ओखी चक्रीवादळाचा हाहाकार कायम

चेन्नई, तिरुवनंतपूरम ः ओखी चक्रीवादळ शनिवारी (ता. २) लक्षद्वीपला धडकले. या चक्रीवादळामुळे केरळ अाणि तमिळनाडूतील मृतांचा अाकडा १६ वर पोचला अाहे. या चक्रीवादळाची तीव्रता अधिक वाढल्याने दक्षिण भारतातील किनारी भागात दक्षतेचा इशारा देण्यात अाला अाहे.

सध्या हे चक्रीवादळ लक्षद्वीप अाणि अरबी समुद्राच्या दक्षिण पूर्व भागात घोंघावत अाहे. पुढील चोवीस तासांत या वादळाची तीव्रता वाढणार असून, ते पश्चिम- वायव्य दिशेकडे सरकण्याची शक्यता अाहे. या चक्रीवादळाची तीव्रता पुढील ४८ तास कायम राहील. यामुळे ताशी १५०-१६० किलोमीटर वेगाने वारे वाहू शकते, असा इशारा भारतीय हवामान विभागाने दिला अाहे.

या चक्रीवादळामुळे पुढील चोवीस तासांत लक्षद्वीपच्या उत्तरेकडील काही भागांत मुसळधार, तर काही भागात अतिवृष्टी (२० सेंटिमीटरपर्यंत) होणार असल्याचा इशारा देण्यात अाला अाहे. केरळमधील काही भागांत जोरदार पावसाची शक्यता अाहे. पुढील चोवीस तासांत केरळ तसेच कर्नाटक हद्दीतील समुद्र खवळण्याची शक्यता अाहे.

या चक्रीवादळामुळे पडझड होऊन नुकसान होणार असल्याची शक्यता व्यक्त करण्यात अाली अाहे. लक्षद्वीप, केरळ अाणि कर्नाटकमधील मच्छीमारांनी पुढील ४८ तासांत समुद्रात जाऊ नये, अशी सूचना हवामान विभागाने दिली अाहे. २१८ मच्छीमारांना वाचविले ओखी चक्रावादळाच्या प्रभावामुळे केरळ, लक्षद्वीप किनारपट्टी भागात जोरदार पाऊस पडत अाहे. या ठिकाणी जोरदार वारे वाहत असून, मोठ्या प्रमाणात पडझड झाली अाहे. नारळाची झाडे मोठ्या प्रमाणात कोसळली अाहेत. तसेच संपर्क सेवा ठप्प झाली अाहे.

जोरदार पावसामुळे पाणीपातळी वाढल्याने लक्षद्वीपमधील कलपेनी बेट भागातील पाच बोटींचे नुकसान झाले. दरम्यान, समुद्रात अडकून पडलेल्या २१८ मच्छीमारांना नौदल, हवाई दल अाणि तटरक्षक दलाच्या जवानांच्या मदतीने सुरक्षित किनाऱ्यावर अाणण्यात अाले अाहे. पंतप्रधानांनी तमिळनाडूला दिले मदतीचे अाश्वासन पंतप्रधान नरेंद्र मोदी यांनी तमिळनाडूचे मुख्यमंत्री ई. पलानीस्वामी यांच्याशी फोनवरून चक्रीवादळाने नुकसान झालेल्या स्थितीची माहिती घेतली अाहे. तमिळनाडूला सर्वोत्तोपरी मदतीचे आश्वासन पंतप्रधान मोदी यांनी दिले आहे. तिरुनेलवेली या भागात मोठ्या प्रमाणात पाऊस पडत आहे. त्यामुळे या भागात जनजीवन विस्कळित झाले आहे. करुपंथुराई-मेलापल्याम या लिंकरोडवर मोठ्या प्रमाणात पाणी साचल्याने वाहतुकीला अडथळा निर्माण झाला आहे.