कृषी उद्योगांना नव्या उद्योग धोरणात प्रोत्साहन

कृषी उद्योगांना नव्या उद्योग धोरणात प्रोत्साहन
कृषी उद्योगांना नव्या उद्योग धोरणात प्रोत्साहन

मुंबई: पुढील पाच वर्षांत १० लाख कोटी रुपयांची गुंतवणूक आणि ४० लाख रोजगारनिर्मितीचे ध्येय असलेले राज्याचे नवे औद्योगिक धोरण मंगळवारी जाहीर करण्यात आले. नव्या धोरणात ग्रामीण अर्थव्यवस्था मजबूत करण्यासाठी कृषी आधारित उद्योगांना प्रोत्साहन देण्यात आले आहे. तसेच उद्योगांच्या विकेंद्रीकरणासाठी औद्योगिकदृष्ट्या अविकसित असलेल्या विदर्भ, मराठवाडा तसेच नक्षलग्रस्त भागासाठी विशेष प्रोत्साहन देण्यात आली आहेत. याशिवाय एमआयडीसीच्या क्षेत्रात लघु उद्योजक, महिला, अनुसूचित जाती आणि जमातीच्या उद्योजकांना प्राधान्य देण्यात आले आहे.  राज्यात जास्तीत जास्त गुंतवणूक होऊन रोजगारनिर्मितीला चालना मिळावी म्हणून मोठ्या आणि विशाल प्रकल्पांना प्रोत्साहन देण्यात आले आहे. त्यासाठी स्थानिकांना रोजगार देणे सर्व उद्योगांना बंधनकारक केले आहे. औद्योगिक क्षेत्रात मनुष्यबळाची उत्पादकता वाढविण्यासाठी ''वॉक टू वर्क'' संकल्पनेवर भर देण्यात आला आहे. पाच किलोमीटर परिसराच्या आत रहिवाशी इमारती उभारण्यासाठी अतिरिक्त चटईक्षेत्र निर्देशांक लागू करण्यात येणार आहे.  प्रदूषणरहित प्रकल्पाच्या रहिवाशी क्षेत्रात सिनेमा थिएटर, मल्टीप्लेक्स, रुग्णालय, शाळा, प्रशिक्षण संस्था आदी उपक्रमांना परवानगी मिळणार आहे. येत्या १ एप्रिलपासून लागू होणारे हे धोरण पुढील पाच वर्षांच्या कालावधी लागू असणार आहे. धोरणात ग्रामीण अर्थव्यवस्था मजबूत करण्यासाठी कृषी आधारित उद्योगांना प्रोत्साहन देण्यात आले आहे. औद्योगिक विकासातील प्रादेशिक असमतोल दूर करण्यासाठी रत्नागिरी, सिंधुदुर्ग, धुळे जिल्ह्यांसह विदर्भ, मराठवाडा, विनाउद्योग जिल्हे, नक्षलग्रस्त भाग येथील उद्योगांना अतिरिक्त प्रोत्साहन देण्यात येणार आहे. 

मुख्यमंत्री रोजगारनिर्मिती कार्यक्रम महाराष्ट्रातील स्थानिक तरुणांना स्वयंरोजगार उपलब्ध करून देण्यासाठी मोठ्या प्रमाणावर मुख्यमंत्री रोजगारनिर्मिती कार्यक्रम सुरू करण्यात येणार आहे. या कार्यक्रमांतर्गत १८ ते ४५ वयोगटांतील पात्र व्यक्तींना स्वयंरोजगारासाठी प्रशिक्षित करून प्रोत्साहन देण्यात येईल. यासाठी बँकेच्या माध्यमातून वित्तपुरवठा उपलब्ध करून देताना राज्य सरकारकडून भागभांडवल पुरवठा करण्यात येणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com