agriculture news in Marathi, information about cost of rural development works now available on one click, Maharashtra | Agrowon

ग्रामविकासावर खर्च झालेल्या निधीची माहिती एका क्लिकवर

टीम अॅग्रोवन
रविवार, 21 जुलै 2019

मुंबई: आपल्या ग्रामपंचायतीला गावातील विकासकामांसाठी वर्षभरात राज्य-केंद्र सरकारच्या विविध योजनांमधून किती निधी मिळाला आणि तो गाव विकासाच्या कोणत्या कामांवर किती खर्च झाला याची सविस्तर माहिती आता एका क्लिकवर उपलब्ध आहे. केंद्र सरकारच्या पंचायत राज विभागाने या संदर्भातील संकेतस्थळ विकसित केले आहे. या संकतेस्थळावर देशातील कोणत्याही राज्यातील कोणत्याही गावाला मिळालेल्या निधीची आणि खर्चाची इत्यंभूत माहिती उपलब्ध आहे. या माध्यमातून ग्रामपंचायतींचा कारभार अधिक पारदर्शक करण्याचा प्रयत्न असल्याचे सांगण्यात आले. 

मुंबई: आपल्या ग्रामपंचायतीला गावातील विकासकामांसाठी वर्षभरात राज्य-केंद्र सरकारच्या विविध योजनांमधून किती निधी मिळाला आणि तो गाव विकासाच्या कोणत्या कामांवर किती खर्च झाला याची सविस्तर माहिती आता एका क्लिकवर उपलब्ध आहे. केंद्र सरकारच्या पंचायत राज विभागाने या संदर्भातील संकेतस्थळ विकसित केले आहे. या संकतेस्थळावर देशातील कोणत्याही राज्यातील कोणत्याही गावाला मिळालेल्या निधीची आणि खर्चाची इत्यंभूत माहिती उपलब्ध आहे. या माध्यमातून ग्रामपंचायतींचा कारभार अधिक पारदर्शक करण्याचा प्रयत्न असल्याचे सांगण्यात आले. 

सध्या ग्रामपंचायतींना गावच्या विकासकामांसाठी केंद्र शासनाच्या चौदावा वित्त आयोगातून मोठ्या प्रमाणावर निधी मिळत आहे. तसेच राज्य सरकारच्या विविध विकास योजनांमधूनही भरपूर निधी उपलब्ध होत आहे. या निधीचा वापर गावच्या योग्य आणि मूलभूत विकास कामांसाठी होतो की नाही हा मुद्दा नेहमीच चर्चेचा आणि वादाचा असतो. या पार्श्वभूमीवर केंद्र सरकारच्या पंचायत राज विभागाने एक संकेतस्थळ विकसित केले आहे. 

http://www.planningonline.gov.in असा या संकेतस्थळाचा पत्ता आहे. यावर देशातील प्रत्येक राज्य, राज्यांमधील जिल्हे आणि गावे यांची वर्षभरातील वित्तीय माहिती देण्यात आली आहे. तसेच, ही माहिती वर्षनिहाय देण्यात आली आहे. सुरवातीला वर्ष, राज्य निवडावे, त्यानंतर जिल्हा आणि स्वतःचे गाव निवडले की ही विकासकामांवर किती निधी खर्च झाला याची माहिती काही क्षणात नजरेपुढे येते.

या निधीचा स्रोत काय आहे, केंद्र अथवा राज्य सरकारकडून मिळाला की ग्रामपंचायतीने स्वतःच्या तिजोरीतून खर्च केला याची ही माहिती देण्यात आली आहे. संबंधित कामाचे स्वरूप काय होते, त्याला ग्रामसभेची शिफारस आहे काय तसेच ग्रामपंचायतीने मान्यता दिलेली आहे काय याचीही माहिती इथे उपलब्ध आहे. संबंधित काम कुणामार्फत करून घेण्यात आले याचे तपशील संकेतस्थळावर उपलब्ध आहेत.

ग्रामपंचायतीमार्फत वर्षभरात जितकी काय विकासकामे केली जातात, त्यावर झालेल्या खर्चाची सविस्तर माहिती या संकेतस्थळावर देण्यात आली आहे. 

अनेकदा गावपातळीवर गटातटाच्या राजकारणातून सत्ताधारी स्वतःच्या वॉर्डात विकासकामांवर जोर देतात. विरोधकांच्या वॉर्डात विकासकामांसाठी निधी दिला जात नाही किंवा अत्यल्प दिला जातो. तसेच, निधी खर्चाची माहिती देण्यातही टाळाटाळ केली जाते. विकासकामांच्या नावाखाली अनेकदा निधीमध्ये गैरव्यवहारसुद्धा होण्याची शक्यता असते. मात्र, या नव्या संकेतस्थळामुळे गावातील प्रत्येक नागरिक एका क्लिकवर गावात झालेल्या विकासकामांवरचा खर्च अगदी एका क्षणात पाहू शकतो. त्यामुळे गावच्या कारभारात पारदर्शकता येण्यासोबतच नागरिकांमध्ये जनजागृती होण्यासही मदत होणार आहे.

 


इतर अॅग्रो विशेष
‘पोकरा’मध्ये अखेर जबाबदाऱ्यांचे विभाजनअकोला ः पोकरा प्रकल्पाच्या अंमलबजावणीत कृषी...
कृत्रिम रेतन नियंत्रण कायदा कधी? पुणे: पशुधनाच्या आरोग्याला घातक असलेली सध्याची...
किमान तापमानात होतेय घटपुणे : गेल्या काही दिवसांपासून गायब झालेली थंडी...
सात-बारा कोरा करण्याची सुबुद्धी सरकारला...पंढरपूर, जि. सोलापूर: विधानसभा...
सरकारी पीकविमा कंपनी हवी : शेतकरी...नागपूर ः खासगी कंपन्या तयार नसतील तर केंद्राने...
साखर कारखान्यांना लवकरच ‘पॅकेज’मुंबई ः राज्यातील आजारी सहकारी साखर कारखान्यांना...
कमी दरात तूर घेऊन विकली हमीभावाने; दोन...यवतमाळ ः गेल्या हंगामात शेतकऱ्यांकडून कमी दरात...
सेंद्रिय भाजीपाल्याला तयार केले ‘...झुलपेवाडी (जि. कोल्हापूर) येथील चिकोत्रा सेंद्रिय...
शेतकरीहितालाच हवे सर्वोच्च प्राधान्यसहकार क्षेत्रात पूर्वीपासूनच काँग्रेस,...
सोशल मीडिया आणि बॅंकिंग जगात आज कोट्यवधी लोक संवाद करणे आणि माहिती...
बीड जिल्ह्यातील चिंचवडगावमध्ये...बीड: थंड प्रदेशात घेतले जाणारे स्ट्रॉबेरीचे...
राज्यातील ५०० कार्यालयांत शेतकरी...मुंबई : शेतकरी बांधवांना अडचणी मांडण्यासाठी,...
ढगाळ हवामानामुळे गारठा कमीचपुणे : उत्तरेकडील थंड वाऱ्यांचा अभाव, ढगाळ...
राज्य खत समितीचा ‘रिमोट’ कोणाकडे?पुणे : शेतकऱ्यांची फसवणूक टाळण्यासाठी ‘...
महारेशीम अभियानांतर्गत पाच हजार एकरची...औरंगाबाद: रेशीम विभागाच्यावतीने राबविल्या जात...
शेतकरी आत्महत्या थांबविण्यासाठी सामूहिक...नाशिक : देशातील कृषी व ऋषी संस्कृतीमध्ये काळ्या...
हार्वेस्टर मालकांकडून ऊस उत्पादकांची...सोलापूर ः ऊसतोडणीसाठी शेतकरी हार्वेस्टर मशिनला...
कुऱ्हा गावाने तयार केली भाजीपाला पिकांत...अमरावती जिल्ह्यातील वरुड, मोर्शी हे तालुके संत्रा...
बदनापूर येथे कडधान्य पिकांचे आदर्श ‘...वसंतराव नाईक मराठवाडा कृषी विद्यापीठांतर्गत...
बोराच्या दोनशे झाडांची उत्कृष्ट बागढवळपुरी (जि. नगर) येथील सुखदेव कचरू चितळकर यांनी...