agriculture news in Marathi inquiry of irrigation fraud on fast track Maharashtra | Agrowon

‘सूक्ष्म सिंचन’प्रकरणी चौकशी युद्धपातळीवर

टीम अॅग्रोवन
शुक्रवार, 27 नोव्हेंबर 2020

जालना जिल्ह्यात सूक्ष्म सिंचन योजनेच्या अनुदान लाभप्रकरणी चौकशी युद्धपातळीवर सुरू आहे. जालना पाठोपाठ आता औरंगाबाद जिल्ह्यातही चौकशीचे आदेश देण्यात आले आहेत.

औरंगाबाद/जालना : जालना जिल्ह्यात सूक्ष्म सिंचन योजनेच्या अनुदान लाभप्रकरणी चौकशी युद्धपातळीवर सुरू आहे. जालना पाठोपाठ आता औरंगाबाद जिल्ह्यातही चौकशीचे आदेश देण्यात आले आहेत. लवकरच बीड जिल्ह्यातही चौकशी केली जाईल, असे विभागीय कृषी सहसंचालक डॉ. डी. एल. जाधव यांनी सांगितले. याप्रकणी जालना जिल्ह्यातील एका कर्मचाऱ्यावर निलंबनाची कारवाई करण्यात आल्याचे डॉ. जाधव म्हणाले.

जालना जिल्ह्यातील सूक्ष्म सिंचन, तुषार सिंचन अनुदान लाभाविषयीच्या तक्रारीची कृषिमंत्री दादा भुसे यांनी गंभीर दखल घेतली होती. स्वतः शुक्रवारी (ता २०) जालना येथील जिल्हा कृषी अधीक्षक यांचे कार्यालय गाठत संपूर्ण प्रकरण जाणून घेतले. त्यांनी केलेल्या शहानिशेत बनावट सातबारा तयार करणे, एकाच लाभार्थ्याला दोन योजनेचा लाभ देणे, निकृष्ट साहित्य पुरविणे आदी गंभीर बाबी समोर आल्याचे श्री. भुसे यांनी घेतलेल्या पत्रकार परिषदेत स्पष्ट केले. त्यामुळे एकच खळबळ उडाली होती. कृषी विभागाचे सचिव व आयुक्त यांच्याशी संपर्क करून याप्रकरणी तातडीने दखल घेण्याचे निर्देशही कृषिमंत्र्यांनी दिले होते. 

‘‘यापैकी काही प्रकरणांत प्राथमिक चौकशी झाली, नोटिसाही काढल्या गेल्या. नव्याने समोर आलेल्या आणखी काही प्रकरणांची सचिव आणि आयुक्त चौकशी समिती नेमून ठरावीक काळामध्ये चौकशी पूर्ण करतील. अहवालानंतर संबंधितांवर कठोर कारवाई करण्यात येईल,’’ असेही श्री भुसे यांनी स्पष्ट केले होते.

सद्यःस्थितीत जालना जिल्ह्यात ५ कंपन्यांच्या ८ डीलरमार्फत १२३३ प्रस्तावांची ६ अधिकाऱ्यांमार्फत चौकशी सुरू करण्यात येत आहे. जसजशी चौकशीत माहिती मिळेल, तशी पुढील कारवाई केली जाणार असल्याचे जालना कृषी विभागाच्या वरिष्ठ सूत्रांनी सांगितले.

जालन्यात एक अधिकारी निलंबित
जालना जिल्ह्यातील भोकरदन तालुक्यातील हसनाबाद मंडळांतर्गत कार्यरत कृषी पर्यवेक्षक दिलीप तराळ यांच्यावर २३ नोव्हेंबरला निलंबनाची कारवाई करण्यात आली आहे. वरिष्ठांच्या सूचनांची अवहेलना व कर्तव्यात कसूर केल्याचा ठपका त्यांच्यावर ठेवण्यात आला आहे. जालना पाठोपाठ आता औरंगाबाद जिल्ह्यातही पथकामार्फत सूक्ष्म सिंचनात काही गैरप्रकार झाला का, याची चौकशी केली जाणार असल्याचे डॉ. जाधव म्हणाले. त्यामुळे आता चौकशी सत्रातून काय पुढे येते व कुणा कुणावर कारवाई होते याकडे सर्वांचे लक्ष लागले आहे.
 


इतर अॅग्रो विशेष
कृषी कायद्यांना एकसंध विरोध; मुंबईत...मुंबई : दिल्लीतील शेतकरी आंदोलनाला पाठिंबा,...
रिक्त पदे तत्काळ भरारिक्त पदांमुळे कृषी विभागाच्या कामांचा बोजवारा...
आरोग्यमय जीवनासाठी फळे-भाज्यांचे सेवन...संयुक्त राष्ट्र संघाच्या जनरल असेंब्लीच्या ७४...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...
शेतकरी पुत्राने बनवले वाहन ऊस भरणी यंत्रसातारा : सध्या ऊस हंगामातील सर्वात मोठी समस्या...
मध्य महाराष्ट्रात थंडी; निफाडला नीचांकी...पुणे : राज्यातील किमान तापमानात चढउतार होत आहे....
गे माय भू तुझे मी फेडीन पांग सारेऔरंगाबाद जिल्ह्यातील नाचनवेल-कोपरवेल व आडगाव (...
तेरी मिट्टी मे मिल जावा, गुल बनके मैं...लासूर (ता. चोपडा, जि. जळगाव) येथील निवृत्त सैनिक...
जवानांनंतर शेतकऱ्यांचे ‘संचलन’ नवी दिल्ली : प्रजासत्ताक दिनी ट्रॅक्टर...
लाल वादळ मुंबईत धडकले नाशिक : दिल्ली येथे सुरू असलेल्या ऐतिहासिक शेतकरी...
शेतीपंप वीजबिले तपासली जाणार; चुकीची...कोल्हापूर : ‘‘राज्य सरकारने कृषिपंप वीजजोडणी धोरण...
राज्यात एफआरपीचे ७७ टक्के वितरणपुणे : साखर कारखान्यांकडे लक्षावधी टन साखर पडून...
पूर्व विदर्भात गुरुवारी पावसाची शक्यतापुणे : मराठवाडा ते बिहार या दरम्यान कमी दाबाचा...
देशातील साखर उत्पादन ‘सुसाट’; १४२ लाख...कोल्हापूर : यंदाच्या हंगामातील साखर उत्पादनाने...
पशुसंवर्धन विभागात ३० टक्‍के पदे रिक्‍तनागपूर : पशुवैद्यकीय दवाखान्यांच्या दुर्दशेसोबतच...
दिल्लीतील ट्रॅक्‍टर परेडला हिरवा कंदील...नवी दिल्ली : तीन कृषी कायद्यांच्या विरोधात गेले...
बारामतीत अवतरले ‘अॅग्रोवन मार्ट’बारामती, जि. पुणे : शेतकऱ्यांच्या सर्व गरजांची...
औरंगाबादेत होणार अंडीपुंजनिर्मिती केंद्रऔरंगाबाद : रेशीम शेती व उद्योगाला चालना...
गोंदियात किमान तापमान १० अंशांवरपुणे : उत्तर भारतातील राजस्थान, पंजाब उत्तर...
शेतकऱ्यांच्या २६ च्या ‘ट्रॅक्टर परेड’...नवी दिल्ली : केंद्र सरकारच्या कृषी...