agriculture news in marathi, increasing the area of tissue culture banana plantation, jalgaon, maharashtra | Page 2 ||| Agrowon

जळगाव जिल्ह्यात वाढतेय उतिसंवर्धित केळी लागवड क्षेत्र

टीम अॅग्रोवन
सोमवार, 12 मार्च 2018
रावेरातील ७० ते ७५ टक्के केळीखालील क्षेत्र उतिसंवर्धित रोपांखालीच असते. दर्जेदार उत्पादन व चांगले दर यामुळे उतिसंवर्धित केळी रोपांना शेतकरी पसंती देत आहेत. 
- प्रेमानंद महाजन, केळी उत्पादक, तांदलवाडी (ता. रावेर, जि. जळगाव)
जळगाव  ः जिल्ह्यात यंदा उतिसंवर्धित केळी रोपांची लागवड काहीशी वाढली असून यावल, रावेर या केळी उत्पादनात अग्रेसर असलेल्या भागासह जामनेर, पाचोरा व जळगावातही रोपांची लागवड वाढली आहे. दर्जेदार केळीचे उत्पादन व अधिक मिळणारे दर यामुळे उतिसंवर्धित केळी रोपांच्या लागवडीला शेतकरी प्राधान्य देत असल्याची माहिती मिळाली. 
 
आजघडीला कांदेबाग (ऑक्‍टोबर ते डिसेंबरदरम्यान लागवडीच्या बागा) व आगाप (जानेवारी, फेब्रुवारीत लागवडीच्या बागा) बागा मिळून सुमारे १६ ते १७ हजार हेक्‍टरवर उतिसंवर्धित रोपांद्वारे केळी लागवड झाल्याची माहिती आहे. आगाप केळी लागवडीसाठीही उतिसंवर्धित केळी रोपांचा वापर होत आहे. सध्या आगाप केळी लागवड जळगावसह जामनेर, मुक्ताईनगर, रावेर भागात सुरू आहे. आंबे बहार म्हणून या आगाप केळी लागवडीला ओळखले जाते.
 
तसेच पुढे कापूस लागवड कमी करून किंवा कापसाऐवजी केळी लागवड करण्याकडे शेतकऱ्यांचा कल आहे. केळीखाली यंदाही ४३ ते ४४ हजार हेक्‍टर क्षेत्र असणार आहे. यात रावेरात सर्वाधिक २० ते २१ हजार हेक्‍टर क्षेत्र असेल. त्यापाठोपाठ यावलमध्ये सुमारे आठ हजार हेक्‍टर, मुक्ताईनगरात साडेचार हजार हेक्‍टर, चोपड्यात तीन हजार हेक्‍टर, भडगाव व पाचोरा मिळून अडीच हजार हेक्‍टर जळगाव व जामनेर मिळून तीन हजार हेक्‍टरवर केळी लागवड होईल, अशी माहिती आहे.
 
अलीकडे तर मुबलक जलसाठा उपलब्ध असलेल्या भागात एप्रिल व मे या प्रचंड उष्णतेच्या काळातही शेतकरी केळी रोपे वाढवू लागले आहेत. त्यासाठी रोपानजीक धैंचा लागवडीचा आधार शेतकरी घेऊ लागले आहेत. 
उतिसंवर्धित केळी रोपे पुरवठादारांची संख्याही जिल्ह्यात वाढली आहे. कंद लागवडीसाठी प्रतिकंद चार रुपयांपर्यंत खर्च येऊ लागला आहे. उतिसंवर्धित रोपे लागवडीसाठी किमान नऊ रुपये व कमाल १२ ते १३ रुपये प्रतिरोप खर्च येत आहे़ पण उत्पादन कंदांच्या तुलनेत अधिक येत असल्याचे शेतकऱ्यांचे म्हणणे आहे. 
 
केळीची कंदांद्वारे लागवड महागडी व त्रासदायक होत असतानाच कंदाद्वारे उत्पादित केळीच्या घडांचा दर्जा व उत्पादन निर्यातक्षम मिळत नव्हता. अशातच जळगावच्या केळीऐवजी गुजरात व महाराष्ट्रातील इतर भागातील केळीला व्यापारी पसंती देऊ लागले होते. ही बाब लक्षात घेता जिल्ह्यातील तापी नदीकाठावरील केळी उत्पादकांनी केळीसंबंधी फ्रूट केअर तंत्रज्ञान आत्मसात केले.
 
उतिसंवर्धित केळी लागवडीसह स्कर्टिंग बॅग, एकात्मिक रोग व्यवस्थापन, फर्टिगेशन व ठिबक यावर शेतकऱ्यांनी भर दिला. रावेर, यावल, मुक्ताईनगर व चोपडा भागातील मोठ्या केळी उत्पादकांनी निर्यातक्षम केळी उत्पादन, बॉक्‍समध्ये पॅकिंग सुरू केली. आपसूकच केळीला उत्तरेकडील राज्यांमधून मागणी वाढली. सावदा येथून रोज सुमारे सहा ते साडेसहा हजार क्विंटल केळी बॉक्‍समध्ये पॅकिंग करून उत्तरेकडे पाठविली जाते. 

इतर ताज्या घडामोडी
पपई दरांचा नंदुरबारात पुन्हा तिढाशहादा, जि. नंदुरबार  : सध्या मंदी असल्याने...
पीकविमा भरपाई न मिळाल्यास तीव्र आंदोलन...अमरावती  ः जिल्ह्यात खरीप व रब्बी हंगामात...
गडचिरोली : 'आयसीएआर'ची काजू पीक...गडचिरोली  ः भात उत्पादक पूर्व विदर्भात...
ऐन फेब्रुवारीतच उन्हाळ्याच्या झळा पुणे : राज्यात कमाल तापमानात मोठी वाढ झाल्याने...
वनबंधू योजना सुरू करण्यासाठी केंद्राकडे...नाशिक : आदिवासी विभागाच्या वनबंधू योजनेअंतर्गत १४...
मराठवाड्यातील रेशीम प्रकल्पाला ग्रीन...औरंगाबाद : झपाट्याने विस्तारत असलेल्या रेशीम...
`गोवर-रुबेला'त सोलापूर जिल्ह्यात...सोलापूर : केंद्र शासनाच्या महत्त्वाकांक्षी ‘गोवर-...
सांगली जिल्ह्यात शेत, पाणंद रस्त्यांचे...लेंगरे, जि. सांगली : शेत आणि पाणंद रस्त्यांचे...
पाणीवाटप संस्थेद्वारे मिळणार ‘ताकारी’चे...सांगली : ताकारी उपसा सिंचन योजनेच्या लाभ...
मका संशोधन केंद्राचे भिजत घोंगडेऔरंगाबाद : कार्यकारी परिषदेच्या ठरावानंतर...
पोकरा योजनाही आता टार्गेट ओरिएंटेडअकोला ः बदललेल्या वातावरणामुळे शेतीवर विपरीत...
यात्रोत्सवानिमित्त आदिशक्ती मुक्ताईचा...मुक्ताईनगर/चांगदेव, जि. जळगाव ः कोथळी व मेहूण...
पुणे विभागात हरभरा पेरणी क्षेत्रात घटपुणे ः बदलत्या हवामानामुळे अनेक शेतकऱ्यांनी...
फडणवीस सरकारच्या पन्नास कोटी...मुंबई ः फडणवीस सरकारच्या काळातील ५० कोटी...
पाणीप्रश्‍नावर चळवळ उभी राहणे गरजेचे ः...औरंगाबाद : पाण्याची उपलब्धता करून घेण्यासोबतच...
बागायती पिके पाण्याअभावी वाळू लागलीढेबेवाडी, जि. सातारा : ऊस व गव्हासह अन्य बागायती...
परभणीत शेतकरी प्रश्‍नांवर भाजपचे धरणे...परभणी ः जिल्ह्यातील शेतकऱ्यांना सोयाबीनचा पीकविमा...
सुधारित पद्धतीने करा हळद काढणीहळद लागवडीच्या पद्धतीनुसार हळद काढणीची पद्धत...
थोरात, विखे कारखान्याची निवडणूक...नगर ः संगमनेरमधील सहकारमहर्षी भाऊसाहेब थोरात...
जाणून घ्या बेल वृक्षाचे महत्त्व..डोळ्याचे विकार, ताप, श्वसनमार्गाला सूज येणे आणि...