Agriculture news in Marathi It continues to rain; Wet drought | Agrowon

पाऊस सुरूच; ओल्या दुष्काळाचे सावट

टीम अॅग्रोवन
शुक्रवार, 24 सप्टेंबर 2021

राज्यात आठ दिवसांपासून पावसाचे पुनरागमन झाले असून, अनेक ठिकाणी दमदार सुरुवात झाली आहे. परंतु अतिपावसामुळे मराठवाड्यात पुरती दाणादाण उडाली असून, पाणी साचल्याने पिके जागेवर उद्ध्वस्त होत आहेत.

परभणी ः राज्यात आठ दिवसांपासून पावसाचे पुनरागमन झाले असून, अनेक ठिकाणी दमदार सुरुवात झाली आहे. परंतु अतिपावसामुळे मराठवाड्यात पुरती दाणादाण उडाली असून, पाणी साचल्याने पिके जागेवर उद्ध्वस्त होत आहेत. त्यामुळे शेतकऱ्यांचे मोठे नुकसान होत असून, काढणीला आलेले पीक मातीमोल होत असल्याने शेतकरी हतबल झाले आहेत.

मराठवाड्यात सर्वाधिक नुकसान झाले आहे. जवळपास १४ लाख हेक्टर पिकाला फटका बसला आहे. तर २१ लाखांवर शेतकरी बाधित झाले आहेत. परभणी, हिंगोलीत यंदा आजवर अपेक्षित सरासरीपेक्षा जास्त पाऊस झाला आहे. अनेकवेळा अतिवृष्टी झाली आहे. गेल्या तीन ते चार दिवसांपासून पाऊस सुरूच आहे. पुढील काही दिवसांत पावसाचा अंदाज आहे.सततच्या पावसामुळे पाणी साचून राहिल्याने उभी पिके सडून गेली आहेत. खरीप हंगामावर ओल्या दुष्काळाचे सावट दिसत असल्याने शेतकरी हवालदिल झाले आहेत.  

दरम्यान, गुरुवारी (ता. २३) सकाळी आठ पर्यंतच्या २४ तासांमध्ये परभणी जिल्ह्यातील ५२ मंडळांमध्ये सरासरी ११.७ मिलिमीटर, तर हिंगोली जिल्ह्यातील २५ मंडलांत सरासरी ७.१ मिलिमीटर पाऊस झाला.

येलदरी, सिद्धेश्‍वर, निम्न दुधना धरणातून विसर्ग सुरु आहे. पाण्याची आवक वाढल्यानंतर विसर्गात वाढ केली जात आहे. त्यामुळे दुधना, पूर्णा काठच्या पिकांमध्ये पाणी शिरल्याने शेतकऱ्यांचे नुकसान होत आहे. या दोन जिल्ह्यांतील गोदावरी, पूर्णा, दुधना, करपरा, कयाधू, गलाटी, लेंडी आदी नद्यांच्या काठच्या तसेच छोटे-मोठे ओढे, नाल्या काठच्या पाणथळ जमिनीमधून पाण्याचा निचरा होत नसल्याने उभी पिके सडून गेली आहेत. 

सोयाबीन, तूर, कपाशी ही खरीप पिके, ऊस, केळी, संत्रा, मोसंबी आदी फळपिके, पालेभाज्या, टोमॅटो आदी भाजीपाला पिकांचे मोठे नुकसान झाले आहे. अनेक भागांतील सोयाबीन काढणीच्या अवस्थेत आहे. सततच्या पावसामुळे सोयाबीनच्या शेंगा भिजल्याने दाण्याची प्रत खराब झाली आहे. परभणी जिल्ह्यात १ लाख ६० हजार हेक्टरवरील, तर हिंगोली जिल्ह्यात ९ हजार हेक्टरवरील पिकांचे नुकसान झाल्याचे प्राथमिक अंदाज आहे. पाऊस सुरूच राहिला तर नुकसानीच्या क्षेत्रात वाढ होणार आहे.

  • मराठवाड्यात १४ लाख हेक्टर पिकांना फटका
  • नद्यांच्या काठावरील शेतीपिके खरडली
  • अतिपावसाने परभणीत पिके जागेवर सडली
  • सोयाबीन, उडीद, मूग पिकाचे सर्वाधिक नुकसान

इतर अॅग्रो विशेष
संत्रा छाटणी यंत्र ‘पंदेकृवि’त दाखलअकोला : दिवसेंदिवस या भागात संत्र्याची लागवड वाढत...
‘टॅगिंग’ कपात उपक्रमाच्या यादीत ५३ साखर...पुणे ः थकीत देणी वसूल करण्यासाठी राज्य सरकारने...
शेळीमध्ये टेस्ट ट्यूब बेबीची निर्मितीअकोला ः महाराष्ट्र पशू व मत्स्य विज्ञान विद्यापीठ...
शेतीसाठी दिवसा बारा तास विद्युतपुरवठा...नागूपर : शेतकऱ्यांचे धानाचे पीक गर्भात आहे, ते...
द्राक्ष विमा परताव्यासाठी चकरा...नाशिक : मार्च २०२१ अखेरीस संपलेला द्राक्ष...
मॉन्सूनोत्तर पावसाचा पिकांना दणकापुणे : गेल्या दोन दिवसांपासून पावसासाठी पोषक...
देशातील सोयाबीनची केवळ २७ टक्के काढणीपुणे : खरीप हंगाम २०२१-२२मध्ये सोयाबीनची लागवड...
संघर्षातून फुलले शेतीमध्ये 'नवजीवन'अवघी दोन एकर जिरायती शेती. खाण्यापुरती बाजरी...
विदर्भ, मराठवाडा, उत्तर महाराष्ट्रात...पुणे : नैर्ऋत्य मोसमी वाऱ्यांनी (मॉन्सून)...
विदर्भ, मराठवाड्यात उद्यापासून पावसाची...पुणे : नैर्ऋत्य मोसमी वाऱ्यांनी (मॉन्सून) संपूर्ण...
सूक्ष्म सिंचन अनुदानात वाढपुणे ः केंद्र सरकारने पंतप्रधान कृषी सिंचन...
मॉन्सूनची महाराष्ट्रातून माघारपुणे : नैर्ऋत्य मोसमी वाऱ्यांनी (मॉन्सून)...
भाजपच्या जातीयवादाला धर्मनिरपेक्षवादाने...मुंबई ः या देशात भाजप जो टोकाचा जातीयवाद करतो आहे...
‘कथनी आणि करणी’त फरक पुन्हा उघडपुणे : आधीच अतिवृष्टीच्या तडाख्यात सापडलेल्या...
बाजाराचा अंदाज घेऊनच सोयाबीन विक्री करापुणे : सरकारने खाद्यतेल आयात शुल्कात कपात...
लातुरात सोयाबीनच्या भावात तीनशेची घसरणलातूर ः खाद्यतेल आयात शुल्क कपातीच्या निर्णयानंतर...
आमदारांच्या स्थानिक विकास निधीत एक...मुंबई : आमदारांचा स्थानिक विकास निधी दोन...
झेंडूसह अन्य फुलांमध्ये शिरसोलीची ओळखजळगाव जिल्ह्यातील शिरसोली गाव फुलशेतीसाठी...
मॉन्सूनचा महाराष्ट्रातून निरोपपुणे : राजस्थानातून परतीच्या प्रवासाला उशिरा...
देशी केळी अन रताळ्यांना नवरात्रीसाठी...कोल्हापूर जिल्ह्यात नवरात्रीच्या निमित्ताने...