Agriculture news in Marathi Insurance taken out for 14,000 hectares of crops in Thane | Agrowon

ठाण्यातील १४ हजार हेक्टर पिकांचा काढला विमा

टीम अॅग्रोवन
रविवार, 20 सप्टेंबर 2020

ठाणे जिल्हा कृषी विभागाने यंदा पंतप्रधान पीकविमा योजनेची प्रभावी अंमलबजावणी केल्यामुळे जिल्ह्यातील विमा संरक्षित शेती क्षेत्रात गेल्या वर्षीच्या तुलनेत मोठी वाढ झाली आहे. या योजनेच्या माध्यमातून १३ हजार ७७० हेक्टर क्षेत्र विम्याच्या संरक्षणाखाली आले आहे.

मुंबई : ठाणे जिल्हा कृषी विभागाने यंदा पंतप्रधान पीकविमा योजनेची प्रभावी अंमलबजावणी केल्यामुळे जिल्ह्यातील विमा संरक्षित शेती क्षेत्रात गेल्या वर्षीच्या तुलनेत मोठी वाढ झाली आहे. या योजनेच्या माध्यमातून १३ हजार ७७० हेक्टर क्षेत्र विम्याच्या संरक्षणाखाली आले आहे. यंदा विमा काढणाऱ्या शेतकऱ्यांची संख्या तिपटीने वाढली आहे. अतिवृष्टीमुळे शेतीचे वारंवार होणारे नुकसान लक्षात घेता विमा संरक्षणासाठी शेतकरी पुढे येत आहेत.

ठाणे जिल्ह्यातील शहापूर, मुरबाड, भिवंडी, कल्याण आणि अंबरनाथ या पाच तालुक्यांमध्ये ६५ हजार हेक्टर क्षेत्रांवर शेतीची लागवड केली जाते. जिल्ह्यात अनेकदा अवकाळी पाऊस आणि अतिवृष्टी या नैसर्गिक आपत्तींमुळे शेतकऱ्यांचे मोठ्या प्रमाणावर नुकसान होते. शेतकऱ्यांना होणाऱ्या नुकसानीची भरपाई मिळावी यासाठी कृषी विभागाकडून जिल्ह्यात पंतप्रधान पीक विमा संरक्षण योजनांची प्रभावी अंमलबजावणी करण्यात येत आहे. जिल्हाधिकारी राजेश नार्वेकर हे वेळोवेळी पंतप्रधान पीक विमा योजनेबाबत आढावा घेऊन मार्गदर्शन करत आहेत. त्यामुळे मागील वर्षीच्या तुलनेत यंदा पीक विमा संरक्षण योजनेत सहभागी होणाऱ्या शेतकऱ्यांची संख्या तिपटीने वाढली आहे.

जिल्ह्यात २०१९-२० मध्ये कर्जदार १४ हजार ३८९ आणि बिगर कर्जदार ९४८ अशा एकूण १५ हजार ३३७ शेतकऱ्यांच्या १० हजार ५०९.५० हेक्टर क्षेत्राचा विमा उतरविण्यात आला. गेल्या वर्षी झालेल्या अतिवृष्टीमुळे जिल्ह्यातील पिकांचे मोठे नुकसान झाले होते. त्यामुळे १३ हजार ७९० शेतकऱ्यांना विम्याचा लाभ मिळाला होता.

जिल्ह्याने यंदा ३५ हजार ५७३ कर्जदार शेतकऱ्यांचे १२ हजार ८२३.९९ क्षेत्र तर, २ हजार ५१३ बिगर कर्जदार शेतकऱ्यांचे ९४६.३७ क्षेत्र असे मिळून ३८ हजार ८६ शेतकऱ्यांच्या १३ हजार ७७० हेक्टर क्षेत्राचा विमा उतरवण्यात आला आहे. त्यामुळे मागील वर्षापेक्षा यंदा पीक विमा उतरविलेल्या क्षेत्रात ३ हजार २६०.८६  हेक्टर क्षेत्राची वाढ झाली असल्याची माहिती जिल्हा कृषी अधीक्षक अंकुश माने यांनी दिली.

कोरोनाकाळात शेतकऱ्यांनी पीक विमा उतरवावा यासाठी जिल्हा कृषी विभागाने विशेष प्रयत्न केले. ‘आपले सरकार सेवा केंद्र’ सुट्टीच्या दिवशी सुरू ठेवण्यात आले होते. कर्मचाऱ्यांना घरातून केंद्रावर पोहोचण्यासाठी ई-पास उपलब्ध करून देण्यात आले होते. तसेच शेतकऱ्यांचा सहभाग वाढविण्यासाठी इफको टोकिओ जनरल इन्शुरन्स कंपनी लि.या पीकविमा कंपनीच्या माध्यमातून प्रचार आणि प्रसिद्धीसाठी ग्रामीण स्तरावर दोन कृषीरथ पाठवण्यात आले. या माध्यमातून मोठ्या प्रमाणात प्रसिद्धी करून शेतकऱ्यांचा पीक विम्यासाठी सहभाग मिळवता आला.

आंबा विमाधारकांना मिळाला लाभ
गेल्या वर्षी आलेल्या संकटामुळे जिल्ह्यातील १ हजार २९४ आंबा उत्पादक शेतकऱ्यांचे नुकसान झाले होते. या सर्व शेतकऱ्यांनी पीकविमा उतरवला असल्यामुळे त्यांना त्याचा लाभ झाला. नुकसान झालेल्या या सर्व शेतकऱ्यांना नुकतेच नुकसान भरपाईचे ६ कोटी रुपये देण्यात आल्याची माहिती अंकुश माने यांनी दिली.


इतर ताज्या घडामोडी
नगर जिल्ह्यात दीड लाख हेक्टर पिकांची...नगर ः नगर जिल्ह्यात आॅक्टोबर महिन्याच्या...
पुणे विभागात सव्वापाच लाख हेक्टरचे...पुणे ः चालू वर्षी पावसाळ्याच्या जून ते ऑक्टोबर या...
वाशीममध्ये ‘पोकरा’च्या कामांना गती...वाशीम : जागतिक बँक अर्थसहाय्यीत नानाजी देशमुख...
कृषी कायद्यांवरून द्वेषपूर्ण राजकारण ः...अकोला ः पंतप्रधान नरेंद्र मोदी यांनी ऐतिहासिक...
लाखांदूर तालुक्यात धान्य साठ्यासाठी सहा...भंडारा : जिल्ह्यातील लाखांदूर तालुक्यातील जिरोबा...
माथाडी कामगारांच्या वादात कोल्हापुरात...कोल्हापूर : येथील शाहू मार्केट यार्डातील गूळ...
जालना जिल्ह्यात १९० शेतकऱ्यांची बांबुला...जालना  : कृषी विज्ञान केंद्राच्या पुढाकाराने...
कापसाच्या पीक कापणीतून दोन गुंठ्यांत २...लोहगाव, जि. औरंगाबाद : लोहगाव महसूल मंडळाच्या...
रत्नागिरीत बारा हजार हेक्टरवरील भात,...रत्नागिरी ः जिल्ह्यात झालेल्या अतिवृष्टीमुळे १०...
नांदेड जिल्ह्यात आर्द्रतेच्या नावाखाली...नांदेड : राज्यात परतीच्या पावसामुळे शेतकऱ्‍...
मदत लवकरच शेतकऱ्यांच्या खात्यांवर ः डॉ...परभणी : ‘‘नैसर्गिक संकटात राज्य सरकार...
देवळा तालुक्यात उन्हाळ कांद्याच्या...देवळा, जि. नाशिक : एका बाजूला कांदा खरेदी बंद...
पाच एकरातील सोयाबीनला लावली आगयवतमाळ : केवळ अतिवृष्टीग्रस्त (६५ मिलिमीटरवर)...
उद्या सर्व मंत्र्यांचे काळी फीत बांधून...मुंबई ः सीमाभागात दरवर्षी १ नोव्हेंबर हा कर्नाटक...
भोसे, मरवडे मंडलांतील १९६ द्राक्ष...मंगळवेढा, जि. सोलापूर ः गतवर्षीच्या...
सोलापूर जिल्ह्यात रोपवाटिका योजनेच्या...सोलापूर : जिल्ह्यातील भाजीपाला उत्पादनाला...
पंढरपूर बाजार समितीत वजनावर केळीची...सोलापूर : पंढरपूर कृषी उत्पन्न बाजार समितीमध्ये...
विदर्भ, मराठवाड्यात गुरुवारपासून आंदोलन...अकोला ः आॅक्टोबरमधील परतीच्या पावसाने संपूर्ण...
‘स्वाभिमानी’ची ऊस परिषद सोमवारी ऑनलाइनकोल्हापूर : संपूर्ण राज्याचे लक्ष लागलेल्या...
रब्बी हंगामातील पिकांचे व्यवस्थापनरब्बी पिकांच्या लागवडीसाठी योग्य जमिनीची निवड,...