agriculture news in Marathi Indian sugar has demand from Indonesia and Iran Maharashtra | Agrowon

इंडोनेशिया, इराणकडून साखरेला मागणी 

राजकुमार चौगुले
मंगळवार, 5 मे 2020

मे महिन्यात साखर उद्योगासाठी सकारात्मक गोष्टी घडू शकतात. साखर कारखान्यांनी जास्तीत जास्त निर्यात करावी यासाठी आम्ही कारखान्यांना निर्यात करण्याचे आवाहन करणारे पत्र पाठविले आहे. पत्रात निर्यात केल्यानंतर काय फायदे होवू शकतात याचे स्पष्टीकरण केले आहे. निर्यात न झाल्यास होणारे तोटेही कारखान्यांना आम्ही सांगितले आहेत. यामुळे आगामी काळात साखर निर्यात गती घेइल अशी शक्‍यता आहे. 
- प्रकाश नाईकनवरे, व्यवस्थापकीय संचालक, राष्ट्रीय सहकारी साखर कारखाना महासंघ

कोल्हापूर: गेल्या दोन महिन्यांपासून साखर निर्यातीबाबत निराशेच्या गर्तेत सापडलेल्या साखर उद्योगाला आता इंडोनेशिया आणि इराणने दिलासा दिला आहे. दोन्ही देशांत लॉकडाऊनमुळे साखरेची चणचण भासू लागली आहे. यामुळे या देशांनी भारतीय साखरेला पसंती दिली आहे. 

स्थानिक बाजारात उठाव नसला तरी निर्यातीला अनुकुल वातावरण निर्माण होत आहे. दोन्ही देशांकडून भारतीय साखरेला मोठी मागणी अपेक्षित आहे. त्या दृष्टीने हालचालीही सुरु झाल्या आहेत. ही बाब मरगळेल्या साखर उद्योगाच्या पथ्यावर पडणार आहे. दुसरीकडे बंदरावरील अडचणी दूर होत आहेतच पण पांढऱ्या साखरेचे दरही काही प्रमाणात वाढल्याने या सगळ्याचा एकत्रीत सकारात्मक परिणाम पावसाळ्यापूर्वी दिसून येण्याची शक्‍यता आहे. 

बंदरातून निर्यातीसाठी पोषक वातावरण 
मुंबई बंदर वगळता इतर बंदरातून मजूर उपलब्ध होवू लागल्याने साखर निर्यातीसाठी जहाजे उपलब्ध होत आहेत. मार्चचा उत्तरार्ध ते एप्रिलच्या शेवटच्या सप्ताहापर्यत निर्यातीसाठी असणारी प्रतिकुल परिस्थिती आता बदलत आहे. यामुळे साखर निर्यातीसाठीच्या हालचाली गतिमान झाल्या आहेत. रखडलेली साखरही निर्यातीच्या मार्गावर आहे. इंडोनेशिया व इराण मध्ये लॉकडाऊन मुळे साखरेची चणचण भासू लागली. याचा परिणाम तेथील देशातील साखर दर वाढण्यावर झाला. मागणी व पुरवठा नियंत्रित करण्यासाठी दोन्ही देश आयातीचे पर्याय शोधत आहेत. त्यांचा कल भारतीय साखरेकडे रहात असल्याने हे भारतीय साखरसाठी सुचिन्ह असल्याचे साखर उद्योगातील तज्ञांनी सांगितले. 

दरात वाढ 
एकीकडे निर्यातीसाठी सकारात्मक बाबी घडत असताना दरही समाधानकारक बनल्याने त्याचा फायदा कारखानदारांना होवू शकतो. सध्या पांढऱ्या साखरेला क्विंटलला २१०० ते २२०० रुपये दर मिळत आहे. यात केंद्राचे अनुदान गृहीत धरल्यास साखर कारखान्यांना साखरेची किमंत ३१०० रुपयापर्यंत मिळू शकते. यामुळे दराच्या पातळीवरही साखरेचा गोडवा काही अंशी का होईना वाढणार आहे. 

केंद्राकडून प्रयत्न 
केंद्रीय खाद्य व सार्वजनिक वितरण विभागाने १ मे ला एक अधिसुचना जारी केली आहे. साखर निर्यातीसाठी माहिती देण्याची मुदत २० जूनपर्यत वाढविली आहे. यापूर्वी ती ३१ मार्च इतकी होती. या अधिसूचनेमुळे कारखान्यांना जूनपर्यंत जास्तीत जास्त साखर निर्यात करता येवू शकेल असे साखर उद्योगातील तज्ज्ञांनी सांगितले. केंद्राने जे कारखाने या कालावधीत निर्यात करणार नाहीत. त्यांचा कोटा इतर कारखान्यांना देण्याचेही सूचित केले आहे. 

प्रतिक्रिया
केंद्राने जे कारखाने साखर निर्यात करणार नाही त्यांचा कोटा इतर कारखान्यांना देण्याच्या हालचाली सुरु केल्या आहेत. महाराष्ट्रातही अनेक कारखाने निर्यातीसाठी इच्छुक आहेत. त्यांचा कोटा संपल्याने ते जादा निर्यात करु शकत नाहीत. अशा कारखान्यांना महाराष्ट्रातीलच निर्यात न करणाऱ्या कारखान्यांचा कोटा दिल्यास राज्यातील साखर गतीने निर्यात होवू शकेल 
- अभिजित घोरपडे, साखर निर्यातदार कोल्हापूर 


इतर अॅग्रो विशेष
`बॅलन्स`अभावी शेतकऱ्याला दिलेला चेक...अकोला ः अवेळी पावसामुळे झालेल्या नुकसानाची भरपाई...
‘आपले सरकार’ पारदर्शकच हवेचालू खरीप हंगामासाठी पीकविमा भरण्याची अंतिम मुदत...
शेती म्हणजे रोजगार हमी योजना आहे का?खूप दिवसांनंतर एका कार्यकर्ता मित्राचा फोन आला....
मराठवाड्यात कपाशीची ८० टक्के पेरणीऔरंगाबाद :  सर्वसाधारण क्षेत्राच्या तुलनेत...
सोयाबीन बियाणेप्रकरणी ३० हजार तक्रारी ः...यवतमाळ : सोयाबीन बियाणे उगवणाबाबत मोठ्या प्रमाणात...
मुंबईसह उत्तर कोकणात जास्त, तर दक्षिणेत...पुणे : राज्याच्या विविध भागांत हलक्या ते...
क्रांती कारखान्याचा ऊस बेण्यासाठी ‘माझी...सांगली : शेतकऱ्यांना दर्जेदार ऊस बेणे मिळाले तरच...
विठ्ठल-रुक्मिणी मंदिर समितीला यंदा केवळ...पंढरपूर जि. सोलापूर ः आषाढी यात्रेला श्री विठ्ठल...
सांगोल्यात माडग्याळ मेंढ्याला लाखात बोलीसोलापूर ः  तांबूस, पांढरा ठिपक्याचा रंग,...
कोकण, विदर्भात पावसाची शक्यता पुणे : सौराष्ट्र आणि परिसरावर असलेले कमी दाबाचे...
राज्यात खरिपाची ६५ टक्के पेरणीपुणे : राज्यात २२ जिल्ह्यांमध्ये दमदार पाऊस झाला...
पाणलोट गैरव्यवहाराची चौकशी दडपलीपुणे : पाणलोट आणि मृद्संधारण कामांमध्ये कोट्यवधी...
बियाण्यांची समस्या गुणवत्तेशी निगडित...पुणे : राज्यातील शासकीयच नव्हे; तर खासगी...
'सन्मान निधी'चे २०९६ कोटी अडकलेसोलापूर : पंतप्रधान शेतकरी सन्मान निधी...
फिरत्या प्रक्रिया उद्योगाची राबवली...लोकांसाठी उपयुक्तता, गरज यांचा विचार करून वर्धा...
पोल्ट्रीसह खाद्यनिर्मितीतून व्यवसायात...परभणी येथील प्रकाशराव देशमुख यांनी केवळ शेती...
देशात यंदा कापूस लागवड वाढणारजळगाव ः देशात २०२०-२१च्या हंगामात कापसाचे उत्पादन...
खासगीकरणाच्या मार्गावर प्रश्‍नांचे धुके‘कोरोना’ग्रस्त भारत, गलितगात्र विरोधी पक्ष आणि...
ड्रॅगनचा विस्तारवादसी मावादावरून भारत आणि चीनचे लष्कर आमने सामने आले...
गोदामाअभावी मका खरेदी बंद चंद्रपूर ः गोंड पिंपरी तालुक्यातील भंगाराम...