Agriculture news in marathi Infestation of ‘Uzi’ fly in silk shed | Page 2 ||| Agrowon

रेशीम शेडमध्ये ‘उझी’ माशीचा प्रादुर्भाव 

टीम अॅग्रोवन
गुरुवार, 22 जुलै 2021

जालना जिल्ह्यातील काही गावांमधील रेशीम कोष उत्पादन शेडमध्ये ‘उझी’ माशीचा शिरकाव झाल्याने उत्पादकांची चिंता वाढली आहे.

जालना : जिल्ह्यातील काही गावांमधील रेशीम कोष उत्पादन शेडमध्ये ‘उझी’ माशीचा शिरकाव झाल्याने उत्पादकांची चिंता वाढली आहे.

जालना जिल्हा मराठवाड्यातील रेशीम कोष उत्पादक जिल्ह्यांपैकी प्रमुख जिल्हा आहे. जिल्ह्यात सुमारे ९७३ शेतकरी आपल्या ९८० एकरांवरील तुती लागवडीच्या माध्यमातून रेशीम कोष उत्पादन करतात. परंतु यंदा रेशीम कोष उत्पादनाची सुरुवात होत असतानाच उत्पादकांसमोर उझी माशीचे संकट उभे राहिले आहे. मराठवाड्यात एप्रिल-मे महिन्यांत उझी माशीचा प्रादुर्भाव दिसून आला होता.

या माशीचे जीवनचक्र खंडित करण्यासाठी शेतकऱ्यांना साधारणत: दोन महिने रेशीम कोष उत्पादन बंद ठेवण्याची सूचना रेशीम विभागाकडून करण्यात आली होती. या वेळी ‘ॲग्रोवन’नेही उझी माशीच्या प्रादुर्भावाबाबत रेशीम कोष उत्पादकांना सावध केले होते. परंतू आता पुन्हा जुलैमध्ये उझी माशीचा प्रादुर्भाव दिसून आल्याने कोष उत्पादकांच्या चिंतेत भर पडली आहे. 

शेवली, पानेवाडी, बाणेगाव आदी गावांमध्ये उझी माशीचा प्रादुर्भाव दिसून येत आहे. पानेवाडीतील रेशीम कोष उत्पादनाच्या दोन शेड उझी माशीच्या प्रादुर्भावामुळे बंद केल्या. या शेडमधील रेशीम कोष उत्पादन बंद केले असले तरी त्यामधून उझी माशीचा प्रसार इतरत्र झाला. ज्यांनी नियंत्रणासाठी उपाय योजना केली त्यांच्या शेडमध्ये कमी आणि ज्यांनी उपाय योजना केल्या नाहीत, त्यांच्या शेडमध्ये ४० ते ५० टक्क्‍यांपर्यंत नुकसान झाले असल्याची माहिती रेशीम कोष उत्पादक चांगदेव मोहिते यांनी दिली. 
 

‘उझी’ नियंत्रण शक्य 
साधारणत: १९८१-८२ पासून महाराष्‍‌ट्रात उझी माशीचा प्रादुर्भाव दिसून येत आहे.३६ ते ४४ दिवसांपर्यंत जीवनचक्र असलेली उझी माशी साधारणपणे ३०० अंडी घालते. वर्षभर उपाय न करता एकामागून एक रेशीम कोष उत्पादनाच्या बॅच घेतल्यामुळे उझी माशीची संख्यात्मक वाढ व प्रसार होतो. त्यामुळे एप्रिलमध्ये प्रादुर्भाव दिसताच नियंत्रणासाठी कोष उत्पादन दोन महिने थांबविण्याची सूचना केली होती. १० ते ३३ टक्‍क्‍यांपर्यंत नुकसान करू शकणाऱ्या उझी माशीचे भौतिक, रासायनिक व जैविक पद्धतीने नियंत्रण करता येते, अशी माहिती रेशीम विभागाच्या वतीने देण्यात आली. 

प्रतिक्रिया 

उझी माशीचा प्रादुर्भाव झाला आहे. त्यापासून नियंत्रण मिळविण्यासाठी मच्छरदाणीचा वापर, उझीनाशकाचा वापर आणि जैविक पद्धतीने नियंत्रणाचा प्रयत्न माझ्यासह सर्व शेतकरी करीत आहेत. 
- गजानन भाकड, पानेवाडी. जि. जालना 

प्रतिक्रिया 
पहिल्या बॅचचे नुकसान झाल्यानंतर दुसरी बॅच घेतली. त्यामध्ये थोडे बहुत उत्पन्न मिळाले. पण अलीकडे दीडशे अंडीपुंजाची तिसरी बॅच मोठ्या प्रमाणात उझी प्रादुर्भावग्रस्त झाल्याने पुढील बॅच न घेण्याचा निर्णय घेतला आहे. 
-आझम शेख, शेवली. ता. जि. जालना


इतर ताज्या घडामोडी
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...
एकरकमी ‘एफआरपी’साठी ‘मिस कॉल’ मोहीमकोल्हापूर : केंद्र सरकारने ‘एफआरपी’चे तुकडे...