agriculture news in marathi, insurance company will give compensation to banana growers, akola, maharashtra | Agrowon

आंदोलनाचा दणका; केळी पीकविमा गुरुवारपर्यंत देणार, कंपनीचे आश्वासन

टीम अॅग्रोवन
रविवार, 17 नोव्हेंबर 2019

अकोला  ः २०१८-१९ या वर्षात केळी उत्पादक शेतकऱ्यांनी काढलेल्या फळ पीकविम्याचा लाभ न मिळाल्याने संतप्त झालेल्या शेतकऱ्यांनी शुक्रवारी (ता. १५) येथील कंपनीच्या जिल्हा कार्यालयावर धडक दिली. दुपारपासून रात्री आठ वाजेपर्यंत ठिय्या देत अधिकाऱ्यांनाही शेतकऱ्यांनी कोंडून घेतले. या प्रश्नावर रात्री तोडगा निघाला असून शेतकऱ्यांना गुरुवारपर्यंत (ता. २१) फळ पीकविम्याचा लाभ दिला जाईल, असे लेखी आश्वासन अधिकाऱ्यांनी दिल्यानंतरच आंदोलन मागे घेण्यात आले.

अकोला  ः २०१८-१९ या वर्षात केळी उत्पादक शेतकऱ्यांनी काढलेल्या फळ पीकविम्याचा लाभ न मिळाल्याने संतप्त झालेल्या शेतकऱ्यांनी शुक्रवारी (ता. १५) येथील कंपनीच्या जिल्हा कार्यालयावर धडक दिली. दुपारपासून रात्री आठ वाजेपर्यंत ठिय्या देत अधिकाऱ्यांनाही शेतकऱ्यांनी कोंडून घेतले. या प्रश्नावर रात्री तोडगा निघाला असून शेतकऱ्यांना गुरुवारपर्यंत (ता. २१) फळ पीकविम्याचा लाभ दिला जाईल, असे लेखी आश्वासन अधिकाऱ्यांनी दिल्यानंतरच आंदोलन मागे घेण्यात आले.

शहरातील गोरक्षण मार्गावरील न्यू इंडिया इन्शुरन्स कंपनीच्या कार्यालयात अकोट तालुक्यातील पणज, रुईखेड आणि बोचरा परिसरातील शेतकऱ्यांनी धडक दिली. विम्याच्या लाभाबाबत जोपर्यंत आश्वासन मिळत नाही, तोवर कार्यालय सोडणार नाही आणि अधिकाऱ्यांनाही जाऊ देणार नाही, अशी भूमिका घेतली. यामुळे कंपनीच्या अधिकाऱ्यांमध्ये एकच खळबळ उडाली होती. जवळपास सात तास ठिय्या दिल्यानंतर अधिकाऱ्यांनी एक आठवड्यात दावे निकाली काढणार असल्याचे लेखी आश्वासन दिले. त्यानंतर शेतकऱ्यांनी शुक्रवारी रात्री ८ वाजता आंदोलन मागे घेतले.

यावर्षी अतिवृष्टीमुळे शेतकऱ्यांचे मोठे नुकसान झाले आहे. सोयाबीन, मूग, उडीद, कापूस, तूर पिकांसोबतच फळबागांचेही अतोनात नुकसान झाले. अकोट तालुक्यातील पणज मंडळातील केळी उत्पादकांनीही त्याचा फटका बसला. मागील वर्षात दुष्काळाचा फटका शेतकऱ्यांना बसला होता. या शेतकऱ्यांनी २०१८-१९ मध्ये फळ पीकविमा काढला होता. उन्हामुळे केळीची पाने सुकली होती. पीकवाढीच्या प्रक्रियेत अडथळा निर्माण झाला होता. परिणामी, केळी पिकाचे मोठे नुकसान सोसावे लागले. शेतकऱ्यांनी विमा कंपनीकडे दावा करून नुकसानभरपाईची मागणी केली.

जिल्हाधिकाऱ्यांना याबाबत निवेदनही दिले होते. विम्याची हेक्टरी १ लाख ७६ हजार रुपये मंजूर करण्याची मागणी शेतकऱ्यांनी केली होती. काहींना दाव्यापोटी पहिला हप्ता मिळाला. मात्र, नंतर उर्वरित रक्कम मिळालेली नाही. विम्यापासून वंचित राहिलेल्या ३५ शेतकऱ्यांनी शुक्रवारी न्यू इंडिया इन्शुरन्स कंपनीच्या कार्यालयात ठिय्या आंदोलन केले. फळ बागांचे नुकसान झालेल्या शेतकऱ्यांच्या शेतात पंचनामे करण्यात आले होते. त्यानंतर सप्टेंबरमध्ये दाव्याची संपूर्ण रक्कम मिळणे अपेक्षित होते. पंचनामे झाल्यानंतर सुमारे तीनशेपेक्षा जास्त शेतकरी विमा रक्कम मिळण्यासाठी प्रतीक्षेत आहेत.


इतर ताज्या घडामोडी
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...
खानदेशात ज्वारीची आवक नगण्य, दरही...जळगाव  ः खानदेशातील प्रमुख बाजार...
नगर जिल्ह्यात पाण्याअभावी २४० पाणी...नगर : आक्टोबर महिन्यात जिल्हाभर जोरदार पाऊस...
जळगाव जिल्ह्यात सिंचनासाठी धरणांतून पाच...जळगाव  ः पावसाळ्यात सरासरीच्या तीस टक्के...
सोलापुरात दरवाढीनंतर कांद्याच्या आवकेत...सोलापूर : सोलापूर कृषी उत्पन्न बाजार समितीमध्ये...
सातारा जिल्ह्यात रब्बी पीककर्जाचे सात...सातारा : जिल्ह्यात खरीप हंगामाप्रमाणेच रब्बी...
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...