शिरपूर जैन (जिल्हा वाशीम) : मागील दोन-तीन दिवसांपासून शिरपूर व परिसरात ढगाळ वातावरण निर्माण झाले आहे. त्यामुळे तुरीवर किडींचा प्रादुर्भाव होत आहे. धुके पडत असल्याने तुरीचे फूल करपून गळत आहे. त्यामुळे तुरीच्या पिकाचे उत्पादन घटण्याची शक्यता निर्माण झाली आहे. शिरपूर व परिसरात दोन तीन दिवसांत ढगाळ वातावरण निर्माण झाले. दरम्यान, परिसरात काही प्रमाणात पाऊस ही पडला आहे. त्यातच सकाळी धुके पडत असल्याने तुरीवर परिणाम होण्याची शक्यता वाढली आहे. तुरीबरोबरच हळद व फळबाग पिकावर ही किडींचा प्रादुर्भाव होण्याची शक्यता निर्माण झाली आहे. या वातावरणाचा फटका पिकांना बसला तर निश्चितच एकूणच पिकांचे उत्पन्न घटणार आहे.
आधीच खरिपातील सोयाबीन पिकाचे अति पावसामुळे झालेले नुकसान शेतकऱ्यांना फटका देणारे ठरले. त्यात तूर, हळद, फळबाग या पिकावर किडींचा प्रादुर्भाव वाढला तर शेतकऱ्यांना मोठ्या नुकसानीचा सामना करावा लागेल. ढगाळ वातावरणामुळे तुरीवर शेंगा पोखरणारी अळी, पिसारी पतंग या किडींचा प्रादुर्भाव होत आहे. शेतकऱ्यांची चिंता अजूनच वाढली आहे. आधीच संकटात असलेल्या शेतकऱ्यांच्या खिशाला अजून कात्री लागण्याची चिन्हे दिसत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.