कीटकनाशक उत्पादनात आता जपानची मदत

कीटकनाशक उत्पादनात आता जपानची मदत

नागपूर : देशात अनेक प्रकारची प्रभावी कीटकनाशके तसेच त्याकरीता लागणारी रसायने आयात करावी लागतात. परंतु लवकरच जपानच्या मदतीने भारतातच हे काम होणार असून त्याकरीता १०० कोटी रुपयांची तदतूद पहिल्या टप्प्यात करण्यात आल्याची माहिती क्रॉप केअर फेडरेशन ऑफ इंडियाचे उपाध्यक्ष तसेच इन्सेक्‍टीसाइडस इंडिया लिमिटेडचे व्यवस्थापकीय संचालक राजेश अगरवाल यांनी दिली.

देशांतर्गत कीटकनाशकाचा व्यवसाय ३५ हजार कोटी रुपयांचा आहे. त्यामध्ये १७ हजार कोटी रुपयांच्या निर्यात व्यवसायाचा तर तितक्‍याच देशाअंतर्गंत व्यवसायाचा समावेश असल्याचे राजेश अगरवाल यांनी सांगीतले. देशात कीटकनाशकांच्या फॉम्युर्लेशनसाठी काही रसायने आयात करावी लागतात. या कारणामुळे कीटकनाशकांच्या किमती वाढतात. त्यामुळे अशा प्रकारच्या रसायनांचे फॉम्युर्लेशन भारतातच व्हावे याकरीता प्रयत्न केला जात आहे. त्याकरीता जपानचे सहकार्य घेतले जात असून, सुमारे १०० कोटी रुपयांची तरतूद याकरीता करण्यात आली आहे.

‘तो‘ आरोप चुकीचा देशात कीटकनाशकांचा वापर वाढल्यामुळे पर्यावरणाला धोका निर्माण झाल्याचा आरोप काही स्वयंसेवी करतात. परंतु अशा संस्थांना या कामासाठी विदेशी निधी कसा आणि कोणत्या निकषावर मिळतो याची पडताळणी होण्याची गरज त्यांनी मांडली. त्यासोबतच देशात कीटकनाशकांचा वापर वाढला, असे म्हणणेदेखील संयुक्तिक नाही, कारण आपल्यापेक्षा चीनमध्ये कीटकनाशकांचा वापर जास्त होतो. पिकाच्या संरक्षणाकरीता अशा उपाययोजना गरजेच्या ठरतात. हरितक्रांतीमध्ये पीक संरक्षकांचादेखील आपला वाटा आहेच.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com