'जैश'च्या तळांवर भारतीय वायुसेनेचा जोरदार बॉम्बहल्ला

नवी दिल्ली : पाक व्याप्त काश्मिरमध्ये जैश-ए-मोहंम्मद या दहशतवादी संघटनेच्या कॅम्प्सवर भारतीय वायुसेनेकडून बॉम्बचा जोरदार हल्लाबोल करण्यात आला. सीमा रेषा ओलंडून बालाकोटा, चाकोटी, मुज्जफराबादमधील जैशचे कॅम्प उद्धवस्त केल्याची माहिती असून थोड्याच वेळेत संरक्षण विभागाची यासंदर्भातील पत्रकार परिषदेत सर्व माहिती समोर येत आहे.

दरम्यान, पंतप्रधान नरेंद्र मोदी यांच्या निवासस्थानी केंद्रीय कॅबिनेट संरक्षण समितीची तातडीची बैठक सुरु असून, यास संरक्षण मंत्री, गृहमंत्री आदी उपस्थित आहे. यावेळी सर्व परिस्थितीचा आढावा घेतला जात आहे. भारत-पाक सिमावर्ती भागांसह देशभरातील महत्वाच्या ठिकाणांवर हाय अलर्ट लागू करण्यात आला आहे. 

पुलवामा हल्ल्यानंतर १२ दिवसांनी भारतीय वायुसेनेचा १००० किलोच्या बॉम्बचा जोरदार हल्लाबोल. सीमा रेषा ओलंडून जैशचे कॅम्प केले उद्धवस्त. भारतीय वायुसेनेकडून १००० किलोच्या बॉम्बचा जोरदार हल्लाबोल केला.

पहाटे ३.३० वाजता १० भारतीय मिराज लढाऊ विमानांनी पाक व्याप्त काश्मिरमधील बालाकोटा, चाकोटी, मुज्जफराबादमधील जैशचे कॅम्प उद्धवस्त केल्याची माहिती.

१९७१ नंतर पहिल्यांदा भारतीय मिराज विमानांनी केली प्रत्यक्ष ताबा रेषा (एलओसी) पार केली. थोड्याच वेळेत भारतीय संरक्षण विभागाकडून पत्रकार परिषदेत या कारवाई संदर्भातील माहिती देण्यात येणार आहे.