जालना : जायकवाडी प्रकल्पावरून कालव्याद्वारे केल्या जाणाऱ्या सिंचनांची वाट अवघडच असल्याचे चित्र आहे. पाणी अखेरपर्यंत जावे म्हणून केली जाणारी तात्पुरती डागडुजी या कालव्यातून होणाऱ्या सिंचनावर प्रश्‍नचिन्ह निर्माण करणारी आहे.
जलसंपदा विभागाच्या जायकवाडी पाटबंधारे विभागाकडून यंदा प्रकल्प तुडुंब भरल्यानंतर नियमांच्या आधीन राहून रब्बी व उन्हाळी पिकांसाठी आवर्तनाचे नियोजन झाले. त्यानुसार रब्बीसाठी तीन आवर्तने सोडली जातील. १५ डिसेंबर २०१९ ते २८ फेब्रुवारी २०२० दरम्यान ही आवर्तने सोडली जातील. दोन आवर्तनांमध्ये साधारणत: आठवड्याचे अंतर असेल. हो-नाही म्हणत पाणी सोडण्यासाठी चाचणी मुहूर्त ११ डिसेंबरचा काढण्यात आला. त्यानंतर १५ डिसेंबरपासून सिंचनासाठी पाणी सोडले जाणार आहे.
२०८ किलोमिटर अंतराच्या डाव्या, तर १३२ किलोमिटर अंतराच्या उजव्या कालव्यांद्वारे नियोजनानुसार पाणी सोडले जाणार आहे. परंतु जिल्ह्यातील वडीगोद्री शिवारात कालव्याची झालेली अवस्था पाणी शेवटपर्यंत पोचण्यात किती अडथळे आहेत, हे दर्शविण्यासाठी पुरेशी आहे. अशीच अवस्था कमी अधिक प्रमाणात डाव्या व उजव्या कालव्याची आहे.
नियोजनानुसार पाणी सोडण्यासाठी गाळ काढणे, गवत काढणे, दरवाजांची दुरुस्ती, मुख्य कालव्यात खचलेला भराव बाजूला करणे आदी कामे केली व काही सुरू असल्याची माहिती सूत्रांनी दिली. कालव्याच्या आतील साइडची उखळलेली सिमेंटची, अनेक ठिकाणी उखळलेल्या साइडच्या फाड्या, बाजू दुरुस्त झाली नाहीत. सोडल्या जाणाऱ्या सिंचनाच्या पाण्यात गतिरोधक आहेत हे स्प‌ष्टच आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.