ऊस लागवडीशिवाय चोसाका भाड्याने देणे अशक्य

चोपडा, जि.जळगाव :तालुक्यातील शेतकऱ्यांनी जास्त उतारा असलेल्या उसाची लागवड करावी. ऊस लागवडीशिवाय चोसाका भाडेतत्त्वावर देणे अशक्य आहे.
 It is impossible to rent Chosaka without sugarcane cultivation
It is impossible to rent Chosaka without sugarcane cultivation

चोपडा, जि.जळगाव : चोपडा शेतकरी सहकारी साखर कारखाना भाडेतत्त्वावर देण्यासाठी उसलागवडीची गरज आहे. कार्यक्षेत्रात ऊस असेल, तर निश्चितच भाडेतत्त्वावर घेणारा सकारात्मक विचार करेल? जर परिसरात ऊसच नाही, तर कारखाना कसा चालेल? यासाठी तालुक्यातील शेतकऱ्यांनी जास्त उतारा असलेल्या उसाची लागवड करावी. ऊस लागवडीशिवाय चोसाका भाडेतत्त्वावर देणे अशक्य आहे. 

बंद अवस्थेत असलेला चोसाका पुढील गळितात सुरू होण्याची चिन्हे आहेत. यासाठी तालुक्यातील शेतकरी, कामगार, ऊसतोड मजूरांना न्याय देऊन, त्यांचे सहकार्य असणे गरजेचे आहे. ‘चोसाका’ला भाडेतत्त्वावर देण्याबाबत बुलडाणा बँकेकडून हिरवा कंदील मिळाला आहे. याबाबत संचालक मंडळाचे प्रयत्न सुरू आहेत.

 तालुक्याचा मानबिंदू असलेला चोसाका सुरू व्हावा, ही प्रत्येकाची इच्छा आहे. कारखान्याच्या हितासाठी सर्वांनी प्रयत्न करणे गरजेचे आहे. सद्य:स्थितीत बंद असलेल्या कारखान्याची चाके सहकार्य केल्यास सुरू होतील.

कारखाना हा शेतकऱ्यांचा आहे. शेतकरीच मालक आहेत. यामुळे शेतकऱ्यांनीच यावर विचारमंथन करून ऊस लागवड करून ‘चोसाका’ला वाचवावे. शेतकऱ्यांनी चोसाका २०२१-२२ या गळीत हंगामासाठी ऊस लागवड धोरण निश्चित करून कारखान्याच्या गाळप क्षमतेला अनुसरून उसाची लागवड मोठ्या प्रमाणात करावी.

  पूर्वानुभव वाईट 

तालुक्यातील शेतकरी एकीकडे रक्ताचे पाणी करून उसाचे पीक घेत आहेत. आपल्या जीवनात उसाने गोडी आणावी, यासाठी ते झटत आहेत. पण, शेतकऱ्यांना याचे वाईट अनुभव आले आहेत. पुन्हा तसे होणार नाही, याकडे लक्ष देऊन कारखाना पूर्ण क्षमतेने कसा चालेल, याकडे लक्ष देणे गरजेचे आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com