agriculture news in marathi, information not available of horticultural crops damage, nagar, maharashtra | Agrowon

दुष्काळामुळे जळालेल्या फळबागांची माहितीच उपलब्ध नाही !
सुर्यकांत नेटके
बुधवार, 12 जून 2019

नगर जिल्ह्यातील शेतकऱ्यांनी फळबागांच्या माध्यमातून सावरण्याचा प्रयत्न केला आहे. यंदा मात्र दुष्काळाने फळबाग उत्पादक शेतकरी उद्‌ध्वस्त झाला आहे. फळबागा वाचवण्यासाठी प्रशासकीय व सरकारी पातळीवर प्रयत्न व्हायला पाहिजे होते. मात्र तसे झाले नाही. नुकसानीची माहिती कृषी विभागाकडे नसणे तशी गंभीर बाब आहे.
- साईनाथ घोरपडे, शेतकरी, भोसे, ता. पाथर्डी, जि.नगर.
 

नगर ः जिल्ह्यात गंभीर दुष्काळाचा फळबागांना मोठा फटका बसला. अनेक बागा केवळ पाण्याअभावी जळून गेल्या. मात्र यंदा नेमक्या किती हेक्टर क्षेत्रावर नुकसान झाले याची ठोस माहिती ना कृषी विभागाकडे आहे ना जिल्हा प्रशासनाकडे. फळबागांच्या नुकसानीची माहिती ठेवणे हे आमचे काम नाही कृषी विभागाचे आहे, असे सांगून प्रशासन हात झटकते, तर पंचनामे आम्ही केले नाहीत, त्यामुळे आमच्याकडे अहवाल आले नाहीत, असे सांगून चक्क कृषी विभागही जबाबदारी झटकत असल्याची बाब पुढे आली आहे. त्यामुळे दुष्काळाने होरपळलेल्या फलोत्पादक शेतकऱ्यांची कृषी विभागाने फारशी दखल घेतली नसल्याचे दिसत आहे. मात्र मिळालेल्या माहितीनुसार पंचवीस ते तीस हजार हेक्टरच्या जवळपास फळबागा वाया गेल्या आहेत. 

नगर जिल्ह्यात पारनेर, नगर, पाथर्डी भागांत संत्रा, मोसंबी, श्रीगोंदा, कर्जत भागात लिंबू, श्रीरामपूर, अकोले, संगमनेर, राहाता, राहुरी, शेवगाव भागात डाळिंब, सीताफळाचे क्षेत्र अधिक आहे. पाऊस नसल्याने यंदा पाणी उपलब्ध नाही. अनेक भागांत दिवाळीपासून म्हणजे तब्बल सहा महिन्यांपासून फळबागा जगवण्यासाठी विकतचे पाणी घालत आहेत. फळबागा जळाल्या, ज्या उरल्या त्यांना वाचवण्यासाठी सरकारने मदत करावी अशी मागणी अजूनही सुरूच आहे. अनेक वर्षांपासून जोपासलेल्या बागा जळू नयेत, यासाठी बहार धरण्याऐवजी केवळ बागा जगवण्यावर भर दिला. मात्र तरीही अनेक शेतकऱ्यांच्या बागा जागेवर जळाल्या. त्याची मात्र सरकार अथवा कृषी विभागाने फारशी दखल घेतली नसल्याचे दिसून आले आहे.

गेल्या सहा महिन्यांच्या काळात किती हेक्टर क्षेत्रावरील फळबागा जळाल्या याची माहिती घेण्याचा प्रयत्न केला असता, कृषी विभाग अथवा महसूल विभागाकडे माहिती नसल्याचे दिसून आले आहे. नुकसानीची नोंद ठेवण्याची जबाबदारी तशी कृषी विभागाची आहे. मात्र भर दुष्काळात येथील कृषी विभागाचा कारभार म्हणजे ‘आंधळं दळतंय अन कुत्रं पीठ खातंय’ असाच असल्याचे स्पष्ट झाले आहे. महसूल प्रशासनाने पंचनामे केले, त्यामुळे आमच्याकडे नुकसानीचा आकडा नाही, महसूल प्रशासनाकडे आहे, असे कृषी विभागातून सांगितले जाते. ‘फळबागांच्या नुकसानीची आकडेवारी ठेवण्याची जबाबदारी आमची नाही’ असे महसूल प्रशासन सांगत आहे. 

नगर जिल्ह्यातील  फळबागांचे क्षेत्र (हेक्टर)
आंबा २३,९३० (कलमे व रोपे)
काजू ५४८
नारळ   १०९३
चिकू १२०५१
संत्रा १४९८
मोसंबी ३८०३
पेरू  ५२२४
डाळिंब  ११९३७
बोर  ६३१६
सीताफळ ६३५१
चिंच  ५०५०
अंजीर  ३८८
कागदी लिंबू ७६५९
जांभूळ ४९

 

इतर बातम्या
‘एफएमओ’चा सह्याद्री फार्म्सला १२०...नाशिक : शेतकरी उत्पादक कंपन्यांनी स्वतःच्या...
मानधनवाढीसाठी आशा कर्मचाऱ्यांचे मूक...नाशिक : आशा व गटप्रवर्तकांचे मानधन तिप्पट...
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
लष्करी अळीच्या नुकसानीचे पंचनामे का...औरंगाबाद : ‘‘शेती तोट्यात गेली, गावचं अर्थकारण...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...
मोकाट जनावरांकडून पिकांचे नुकसान विंग, जि. सातारा ः अतिवृष्टीने खरीप धोक्‍यात...
जायकवाडी धरणातून पाण्याचा विसर्गजायकवाडी, जि. औरंगाबाद : जायकवाडी धरणामधून...
थकबाकीदार सूतगिरणीच्या संचालकांवर राज्य...मुंबई: कोट्यवधींचे कर्ज थकवल्याप्रकरणी राज्य...
रेशीम विभागाचा सुधारित आकृतीबंध...जालना: झपाट्याने वाढत असलेल्या रेशीम उद्योग व...
अमेरिकन लष्करी अळीकडून ४० टक्के मका फस्तपुणे: राज्यात मका पिकावर अमेरिकन लष्करी अळीचे...
लष्करी अळी आटोक्यात: कृषी विभागपुणे : राज्यात दोन लाख ६७ हजार हेक्टर क्षेत्रातील...
अनुदान अर्जांच्या पूर्वसंमतीची पद्धत...पुणे : राज्यातील शेतकऱ्यांची गैरसोय टाळण्यासाठी...