Agriculture news in marathi Insurance amount for Loha and Mahur talukas is zero | Agrowon

लोहा, माहूर तालुक्यांना विम्याची रक्कम शून्य 

टीम अॅग्रोवन
सोमवार, 17 मे 2021

माहूर तसेच लोहा तालुक्याला एकही रुपया विमा मंजूर झाला नाही. यामुळे कोट्यवधींचा विमा हप्ता भरलेल्या शेतकऱ्‍यांमध्ये नाराजी पसरली आहे.

नांदेड : पंतप्रधान पीकविमा योजनेअंतर्गत खरीप हंगाम २०२० मधील उत्पन्न आधारित नुकसान झालेल्या ३९ हजार २६९ शेतकऱ्‍यांना २१ कोटी ९७ लाख ५१ हजार रुपयांचा पीकविमा मंजूर झाला आहे. यात सर्वाधिक १६ कोटी ३५ लाखांचा विमा पालकमंत्री अशोक चव्हाण यांच्या मतदारसंघातील भोकर तालुक्याला मिळाला आहे. तर माहूर तसेच लोहा तालुक्याला एकही रुपया विमा मंजूर झाला नाही. यामुळे कोट्यवधींचा विमा हप्ता भरलेल्या शेतकऱ्‍यांमध्ये नाराजी पसरली आहे. 

पंतप्रधान पीकविमा योजनेत जिल्ह्यातील शेतकऱ्‍यांनी ज्वारी, तूर, सोयाबीन, कापूस, उडीद व मूग या पिकांसाठी एकूण नऊ लाख ५५ हजार आठशे ४४ कोटी ६८ लाख रुपयांचा विमा हप्ता इफ्को टोकियो विमा कंपनीकडे विमा भरला होता. पिके उभे असताना यंदा अतिवृष्टी झाली होती. यात अतिवृष्टीमुळे नुकसानभरपाईसाठी दावा दाखल केलेल्या स्थानिक नैसर्गिक आपत्ती तसेच काढणीपश्‍चात नुकसान झालेल्या ८२ हजार ३३३ शेतकऱ्‍यांना एकूण ७५ कोटी ८४ लाखांची भरपाई मिळाली होती. यानंतर शिल्लक शेतकऱ्यांना उत्पन्न आधारित नुकसानभरपाईची प्रतीक्षा होती. कंपनीकडून नुकताच विमा मंजुरीबाबत तपशील जाहीर केला आहे. 

यात जिल्हा परिषद, कृषी विभाग व महसूल अशा तीन यंत्रणेने काढलेल्या पीक प्रयोगाच्या पीक कापणी प्रयोगाच्या आधारावर जिल्ह्यातील ३९ हजार २६९ शेतकऱ्यांना २१ कोटी ९७ लाख ९१ हजार रुपयांचा विमा मंजूर झाल्याचे कळविले. उत्पन्न आधारित विमा नुकसानभरपाईमध्ये जिल्ह्यातील १६ तालुक्यांपैकी पालकमंत्री अशोक चव्हाण यांचा मतदारसंघातील भोकर तालुक्याला सर्वाधिक १६ कोटी ३५ लाख रुपये विमा मंजूर झाला आहे. तर माहूर तसेच लोहा तालुक्यातील शेतकऱ्‍यांना मात्र भरपाई मिळाली नाही. 

तालुकानिहाय मंजूर पीकविमा (कंसात शेतकरी संख्या) ः अर्धापूर - ४३.७८ लाख (१४७), भोकर - १६.३५ कोटी (१९८३७), देगलूर - १.२८ कोटी (२६०६), धर्माबाद - ८५ हजार (४३), हदगाव - ११.०८ लाख (४३२), हिमायतनगर - ८५.५९ लाख (३४६४), कंधार - एक कोटी (४३९०), किनवट - ५७.७९ लाख (२१७४), लोहा - शून्य, माहूर - शून्य, मुदखेड - ४.३३ लाख (१००), मुखेड - १.७५ लाख (८६), नायगाव - १.१२ कोटी (२९८९), नांदेड - ८.०८ लाख (३३१), उमरी - ३९.२८ लाख (२५५३), बिलोली - ७.१० लाख (११७). 


इतर बातम्या
कोकण, विदर्भात मुसळधारेचा अंदाज पुणे : दक्षिण कोकणची किनारपट्टी ते उत्तर...
राज्यात ठिकठिकाणी मुसळधारपुणे : कोकणातील रायगड, रत्नागिरी, सिंधुदुर्ग...
उत्तरेत मॉन्सूनचा वेगाने प्रवास पुणे : गेल्या दोन दिवसांपासून उत्तर भारतात पुन्हा...
तुम्हीच अभ्यास करा, अन् विम्याचे ठरवा...सोलापूर ः पुनर्रचित हवामान आधारित फळपीक...
चिकू विमा हप्त्यात सहा पटीने वाढ पालघर ः कोरोनाच्या संकटात चहूबाजूंनी शेतकरी...
फळपीक विमा योजनेत हवामान धोके कायम, ...सोलापूर ः पुनर्रचित हवामान आधारित फळपीक विमा...
अलमट्टीवर आधुनिक रियल टाइम डाटा यंत्रणा...कोल्हापूर : पूरपरस्थितीचा सामना करण्यासाठी...
चार पिकांमध्ये पूर्ण बियाणे बदल नगर ः चांगले उत्पादन घ्यायचे तर नवी सुधारित...
द्राक्ष उत्पादकांची फसवणूक, ५...नाशिक : दिंडोरी तालुक्यातील वळखेड, निगडोळ, नळवाडी...
राज्यात ३.१४ लाखांवर नवीन वीजजोडण्या सांगली ः कोरोना विषाणूच्या दुसऱ्या लाटेत मार्च...
अकलूज नगरपालिकेच्या मागणीसाठी माळशिरसला...सोलापूर : अकलूज येथे नगरपालिका व नातेपुते येथे...
ऊर्ध्व वर्धा प्रकल्पातून तिवसा शहराला...अमरावती : ऊर्ध्व वर्धा प्रकल्पातून तिवसा शहरासाठी...
नांदेडमध्ये पीककर्ज वाटप संथ; ... नांदेड : जिल्ह्यात खरीप हंगामासाठी ११६८ कोटी...
टोमॅटोचे दर उतरले; शेतकरी संतप्तनारायणगाव, जि. पुणे :  जुन्नर कृषी उत्पन्न...
‘एक गाव, एक वाण’साठी कारंजातील नऊ...वाशीम : राज्य शासनाच्या बाळासाहेब ठाकरे कृषी...
‘ताकारी’च्या लाभक्षेत्राची ड्रोनद्वारे...सांगली : ताकारी उपसा सिंचन योजनेच्या क्षेत्रातील...
खानदेशात पेरण्या रखडत; कमी पावसामुळे...जळगाव : खानदेशात खरिपातील पिकांच्या पेरणीला रखडत...
निम्न दुधना प्रकल्पात वाढली पाण्याची आवकपरतूर, जि. जालना : यंदा पावसाळा सुरू होताच पाऊस...
ब्रह्मगिरी पर्वतावर अवैध उत्खनन;...नाशिक : लाखो भाविकांचे श्रद्धास्थान असलेल्या...
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...