agriculture news in marathi International sugar prices rises will benefit Indian industry | Agrowon

साखर दराला झळाळी; दोन वर्षांतील सर्वाधिक भाव

राजकुमार चौगुले: ॲग्रोवन वृत्तसेवा
सोमवार, 23 ऑगस्ट 2021

साखरेच्या आंतरराष्ट्रीय बाजारात तेजीची झळाळी कायम असून, साखरेचे भाव विक्रमी ५०० डॉलर प्रति टनापर्यंत (३७,००० रुपये) गेले आहेत. दराची उसळी साखर उद्योगाला आश्‍वासक मार्ग दाखवत आहे.

कोल्हापूर : साखरेच्या आंतरराष्ट्रीय बाजारात तेजीची झळाळी कायम असून, साखरेचे भाव विक्रमी ५०० डॉलर प्रति टनापर्यंत (३७,००० रुपये) गेले आहेत. दराची उसळी साखर उद्योगाला आश्‍वासक मार्ग दाखवत आहे. गेल्या दोन वर्षांच्या तुलनेत गेल्या सप्ताहात मिळालेला हा सर्वाधिक दर असल्याचे साखर उद्योगातील सूत्रांनी सांगितले. ही दर वाढ इथून पुढील काळात भारताच्या पथ्यावर पडणार असल्याचे स्पष्ट संकेत आहेत.  

..ऑगस्टची झळाळी
ऑगस्टच्या पहिल्या दिवसापासूनच साखरेच्या (पांढरी साखर) दरात वाढती तेजी दिसून येत आहे. गेल्या पंधरा दिवसांत अपवाद वगळता साखर दराची वाढ कायम दिसते. दररोज पाच ते सहा डॉलरने साखर दर वाढत आहेत. जुलै महिन्याच्या शेवटी साखरेचे दर ४६० डॉलर प्रति टनापर्यंत होते. यात वाढ होत ऑगस्ट मध्याला दराने ५०० चा पल्ला पार केला. १८ ऑगस्टला उच्चांकी ५०९ डॉलर इतका दर झाला. १२ ते १९ ऑगस्ट या कालावधीत ५०० किंवा ५०० डॉलरच्या आसपास दर मिळत असल्याने साखर उद्योगात ‘खुशीकी लहर’ दिसून येत असल्याचे दिसते. 

भारताला संधी
आंतरराष्ट्रीय बाजारातील तेजी भारतीय साखर उद्योगाला प्रेरित करत आहे. गेल्या वर्षी ब्राझीलची साखर असतानादेखील भारताने उद्दिष्टा इतकी म्हणजे ६० लाख टनांपेक्षा जास्त साखर प्रत्यक्षात निर्यात केली. यंदा ब्राझील दुष्काळाच्या खाईत आहे. यामुळे तेथील साखर उत्पादन मोठ्या प्रमाणात घटले. पुढील वर्षीही अशीच परिस्थिती राहण्याची शक्यता आहे. याचा अनुकूल परिणाम भारतीय बाजारपेठेतील साखरेच्या मागणीवर होऊ शकतो. काही देशात साखर उत्पादन वाढणार असले, तरी त्यांची साखर बाजारपेठेत येण्यास विलंब लागू शकतो.

कारखान्यांनी एकदम साखर न विकता थोड्या थोड्या प्रमाणात जसे दर वाढतील तशी सावधगिरी बाळगून साखरेची विक्री केल्यास साखरेचे रखडलेले अर्थचक्र गतीने पुढे जाऊ शकते, असा विश्‍वास साखर उद्योगातील सूत्रांचा आहे. भारतात साखर उत्पादनाच्या बाबतीत गेल्या वर्षी सारखीच यंदा ही परिस्थिती आहे. यामुळे  जरी जादा साखरनिर्मिती होणार असली तरी आंतरराष्ट्रीय पातळीवर दराच्या बाबतीत होणाऱ्या घडामोडी साखर उद्योगासाठी चांगल्या ठरतील. आंतरराष्ट्रीय बाजारात दर वाढत असल्याने स्थानिक बाजारातील दर चांगले राहण्याची शक्यता आहे. स्थानिक साखरेची विक्री चांगल्या दरानेच होईल असा विश्‍वास साखर उद्योगातील सूत्रांनी व्यक्त केला.

सहा महिन्यांतील साखरेचे सरासरी आंतरराष्ट्रीय दर  (डॉलर/प्रति टन)
महिना (दर)
फेब्रुवारी :  ४५०, मार्च : ४४०, एप्रिल : ४६०, मे : ४६०, जून : ४४०, जुलै : ४५०, ऑगस्ट (१८ पर्यंत) : ४७०

कच्च्या साखरेतही तेजीची शक्यता
भारतातील कच्च्या साखरेवर सौदी अरेबिया, दुबई, बांगलादेश, इंडोनेशिया आदी देशासह भारतातील कांडला, काकीनाडा या भागातील रिफायनरी अवलंबून आहेत. या रिफायनरींना यंदाच्या हंगामात कच्च्या साखरेची मोठी गरज लागणार आहे. पक्क्या साखरेबरोबर कच्च्या साखरेचे दर ही त्याच तुलनेत वाढत असल्याने कच्ची साखरनिर्मिती ही फायदेशीर ठरणार असल्याचे संकेत आहे. भविष्यात कच्ची साखर निर्मिती ही तितकीच फायदेशीर होऊ शकेल याकडे कारखानदारांनी गांभीर्याने लक्ष दिल्यास सध्या सुरू असणारा तेजीचा माहोल जास्त काळ सुरू राहू शकतो, त्याचा फायदा भारतीय साखरेला होऊ शकतो असे साखर उद्योगाच्या सूत्रांनी सांगितले.

प्रतिक्रिया..
आंतरराष्ट्रीय स्थानिक बाजारात साखरेचे दर चांगले वाढत असले, तरी कारखानदारांनी एकदम साखरेची विक्री एकदम न करता थोड्या थोड्या प्रमाणात करून चांगल्या दराचा लाभ करून घ्यावा. एकदम साखर विक्री करण्याचा प्रयत्न केल्यास मागणी कमी होऊन दर ही कमी होण्याची शक्यता असते. गेल्या पंधरा दिवसांपासून आश्‍वासक दरवाढ झाली आहे. साखरेची विक्री नियोजन पद्धतीने केल्यास साखर कारखानदार ‘लाँग टर्म’ फायदा घेऊ शकतात. सध्याची जागतिक परिस्थिती पाहता इथून पुढील काही महिने तरी साखर दराची तेजी टिकून राहील अशी शक्यता आहे.
- अभिजित घोरपडे, साखर निर्यातदार


इतर अॅग्रोमनी
भारतात होणारी सोयापेंड निर्यात...पुणे : भारत सरकारने जणुकीय सुधारित सोयापेंड...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...