agriculture news in marathi, inugration of solar energy based electricty supply system, mumbai,maharashtra | Agrowon

ऊर्जा विभागाच्या योजनांचा शेतकऱ्यांना मोठा लाभ : मुख्यमंत्री

टीम अॅग्रोवन
बुधवार, 17 ऑक्टोबर 2018

मुंबई  : ऊर्जा विभागाने लोकहिताच्या व लोकाभिमुख अशा महत्त्वाकांक्षी तीन योजना सुरू केल्या असून, याचा लाभ राज्यातील शेतकऱ्यांना व जनतेला मोठ्या प्रमाणात होईल, असा विश्वास मुख्यमंत्री देवेंद्र फडणवीस यांनी व्यक्त केला.

मुंबई  : ऊर्जा विभागाने लोकहिताच्या व लोकाभिमुख अशा महत्त्वाकांक्षी तीन योजना सुरू केल्या असून, याचा लाभ राज्यातील शेतकऱ्यांना व जनतेला मोठ्या प्रमाणात होईल, असा विश्वास मुख्यमंत्री देवेंद्र फडणवीस यांनी व्यक्त केला.

ऊर्जा विभागामार्फत राबविण्यात येणाऱ्या मुख्यमंत्री सौर कृषिवाहिनी योजनेअंतर्गत उभारण्यात आलेले सौरऊर्जा प्रकल्प, विद्युत वाहन चार्जिंग स्टेशन्स व शेतकऱ्यांच्या कृषिपंपाला नवीन वीज जोडणी देण्याकरिता उच्चदाब वितरण प्रणाली (एचव्हीडीएस) या तीन योजनांचे मुख्यमंत्र्यांच्या हस्ते मंत्रालयात उद्‌घाटन झाले. त्या वेळी ते बोलत होते. या वेळी महसूलमंत्री चंद्रकात पाटील, ऊर्जामंत्री चंद्रशेखर बावनकुळे, अन्न व नागरी पुरवठामंत्री गिरीश बापट, गृहनिर्माणमंत्री प्रकाश महेता, आदिवासी विकासमंत्री विष्णू सवरा, जलसंपदामंत्री गिरीश महाजन, पर्यटनमंत्री जयकुमार रावल, राज्यमंत्री प्रवीण पोटे-पाटील, दीपक केसरकर, विजय शिवतारे, मुख्य सचिव दिनेशकुमार जैन, मुख्यमंत्र्यांचे अपर मुख्य सचिव प्रवीण परदेशी उपस्थित होते.

या वेळी मुख्यमंत्री म्हणाले, की ऊर्जा विभागातर्फे शेतकऱ्यांच्या हितासाठी, सर्वसामान्यांना उपयुक्त असे निर्णय घेतले जात आहेत. उद्‌घाटन झालेल्या तीनही योजना या महत्त्वपूर्ण असून पर्यावरणपूरक अशा आहेत. या सर्व योजनांमुळे येत्या काही दिवसांत शेतकऱ्यांना दिवसा वीज देणे शक्य होईल. मंत्रिमंडळाच्या बैठकीत १ लाख सौरपंपांना मान्यता दिली आहे. शेतकरी केंद्रीत अशा या योजना असल्याने त्याचा लाभ शेतकऱ्यांना  होईल.

विद्युत वाहन चार्जिंग स्टेशनमुळे पर्यावरणाचा ऱ्हास निश्चितच वाचेल, तसेच इंधनाचा भारदेखील कमी होईल. मोटर वाहननिर्मिती करणाऱ्या कंपन्या इलेक्‍टि्कल वाहन तयार करीत आहेत. त्यामुळे विद्युत वाहन चार्जिंग स्टेशनला चांगली मागणी आहे. राज्यातील विद्युत अभियंता, पदविकाधारक तसेच आयटीआयच्या युवकांना ही विद्युत स्टेशन देण्याबाबतचा निर्णयदेखील महत्त्वाचा आहे. रोजगाराची मोठी संधी यातून मिळणार आहे. देशातील कोणत्याही राज्यापेक्षा अधिक वीज निर्माण करण्याची क्षमता असलेले आपले राज्य आहे, असेही मुख्यमंत्री म्हणाले.

‘मागेल त्याला मुख्यमंत्री सौर कृषिवाहिनी’
पंतप्रधान नरेंद्र मोदी व मुख्यमंत्री देवेंद्र फडणवीस यांच्या संकल्पनेतून साकार झालेल्या या योजना आहेत. निती आयोगाने कौतुक केलेली मुख्यमंत्री सौर कृषिवाहिनी योजना असून अशा प्रकारची ही देशातील पहिली योजना आहे. राज्यातील मागेल त्या शेतकऱ्याला या योजनेतून लाभ दिला जाईल, असे ऊर्जामंत्री चंद्रशेखर बावनकुळे यांनी सांगितले.

ते म्हणाले, की या सौर वाहिनीमुळे महत्त्वाचे फायदे होऊ शकतात. यामध्ये विजेवरील खर्च, वीजपुरवठ्यावरील खर्चात मोठी बचत होत आहे. विभागाने ५ लाख १८ हजार वीज जोडण्या दिल्या असून उर्वरित दोन अडीच लाख जणांनादेखील जून २०१९ अखेर वीजजोडण्या दिल्या जातील. विद्युत पदविकाधारक, आयटीआयच्या २३ हजार विदयार्थ्यांना मार्च २०१९ पर्यंत विविध गावांमध्ये ग्राम मॅनेजर म्हणून काम मिळेल. प्रती विद्युत कनेक्शन ९ रुपये प्रमाणे त्यांना देखभाल दुरुस्ती खर्च दिला जाईल.


इतर अॅग्रो विशेष
मॉन्सून मंगळवारपर्यंत कोकणातील काही...पुणे : बंगालच्या उपसागरात तयार होत असलेले कमी...
सिंधुदुर्ग, रत्नागिरीतील पारंपरिक...सिंधुदुर्ग: सकस आणि पौष्टिक मानल्या जाणाऱ्या...
विद्यापीठाच्या कांदा बियाण्यांची विक्री...नाशिक : कोरोना प्रादूर्भावाच्या...
कोकण, मध्य महाराष्ट्रात पावसाची शक्यतापुणे: निसर्ग चक्रीवादळ निवळल्यानंतर राज्याच्या...
फळपिक विम्यात शेतकऱ्यांना ५ टक्के वाटा...मुंबई: राज्यात पुनर्रचित हवामान आधारीत फळपिक...
फळपिक विमा योजना अखेर जाहीरपुणे : राज्यात हवामानावर आधारित पुनर्रचित फळपिक...
थकबाकीदार शेतकऱ्यांच्या कर्जाचा घोळ...पुणे: थकबाकीदार शेतकऱ्यांना नवे पीककर्ज देण्याचे...
मॉन्सून गोव्याच्या उंबरठ्यावर दाखलपुणे: नैर्ऋत्य मोसमी वाऱ्यांनी (मॉन्सून) शनिवारी...
पीककर्ज वाटपाचा पुरता फज्जापुणे ः मोसमी पाऊस महाराष्ट्राच्या उंबरठ्यावर दाखल...
टोळधाड- तूर्त संकट टळले !, तरी सतर्क,...कोरोना संकटाशी सामना सुरू असतानाच राज्याला नव्या...
दक्षिण कर्नाटक, तामिळनाडूत मॉन्सूनची...पुणे : नैर्ऋत्य मोसमी वाऱ्यांनी (मॉन्सून) आज (ता....
कोकणात पावसाचा अंदाज पुणे : अरबी समुद्रात आलेल्या ‘निसर्ग’...
रविवारपर्यंत मॉन्सूनची आणखी चाल शक्य पुणे: नैर्ऋत्य मोसमी वाऱ्यांनी (मॉन्सून) गुरूवारी...
हमीभाव मिळवून देण्यात केंद्र सरकार...पुणे: केंद्र सरकार गाजावाजा करून हमीभाव जाहीर करत...
शेतकरी उत्पादक कंपन्यांचे बियाणे अनुदान...पुणे : राज्यातील शेतकरी उत्पादक कंपन्यांचे बियाणे...
साखर कारखान्यांनी लॉकडाउनमध्ये जमा केली...पुणे: लॉकडाउनमधील विविध अडचणींना तोंड देत...
माझा शेतकरी, माझा अभिमान ! ७ ते १३ जून...पुणे : कोरोनाच्या कठिणकाळात जनता घरबंद असताना...
कृषी उन्नती योजनेत ६६ टक्के कपातपुणे: कृषी उन्नती योजना राबविण्यासाठी केंद्र...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
दर्जेदार हळद पावडरीचा शिनगारे यांचा...परभणी जिल्ह्यातील वालूर सारख्या ग्रामीण भागात...