agriculture news in marathi, Increase water scarcity, aurangabad, maharashtra | Agrowon

मराठवाड्यातील पाणीटंचाईत वाढ

टीम अॅग्रोवन
गुरुवार, 18 जुलै 2019

औरंगाबाद : पावसाने पाठ फिरविल्याने मराठवाड्यात टंचाईचा सामना करणाऱ्या गावे, वाड्यांची संख्या झपाट्याने वाढत आहे. मंगळवारअखेरपर्यंत (ता. १६) २१४१ गावे, वाड्यांची तहान टॅंकरवर अवलंबून आहे. त्यासाठी २२६३ टॅंकरच्या फेऱ्या सुरू आहेत. ५५३० विहिरींचेही अधिग्रहण करण्यात आल्याची माहिती सूत्रांकडून मिळाली.

औरंगाबाद : पावसाने पाठ फिरविल्याने मराठवाड्यात टंचाईचा सामना करणाऱ्या गावे, वाड्यांची संख्या झपाट्याने वाढत आहे. मंगळवारअखेरपर्यंत (ता. १६) २१४१ गावे, वाड्यांची तहान टॅंकरवर अवलंबून आहे. त्यासाठी २२६३ टॅंकरच्या फेऱ्या सुरू आहेत. ५५३० विहिरींचेही अधिग्रहण करण्यात आल्याची माहिती सूत्रांकडून मिळाली.

मराठवाड्यात १० जुलैअखेरपर्यंत १९५४ गावे, वाड्यांमध्ये पाणीटंचाईचे संकट होते. आता त्यामध्ये आठवडाभरात १८७ गावे, वाड्यांची भर पडली. औरंगाबाद जिल्ह्यातील ५३० गावे, ८९ वाड्यांमधील २६ लाख २० हजार ६२१ लोकांची तहान टॅंकरद्वारे भागविली जात आहे. त्यासाठी ६८९ टॅंकरच्या फेऱ्या सुरू आहेत. पाणीपुरवठ्यासाठी जिल्ह्यातील १९७ विहिरींचे अधिग्रहण करण्यात आले आहे. 

जालना जिल्ह्यातील ३०१ गावे, ८२ वाड्यांमधील ६ लाख ५७ हजार ५१३ लोकांसाठी ३६० टॅंकरद्वारे पाणीपुरवठा सुरू आहे. २७१ विहिरीही अधिग्रहित आहेत. परभणी जिल्ह्यात ५५ गावे, १३ वाड्यांमधील १ लाख ७४ हजार ६७७ लोकांसाठी ६८ टॅंकर सुरू आहेत. जिल्ह्यातील ४२९ विहिरी अधिग्रहित आहेत. हिंगोली जिल्ह्यातील ३६ गावे, ४ वाड्यांसमोर पिण्याच्या पाण्याचा प्रश्‍न आहे. तेथील ८२ हजार १७ लोकांची तहान भागविण्यासाठी ५० टॅंकर सुरू आहेत. ४९० विहिरींचे अधिग्रहण करण्याचेही काम सुरू आहे. 

नांदेड जिल्ह्यातील ७६ गावे, ६१ वाड्यांमधील १ लाख ९५ हजार १५० लोकांसाठी १३७ टॅंकर सुरू आहेत. ११९० विहिरींचे अधिग्रहणही करण्यात आले आहे. बीड जिल्ह्यातील ४२५ गावे, १९८ वाड्यांमधील ९ लाख ४६ हजार ४२८ लोकांसाठी ६३२ टॅंकरद्वारे पाणीपुरवठा होत आहे. शिवाय, ६३७ विहिरींचे अधिग्रहण केले आहे. लातूर जिल्ह्यातील ८१ गावे व २१ वाड्यांसाठी १०४ टॅंकरच्या फेऱ्याही सुरू आहेत. तसेच, १२५२ विहिरी अधिग्रहित आहेत.

उस्मानाबाद जिल्हा तहानला

उस्मानाबाद जिल्ह्यातील १५८ गावे, ११ वाड्यांत पिण्याच्या पाण्याचा प्रश्‍न बिकट आहे. येथील ४ लाख १७ हजार ३३८ लोकांची तहान टॅंकरवर अवलंबून आहे. त्यासाठी २२३ टॅंकरची सोय करण्यात आली आहे. १०६४ विहिरींचे अधिग्रहणही करण्यात आले आहे. त्याद्वारे टॅंकर व टॅंकरव्यतिरिक्‍त पाणीपुरवठा करण्याचे काम सुरू असल्याची माहिती प्रशासकीय सूत्रांनी दिली.
 


इतर बातम्या
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
‘सेवा हमी'साठी मोबाईल ॲप्लिकेशन विकसितसोलापूर : ‘‘सेवा हमी हक्क कायद्याची अंलबजावणी...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
निर्यातबंदी उठविल्याचे कांदा बाजारात...नाशिक : केंद्रीय अन्न व नागरी पुरवठा मंत्री...
साडेआठशे कोटींची एफआरपी थकलीपुणे: राज्यातील साखर कारखान्यांनी ऊस उत्पादक...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...