कोल्हापुरात गूळ प्रतिक्विंटल ३७०० ते ४९०० रुपये

कोल्हापूर : येथील कृषी उत्पन्न बाजार समितीत या सप्ताहात गुळाची पंधरा हजार रव्यापर्यंत आवक झाली. गुळास क्विंटलला ३७०० ते ४९०० रुपये इतका दर मिळाला.  गेल्या वर्षीच्या तुलनेत गुळाचे उत्पादन घटण्याची शक्‍यता निर्माण झाल्याने यंदा गुळाला चांगला दर मिळण्याची शक्‍यता निर्माण झाली आहे. यंदा गुळाचा प्रारंभापासूनच दर सातत्याने ३५०० रुपयांच्या वर असल्याने गूळ उत्पादकांत काहीसा उत्साह आहे. गेल्या आठवड्यापासून गुळाची नियमित आवक सुरवात झाली. गेल्या सप्ताहात गुळाची दररोज पाच ते सात हजार गूळ रव्याची आवक होती. आता त्यात चाळीस टक्‍क्यांपर्यंत वाढ होऊन सप्ताहात दररोज दहा हजार रव्यांच्या वर गूळ रव्यांची आवक झाल्याचे गूळ बाजारातील सूत्रांनी सांगितले. गेल्या सप्ताहाच्या तुलनेत गुळाची दहा हजार क्विंटलने आवक वाढल्याचे गूळ बाजारातून सांगण्यात आले.  कांद्याच्या आवकेत गेल्या सप्ताहाच्या तुलनेत दीड हजार क्विंटलनी घट झाली. कांद्यास क्विंटलला सरासरी २७०० रुपयांपर्यंत दर मिळाला. गेल्या सप्ताहात हाच दर २६०० रुपयांपर्यंत होता. बटाट्याच्या आवकेतही एक हजार क्विंटलने वाढ झाल्याचे कांदा, बटाटा विभागातून सांगण्यात आले. बटाट्यास सरासरी दर ७८० रुपये इतका होता.  वांग्याची दररोज चारशे ते पाचशे करंड्या आवक झाली. वांग्यास दहा किलोस १५० ते ५५० रुपये दर होता. ढोबळी मिरचीस दहा किलोस १८० ते ४५० रुपये इतका दर होता. गवारीची दररोज दीडशे पोती आवक होती. गवारीस दहा किलोस २०० ते ४५० रुपये इतका दर होता. पालेभाज्यांमध्ये कोथिंबिरीची बारा ते पंधरा हजार पेंढ्या आवक होती. कोथिंबिरीस शेकडा ६०० ते १५०० रुपये दर होता. या सप्ताहात गुळाला क्विंटलला मिळालेला दर (रुपये)