बार्शीत ओला दुष्काळ मागणीसाठी भारतीय किसान सभेचे आंदोलन

सोलापूर : ओला दुष्काळ जाहीर करा, या मुख्य मागणीसह इतर मागण्यांसाठी अखिल भारतीय किसान सभा बार्शी तालुका कौन्सिलच्या वतीने तहसील कार्यालयासमोर आंदोलन करण्यात आले.
 Indian Kisan Sabha agitation for wet drought in Barshi
Indian Kisan Sabha agitation for wet drought in Barshi

सोलापूर : ओला दुष्काळ जाहीर करा, या मुख्य मागणीसह इतर मागण्यांसाठी अखिल भारतीय किसान सभा बार्शी तालुका कौन्सिलच्या वतीने तहसील कार्यालयासमोर आंदोलन करण्यात आले.

तानाजी ठोंबरे यांच्या मार्गदर्शनाखाली हे आंदोलन झाले. या आंदोलनात बार्शी तालुक्यात ओला दुष्काळ जाहीर करा, पिकांची, अवजारांची नुकसान भरपाई, सोयाबीन, तसेच इतर पिकांना प्रतिहेक्‍टरी ४५ हजार रुपये तातडीने मदत करा, घरांचे व शेतीचे वीज बिल पूर्ण माफ करा, रेशन धान्य मिळावे, ओढे-नाले फुटलेले आहेत, त्याची दुरुस्ती व्हावी, रस्ते महापुराने वाहून गेले आहेत, त्यांची दुरुस्ती व्हावी, श्रीपत पिंपरी येथील ओढ्यावरील पुलाची उंची वाढवावी, शेतकऱ्यांना २०१९-२० मधील दुष्काळ निधी द्या, बँकांकडून त्वरित कर्ज पुरवठा करण्याची मागणी करण्यात आली. 

पीक विमा मिळावा, पंचनाम्याचे घोडे नाचवत बसण्यापेक्षा सर्व शेतकऱ्यांची सरसकट मदत व्हावी, ज्या साखर कारखान्यांनी एफआरपीची रक्कम दिली नाही, ती त्वरित मिळावी, चालू गळीत हंगामातील उसाला पाच हजार रुपयांप्रमाणे प्रतिटन भाव मिळावा, अशा मागण्याही आंदोलकांनी केल्या.

आंदोलकांचे निवेदन तहसीलदारांनी स्वीकारले. या वेळी लक्ष्मण घाडगे, प्रवीण मस्तूद, बाळासाहेब जगदाळे, अनिरुद्ध नकाते, भारत भोसले, पवार, शिवाजी घाडगे, बालाजी ताकभाते, सुभाष पिंगळे, पवन आहिरे, शापीन बागवान, बालाजी शितोळे, हरिभाऊ घाडगे, दत्तात्रय जगदाळे, पैगंबर मुलाणी, तानाजी काकडे, रामेश्वर शिकेतोड आदी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com