्टेंबर महिन्यापासून द्राक्ष उत्पादक...
सरासरी ते सरासरीपेक्षा कमी तापमानाचा...पुणे : नैर्ऋत्य मोसमी वाऱ्यांनी (मॉन्सून) १४...
महाराष्ट्राच्या समृद्ध पीकसंपदेचा...संगमनेर, जि. नगर ः ‘‘महाराष्‍ट्रात पिकांची मोठी...
सांगली जिल्ह्यात ५० टक्के द्राक्ष...सांगली : जिल्ह्यात द्राक्ष पिकाच्या फळछाटणीची गती...
आता तुम्हीच शोधा  कुठला कारखाना कुणी... पुणे : गेल्या पंधरा वर्षांत ६५ सहकारी साखर...
स्वाभिमानी-कारखानदार संघर्ष अटळ;  ‘...सांगली : कोल्हापूर जिल्ह्यातील शाहू, गुरुदत्त,...
पुणे जिल्ह्यातील आठवडे बाजार  सुरू...पुणे : कोरोना मार्गदर्शक सूचनांचे पालन करून...
सोयीच्या लोकांची प्रकरणे  सोमय्या झाकून...पुणे : राज्यात एकूण ४३ कारखान्यांची विक्री...
लखीमपूर खेरी घटनेतील  शेतकऱ्यांच्या...वर्धा : उत्तर प्रदेशातील लखीमपूर खेरी येथे भाजप...
नगर जिल्ह्यात रब्बीची  सहा टक्के पेरणी  नगर ः जिल्ह्यात यंदा आतापर्यंत रब्बीची ६...
रब्बीत यंदाही राहणार  हरभऱ्याचाच...अकोला : लवकरच रब्बीची लागवड सुरू होत आहे. या...
राज्यभरात निघणार लखीमपूर खेरी  किसान...  नाशिक : उत्तर प्रदेशमधील लखीमपूर खेरी...
धुळे जिल्हा बँकेत तिघे जण बिनविरोधधुळे ः धुळे-नंदुरबार जिल्हा बँकेची १७ जागांसाठी...
सोयाबीन-कापूस उत्पादक शेतकऱ्यांच्या ...बुलडाणा : विदर्भ, मराठवाडा, खानदेशातील कापूस,...
`तंत्रज्ञान पोहोचविण्यात कृषी...हिंगोली  ः ‘‘कृषी विद्यापीठे, कृषी विज्ञान...
नांदेड जिल्ह्यात ग्रामबीजोत्पादनात सात...नांदेड : जिल्ह्यात शेतकऱ्यांसाठी सहा हजार ३१...
यवतमाळ :नुकसानग्रस्त शेतकऱ्यांच्या ...आर्णी, यवतमाळ : परतीच्या पावसाने खरीप पिकांची...