कमाल तापमानात किंचित वाढ

कमाल तापमानात किंचित वाढ
कमाल तापमानात किंचित वाढ

पुणे ः पावसासाठी पोषक वातावरण नसल्याने राज्यातील बहुतांशी भागात पावसाने दडी मारली आहे. गेल्या पाच ते सहा दिवसांपासून वातावरणात किंचित उकाडा तयार झाला आहे. त्यामुळे दिवसाच्या कमाल तापमानात वाढ झाली आहे. विदर्भातील चंद्रपूर येथे ३२.६ अंश सेल्सिअसची नोंद झाली असल्याचे हवामान विभागाच्या सूत्रांनी सांगितले.  सध्या बंगालच्या उपसागरात कमी दाबाचे क्षेत्र तयार झाले आहे. हे क्षेत्र मध्य प्रदेशाकडे सरकत असून, ते अतितीव्र होत आहे. यामुळे पश्चिम बंगाल, झारखंड, छत्तीसगड, उत्तर प्रदेश, उत्तराखंड, हरियाना, हिमाचल प्रदेश या भागात काही प्रमाणात पावसाचा जोर वाढणार आहे. दक्षिण भारतातील माॅन्सूनची तीव्रता कमी झाल्याने पावसाची तीव्रता कमी झाली आहे. येत्या सोमवार (ता. १०) पर्यंत कोकणातील काही भागांत हलका पाऊस पडणार आहे. मध्य महाराष्ट्र, मराठवाडा व विदर्भात तुरळक ठिकाणी पावसाच्या अधूनमधून सरी बरसण्याचा अंदाज आहे.  कोकणातील काही भागात गुरुवारी (ता. ६) सकाळी आठ वाजेपर्यंत हलक्या सरी बरसल्या. विदर्भातही तुरळक ठिकाणी हलका पाऊस पडला. मध्य महाराष्ट्रातील पश्चिम पट्यातील काही भागांत व घाटमाथ्यावर पावसाच्या अधूनमधून पाऊस पडला. पूर्व भाग आणि मराठवाड्यात आकाश निरभ्र होते. काही भागांत अधूनमधून ढगाळ हवामानाची स्थिती तयार होत होती. गुरुवारी (ता. ६) दिवसभर कोकण, मध्य महाराष्ट्र आणि मराठवाड्यात आकाश निरभ्र होते. विदर्भातील नागपूर परिसरात हलक्या सरी पडल्या. उर्वरित भागात ढगाळ हवामान असून, अनेक भागांत आकाश निरभ्र होते.   गुरुवारी (ता. ६) सकाळी आठ वाजेपर्यंत पडलेला पाऊस (मिलिमीटरमध्ये) ः  कोकण ः कणकवली २०, दाभोलीम, फोंडा १० विदर्भ ः भामरागड २०, बल्लाळपूर, तिरोरा १० घाटमाथा ः कोयना ४०, शिरगाव, अंबोणे, डुंगरवाडी, कोयना १०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com