Agriculture news in marathi Instructions of Marketing Directorate Strictly implement | Agrowon

पणन संचालनालयाच्या सूचनांची काटेकोरपणे अंमलबजावणी करा

टीम अॅग्रोवन
शुक्रवार, 9 एप्रिल 2021

पणन संचालनालयाने परिपत्रक काढून सलग तीन दिवस किंवा त्यापेक्षा जास्त कालावधीसाठी बाजार समित्यांमध्ये शेतमाल खरेदी-विक्रीचे व्यवहार बंद ठेवता येणार नाही अशी तंबी दिली आहे.

नाशिक : पणन संचालनालयाने परिपत्रक काढून सलग तीन दिवस किंवा त्यापेक्षा जास्त कालावधीसाठी बाजार समित्यांमध्ये शेतमाल खरेदी-विक्रीचे व्यवहार बंद ठेवता येणार नाही अशी तंबी दिली आहे. या पार्श्वभूमीवर जिल्हा उपनिबंधक कार्यालयाकडून जिल्हयातील सर्व बाजार समित्यांना आर्थिक वर्ष सन २०२१-२२ च्या सुट्टयांबाबत ३० एप्रिल २०२१ पर्यंत मान्यता घ्यावी. तसेच पणन संचालनालयाच्या सूचनांची काटेकोरपणे अंमलबजावणी करावी,अशा सूचना जिल्हा उपनिबंधक सतिष खरे यांनी जिल्ह्यातील बाजार समित्यांना दिल्या आहेत. 

जिल्ह्यात विविध कारणांनी दहा दिवस बाजार समितीत कांदा लिलाव बंद होते. त्यामुळे शेतमालाचे नुकसान होण्यासह दरातही मोठा फटका बसला आहे. त्यामुळे शेतकऱ्यांचे नुकसान होणार नाही याची दक्षता बाजार समित्यांनी घेणे आवश्यक आहे, असल्याबाबत जिल्हा उपनिबंधकांनी  सांगितले आहे. बाजार समितीने वर्षाच्या सुरुवातीलाच साप्ताहिक व इतर सुट्ट्यांचे वर्षभराचे दिवस, कालावधी, पुरेसा वेळ  व कामकाजाचे आगामी वर्षाचे कॅलेंडर तयार करुन त्यास जिल्हा उपनिबंधक सहकारी संस्था यांची ३१ मार्च पूर्वी मान्यता घ्यावी, असे पत्रात नमूद केले आहे.

बाजार समिती बंद असण्याचे दिवस वगळून अचानक काही कारणासाठी बाजार बंद ठेवणे आवश्यक असल्यास, त्या बाबत पूर्वसूचना सर्व संबंधितांना देण्यात याव्यात. अशा प्रकारे बाजार अचानक बंद ठेवावा लागणार असला तरी सलग तीन पेक्षा जास्त दिवसासाठी बाजार बंद राहणार नाही याची दक्षता घ्यावी. याप्रमाणे शेतमाल खरेदी विक्री सौदे चालू किंवा बंद ठेवण्याचे केलेल्या नियोजनाचे पालन काटेकोरपणे होईल असे पहावे, असे स्पष्ट केले आहे. 

अन्यथा बाजार समित्यांवर कारवाई करा
व्यापाऱ्यांचे वैयक्तिक कारण असेल तर संबंधित व्यापारी सुट्टी घेऊ शकेल, परंतु कोणत्याही परिस्थितीत सर्व व्यापारी एकाच दिवशी शेतमाल खरेदीचे व्यवहार बंद ठेवणार नाहीत. सुट्टीच्या दिवसा व्यतिरिक्त इतर दिवशी व्यापाऱ्यांनी बाजार बंद ठेवल्यास, अशा व्यापाऱ्यांवर महाराष्ट्र कृषी उत्पन्न पणन (विकास व विनिमयन) अधिनियम,१९६३ व १९६७ मधील तरतुदीनुसार बाजार समितीने त्वरित कारवाई करावी. तसेच बाजार चालू राहील यासाठी पर्यायी व्यवस्था बाजार समितीने करावी, असे पत्रात नमूद केले आहे.


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...