Agriculture news in marathi Insurance office, helpline number not known | Agrowon

नगर : विमा कार्यालय, हेल्पलाइन नंबरची माहितीच नाही

टीम अॅग्रोवन
बुधवार, 28 जुलै 2021

नुकसानीची शेतकऱ्यांना भरपाई मिळावी, यासाठी पंतप्रधान पीकविमा योजनेतून शेतकरी सहभागी होतात. मात्र हप्ते भरेपर्यंतच कृषी विभागाकडून आवाहन केले जाते. त्यानंतर शेतकऱ्यांच्या तक्रारीची दखल घेतली जात नाही.

 नगर : नुकसानीची शेतकऱ्यांना भरपाई मिळावी, यासाठी पंतप्रधान पीकविमा योजनेतून शेतकरी सहभागी होतात. मात्र हप्ते भरेपर्यंतच कृषी विभागाकडून आवाहन केले जाते. त्यानंतर शेतकऱ्यांच्या तक्रारीची दखल घेतली जात नाही. वेगवेगळ्या कारणाने पीकविम्याचा लाभ नाकारला जातो. त्या बाबत शेतकरी कृषी विभागाकडे तक्रारी करतात, पण कृषी विभाग कंपनीकडे बोट दाखवते आणि कंपनीचे नगरला कार्यालय असल्याचे सांगितले जात असले तरी ते कुठे आहे, हे बहुतांश शेतकऱ्यांना माहिती नाही.

बहुतांश वेळा हेल्पलाइन नंबर बंदच असतो. एकंदर पीक विम्याबाबत शेतकरी नगर जिल्ह्यात बेदखल आहेत, असा आरोप शेतकऱ्यांनी केला आहे. मात्र विम्याबाबत कृषी विभागाचे काम चांगले असल्याचा दावा कृषी विभागाने केला आहे. विमा कंपनीचे प्रत्येक जिल्ह्यात कार्यालय असावे, असा नियम आहे. मात्र अनेक जिल्ह्यांत विमा कंपन्यांची कार्यालये नसल्याची बाब कृषिमंत्री दादा भुसे यांच्या निदर्शनात आले आहे.

या बाबत नगर जिल्ह्यातील स्थिती पाहिली असता नगर जिल्ह्यात पीकविम्याची भरपाई मिळाली नाही, तक्रार केली तरी त्याची दखल घेतली जात नाही. कृषी विभागाकडे तक्रार केली तर अधिकारी कंपनीकडे बोट दाखवतात. कृषी विभाग कंपनी हिताचे काम करत असल्याचा शेतकऱ्यांनी आरोप केला आहे. खरे तर केवळ हप्ते भरण्यापर्यंत आवाहन केले जाते, नंतर मात्र तक्रारीची दखल घेतली जात नाही. शेतकऱ्यांचे पीक विम्याचे दावे निकाली काढण्यासाठी तालुका व जिल्हा तक्रार निवारण समित्या आहेत. मात्र तेही तक्रार निकाली काढण्याचा प्रयत्न करत नाहीत.

पीकविम्याबाबत काम चांगले 
नगर जिल्ह्यात पीकविम्याबाबत कृषी विभाग, कंपनीचे काम चांगले आहे. नगर येथे विमा कंपनीचे कार्यालय असून, येथे प्रत्येक तालुक्याला एक विमा कंपनीचा प्रतिनिधी व दोन व्यवस्थापक आहेत. कृषी विभागाकडून तसेच विमा कंपनीकडून शेतकऱ्यांच्या आलेल्या तक्रारीची दखल घेऊन दावे निकाली काढले जातात. पूर, गारपीट व अन्य कारणाने नुकसान झाले तर त्याबाबत कार्यवाही करण्यासाठी गरजेनुसार सर्वेअर वाढवितात, नगर जिल्‍ह्यात विम्याबाबतचे काम चांगले, असा दावा नगरच्या कृषी विभागाने केले आहे.

प्रतिक्रिया

नगर जिल्ह्यात पीकविमा भरेपर्यंत शेतकऱ्यांना आवाहन केले जाते. त्यानंतर वेगवेगळ्या कारणाने शेतकऱ्यांचे विमा दावे फेटाळले जातात. शेतकऱ्यांनी तक्रार केली तर त्याचीही फारशी दखल घेतली जात नाही. कृषी विभागाकडे तक्रार केली तर कंपनीकडे बोट दाखवले जाते. कंपनीचे कार्यालये नगरला असल्याचे सांगितले जात असले तरी ते कुठे आहे हे शेतकऱ्यांना माहिती नाही. एकंदर पीकविम्याबाबत स्थिती गंभीर आहे.

-दादा येणारे, शेतकरी रायतळे, ता. पारनेर जि. नगर


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...