Agriculture news in Marathi Insurance companies reach out to farmers less | Agrowon

सोलापूर ःविमा कंपनी शेतकऱ्यांपर्यंत पोहोचण्यात पडतेय कमी

टीम अॅग्रोवन
बुधवार, 28 जुलै 2021

यंत्रणा असूनही शेतकऱ्यांपर्यंत पोहोचण्यात कंपनी मात्र कमी पडत आहे. अधिकारी भेटत नाहीत, दखल घेतली जात नाही, विमा मिळाला नाही, अशा शेतकऱ्यांच्या तक्रारी कायम आहेत.

सोलापूर ः सोलापूर जिल्ह्यात पीकविम्यासाठी भारती अॅक्सा विमा कंपनीकडे जबाबदारी आहे. सोलापुरात कंपनीचे कार्यालय आहे. शिवाय कृषी विभागानेही त्यांच्या कार्यालयात कंपनीच्या प्रतिनिधींना बसण्यासाठी जागा दिली आहे. कंपनीचे डझनभर प्रतिनिधी जिल्ह्यात कार्यरत आहेत. एवढी यंत्रणा असूनही शेतकऱ्यांपर्यंत पोहोचण्यात कंपनी मात्र कमी पडत आहे. अधिकारी भेटत नाहीत, दखल घेतली जात नाही, विमा मिळाला नाही, अशा शेतकऱ्यांच्या तक्रारी कायम आहेत.

सोलापूर जिल्हा हा रब्बीचा म्हणून गणला जातो. पण गेल्या काही वर्षांपासून जिल्ह्यात खरिपातही मोठ्या प्रमाणात पिके होत आहेत. खरिपात जवळपास पावणेचार लाख हेक्टर आणि रब्बीत आठ लाख हेक्टरपर्यंत पेरणीचे क्षेत्र आहे. या दोन्ही हंगामांतील किमान ५० ते ७० टक्के शेतकरी पिकांसाठी हमखास विमा उतरवतातच. जिल्ह्यात डाळिंब, द्राक्ष या फळांसाठी आणि धान्यामध्ये तूर, सोयाबीन, मूग, उडीद या पिकांसाठी शेतकरी विमा हप्ता भरतात. पण विमा कंपन्यांबाबत शेतकऱ्यांचे अनुभव वाईट आहेत. शेतकऱ्यांना विमा कंपन्यांचे हेल्पलाइन माहीत नाहीत, नेमकी तक्रार कुठे करायची, हेही माहीत नाही. 

याबाबत वांगी (ता. उत्तर सोलापूर) येथील शेतकरी काकासाहेब सुपाते म्हणाले, ‘‘गेल्या दोन-तीन वर्षांपासून मी ज्वारी, तूर, सोयाबीनसाठी विमा उतरवतो आहे. गेल्या वर्षी एक एकर ज्वारी, एकएकर सोयाबीनचा विमा उतरवला. ७०० रुपये बँकेत हप्ताही भरला. त्याचवेळी अतिवृष्टीने नुकसान झाले. तक्रार कुठे करायची, कुणाला सांगायचं, हे मला माहितीच नाही. बँकेत, कृषी विभागाकडे गेलो, पण दाद मिळाली नाही.’’ 

परिते (ता. माढा) येथील दादासाहेब देशमुख यांचे यंदाही गेल्या आठवड्यात ५० एकर डाळिंबाचे नुकसान झाले आहे. मृग बहरातील डाळिंबासाठी बँकेच्या कर्जातून त्यांचा विमा हप्ता कपात झाला आहे. जवळपास ७५ हजारांहून अधिक रक्कम कापली गेली आहे. या नुकसानीबाबत नियमानुसार लगेच त्यांनी संबंधित कंपनीकडे तक्रार केली. पण अद्यापही कंपनीचा प्रतिनिधी त्यांच्यापर्यंत पोहोचला नाही. गेल्या वर्षीही जवळपास अडीच लाखांपेक्षा अधिक विमा हप्ता भरला. त्या वेळीही २५ एकर डाळिंबाचे नुकसान झाले, पण ती मदत अद्यापही त्यांच्या वाट्याला आली नाही. खर्डी (ता. पंढरपूर) येथील शेतकरी औदुंबर खताळ यांचीही तक्रार अशीच आहे. त्यांनीही गेल्या वर्षी विमा हप्ता भरला, पण अद्याप तो त्यांना मिळाला नाही.

कंपन्यांकडून कारणांचा पाढा
सोलापूर जिल्ह्यासाठी भारती अॅक्सा विमा कंपनी नियुक्त केली आहे. सोलापुरातील स्टेशनरोड परिसरात या कंपनीचे कार्यालय आहे. तसेच जिल्हा अधीक्षक कृषी अधिकारी कार्यालयात त्यांना बसण्यासाठी जागाही देण्यात आली आहे. त्याशिवाय कंपनीचे १३ प्रतिनिधी जिल्ह्यात कार्यरत आहेत. पण तरीही शेतकऱ्यांना विम्यासाठी प्रस्ताव दाखल करण्यापासून तो मिळेपर्यंत हेलपाटे मारावे लागतात. कृषी विभागाकडून पंचनामा पूर्ण नाही, नुकसान ग्राह्य धरण्याएवढा पाऊस झाला नाही, अशी एक ना अनेक कारणे देऊन शेतकऱ्यांना पिटाळले जाते. पण कंपनीचे प्रतिनिधी नागेश बोडाडा यांनी मात्र असं काही नाही, आमची यंत्रणा प्रत्येक तालुक्यापर्यंत पोहोचते, असं स्पष्टीकरण दिलं.


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...